الى يسلم دقنة

[ebrahem]

عندى بيان لحالة من المسخرة الى بنعيشها على الطبيعة فى ناس مشهورين زى جراحين القلب وخلافة بيكون فى ناس متميزة فعمليات نادرة وجديدة .. ونفسهم يعملوا لستة بأسامى مرضى يعملولهم العمليات الجديدة حتى وان كانت غير ضرورية عشان سابقة الأعمال بتفتحلهم باب شهرة كبيرة على الصعيد المحلى والإقليمى والمؤتمرات الدولية ..
المهم والدى تعب وهو راجل فوق السبعين بس الحمد لله رياضى ومحافظ على نفسة كويس جدا المهم تعب وجانى يتعالج واختار مستشفى دولى فى الدقى .. واختار اكبر استشارى قلب فيها ..التحليلات الأولية قالت عندة ارتجاف أوذينى .. وتسارع كبير فى النبض مع عدم انتظام ضربات القلب نفس الموضوع الى عند حسنى وعند ييجى 15% من الناس الى بنفس السن الدكتور طلب عناية مركزة..لضبط الضغط العالى والنبضات وبعد 24 ساعة طلب الخروج من الرعاية لغرفة خاصة.. وتحاليل تحاليل ومحاليل محاليل وتجهيز لعملية جراحية جديدة عرفت من النت ان الى عملوها فأمريكا 12 وبريطانيا 5 وفى مصر واحد تقريبا عضو فى مجلس القضاء الأعلى.. العملية غير ضرورية لأن هناك علاج طبى بالعقاقير يغنى عنها دا غير انها بنج كلى وقسطرة بتدخل من شريان بالفخد اليمين لما توصل للقلب وتدخل الأوذين الأيمن وتخرم الجدار الى بين الأذينين لأن مكان زرع الجهاز بجانب الأوذين الأيسر ودا راجل فوق السبعين .. لكن شغلنا اسطوانة اطمنوا يا جماعة داحنا بنتدرب عليها فى الخارج من 12 سنة عشان نعملها للريس وعلى فكرة هو هيعملها كمان يومين .. وانتوا عارفين اد ية هوا موسوس يعنى لو الموضوع مش مضمون اكيد مكناش هنجرؤ نعملهالة .. دا غير ان معانا خبير اجنبى البروفيسر الألمانى فرانكوا معرفش اية الى جاى للموضوع دة مخصوص من من معهد القلب فى معرفش اية وممكن ناخد حالة الوالد من ضمن الخمس حالات الى جاى يعملها ومر اليومين و الرئيس السابق اتحبس ولا عمل عملية ولا غيرة والدكتور طلع بيكدب .. خفنا على الوالد من جراحة القسطرة دى لأنها غير ضرورية .. فلما احس برغبتنا فى متابعة العلاج بالعقاقير سلمنا لنائب حديث التخرج متدرب عندة وقالنا فلان هوا الى عمل جميع الأشعات والفحوصات والى كان بيتابع الحالة مع استشاريين وظائف الكلى والمسالك وامراض الدم والكبد .. وهوا الى هيكتب الروشتة .. الدكتور الشاب قال من ضمن لستة العلاج ياخد دوا لزيادة سيولة الدم لمنع تكون الجلطات التى قد تتكون مع وجود الارتجاف الاوزينى وزيادة النبض وحدد جرعة زائدة جدا من عقار يسبب زيادة سيولة الدم بناء على تحاليل سابقة اجراها فى المستشفى مع الاستاف المعالج وطلب اعادة تحاليل درجة السيولة بعد اسبوعين وتم العودة للديار بالصعيد و الانتظام عالعلاج .. الى ان كانت بعد اسبوعين الكارثة.. فقدان الدم لخواصة الطبيعية وتحولة الى بقع حمراء عالجلد تنتظر أى شكة أو جرح بسيط لينفجر نزيف لا ينقطع لساعات بعد اى حقنة وبقع حمراء تكسوا الجلد فى كافة اماكن الجسم و اعراض اخرى كثيرة .. وكانت نتيجة التحليل لسيولة الدم فاجعة فقد فقد الدم خواصة وصار اخف من المياة وتكسرت الصفائح وانهارت البلازما .. ووصلت السيولة لدرجة صار معها النزيف من العين والأنف وبعد اى كحة أو عطسة امرا طبيعيا اتصلنا بالدكتور الشاب فأخذ يولول وطلب نقل بلازما فورا لأن حدث تسمم بالدم.. وأثناء تدبير البلازما لم يجد الاستشارى الخاص بنا فى بلدنا ضرورة لذلك وقال لا زال الدم سليم والجسم يقاوم ما الم بة ..و العقاقير ممكن تظبط حالة السيولة وترجعها فى الطبيعى خلال 48 ساعة .. المهم زرنا الدكتور اياة تانى بعد تلات شهور بغرض المتابعة بعيادة المستشفى وبرغم انة اخلاقة كويسة لكن كان متغاظ مننا ومداناش اى اهتمام برغم اننا اترزعنا اسبوع بسببة فى المستشفى هروا الوالد فيها محاليل وحقن .. وكان الوالد هيروح مننا بسبب علاج نائبة الخاطىء .. والباشا طلب حجز الوالد تانى فى العناية المركزة برغم انة كان الحمد لله متحسن وماشى على رجلية وقال انة ميقدرش يعمل حاجة قبل الحجز بالعناية واعادة كل التحاليل والأشعات والموجات والمحاليل وعذاب المريض و المرافقين تانى .. كنا قبل وقفة عيد الفطر بيوم وقال هتتحجزوا بالرعاية وأفضل تروحا الرعاية الى فى مستشفى دار ال.. بستة اكتوبر لأنى بشتغل هناك برضوا غير العيارة الى فى برج الأطباء .. بس مش هقدر اكون معاكم لا هنا ولا هناك لأنى اجازة .. شوفوا الوقاحة .. الوالد رفض لإرتباطنا بمناسبة عائلية هامة وهو يشعر ان الأمر لا يستحق هذا العناء فقد كان يشكو من صداع وضغط فقط.. المهم والحمد لله عرفنا من دكاترة تانيين ان الصداع بسبب الحساسية المزمنة من الرطوبة والتراب والعلاج جاب نتيجة طيبة.. وفى النهاية تساءل الوالد لماذا طلب الطبيب تكرار كل ما سبق من فحوصات ولم يستدعى الفايل الحديث من الأرشيف؟ باين علية بيزنس مان كبير وشايفنا زباين لطاف