الطبنجة الحلوان,و هل هي عشق المصريين أم أجبروا عليها؟؟؟

[Mohammad Al Qassam]

بدات قصة هذه المسدسات لأوائل الخمسينات ، عندما تعاقدت مصر مع شركة Beretta الإيطالية للحصول على مسدسات من عيار 9 ملم بعدها بفترة قليلة ، الحكومة المصرية طلبت توفير رخصة من الشركة لإنتاج المسدس Beretta 1951 . المسدس ذو تلقيم نصف آلي semi-auto ، حيث يحتوي مخزن المسدس ( المشط ) على عدد 8 إطلاقات يعني هو في الاصل بيريتا المسدس المعروف..
لماذا الحلوان ؟؟؟
1- لإنه صناعة مصرية
2- عشان وزن الطبنجه
لو اتكلمنا على زون الطبنجه فهو عند تقيمه يمكن القول بانه لا يعد ثقيل بالدرجه المتصوره و في ذات الوقت لا يمكن وصفه بالخفيف
يبلغ وزن المسدس وهو فارغ 1300 غرام أما طوله فيبلغ 194 ملم ( منها 114 ملم طول السبطانة وهذا بالنسبه للطبنجه الحلوان الذي يطلق عليها في الشارع " الحلوان القديم"
اما بالنسبه للحديث فوزنه الوزن 950 جرام وهو فارغ ، الطول 217 ملم ( منها 125 ملم للسبطانة
3-عشان مداها المؤثر
150-200 متر
4- لو اتكلمنا على سعة الطلقات :-
هناك نوعان من الطبنجه الحلوان بالنسبه لسعة الطلقات
14 طلقه - 8 طلقات
وذلك بالاضافه لطلقه في الماسوره و بالتالي يمكن تصنيفه 15 طلقه 9 طلقات
5- سهوله تصليحه و توافر اجزاءه في حالة التلف او العطل وايضا انخفض ثمنها
6- سعر الطبنجه "-
سعرها الذي يعد في متناول مرخصي الاسلحه لان سعرها يتراوح
بالنسبه للجديد من 14 الف الى 27 الف جنيه تقريبا
اما المستعمل فسعره يتراوح ما بين ال 3 الف حتى ال 10 الف جنيه
و كمان دلوقتي سمعت كدة و الله اعلم ان الاسعار بتاعتها هتنزل تاني

التطور و عرض مبسط لوجهات النظر :::

الحلوان ايام الملكية كانت مصر بتنتجه باسم دنشواى
بعد كده اتفقوا مع المعلم بريتا انهم ياخدوا منه ماكينات التجميع و سموا المولود الجديد حلوان و طبعا مدينة حلوان ايامها غير مدينة حلوان بتاعة دلوقتى خالص , وهما لو كانوا يعرفوا ان حلوان ستتحول الى ما نراه اليوم كانوا سموه سيوه مثلا

الحلوان 51,54,57 خزنتهم 8 طلقات , ال 920 قبل الثورة كان خزنة 15 و بعد الثورة عملوه خزنة 20 طلقة و رجعوه تانى 15 عشان الناس كانت علمت عليه خلاص , ال980 مش فاكر كام طلقة دلوقتى بس تقريبا كان زى ال 920 و انا سمعت و الله اعلم انه هيتوقف تصنيعه نهائي ال 980

مواسيرهم كلها فرز 24 من خردة و زبالة وكالة المعلم بريتا (كناية عن سوء المواسير) , اه فرز 24 عشان لو كانوا فرز تانى كان زمانه بقى حاجة تانية خالص.

موديلات حلوان:-
1- حلوان51 (ابو علبة زرقا) , بألوانه اسود كحيان و بنى جربان و فضى طهقان , طهقان لانه بيبقى مطلى مش نيكل كروم من الخامة نفسها زى بقية المسدسات المحترمة فى الدنيا كلها , و يبقى قابلنى لو جمع معاك خزنة كاملة 8 طلقات متتالى لانه قبل ما يكملهم حيكون سخن و ولع فى ايدك .
2- حلوان54 و حلوان57 , المشهور فى الجيش بأسم سلاح الخزنة الواحدة , يعنى يضرب ال 8 طلقات ده لو كملهم و يخش على الورشه فى قسم الرعاية المركزة عشان يتعالج من ضرب النار
3- حلوان920 , نسخة للبريتا 92 و بعض اجزاءه يتم استيرادها و بيتجمع فى الانجاز عشان مفيش وقت (كناية عن الفينيشنج الضايع للطبنجة) .
4- حلوان980 , هو 920 متدلع , به 3 أمان , يعنى لو مأمنه بال 3 أمان و انته ناسى و حصلك موقف فجائى لازم تستأذن البلطجى يستنى نص دقيقة مثلا عشان تفك ال 3امان و تسحب طلقة و تبتدى تنشن و تضرب و يبقى قابلنى لو البلطجى استناك خصوصا انه معهوش غير بندقية آلى لانه مش لاقى مسدس شمال يشتريه اصلا , و الغريبة ان الفينيش بتاع ال980 جيد جدا عن كل اخواته و لكنه بوزن سكان حى حلوان كلهم فهو بوزن الفيل و بحجم التنين الحزين.

عيوب الحلوان : دمه حامى و بيسخن بسرعة , اليايات (السوست) بتاعته متستحملش 50 طلقة و لازم تودع , ارتداده قوى جدا , تجميعه سىء جدا بعد ضرب أول 3,4 طلقات فى الخزنة

فى حلوان51 اسمه فى امريكا و كندا اسمه التجارى هناك حلوان بريجيدير و صناعة مصرية 100% و مفعهوش عيوب خالص غير ان خزنته 8 طلقات و ارتداده قوى و دول لا مفر منهم و الغريبة انه ليه اكسسوارات مش موجودة فى بلده مصر

ينفرد الحلوان51 الاسود و البنى بضرب عيارين 9مم طويل (9*19) و 9مم قصير (9*17) بنفس الكفاءة مع ان عياره الاصلى 9مم طويل 9*19 , الحلوان51 الفضى بيضرب 9مم طويل بس بسبب سمك ششخاناته و ارتداده انعم شوية من الاسود و البنى

ده اجتهاد مني بالاضافه الى معلومات قيمه تم تجميعها من بعض المواقع و اّراء مالكي الطبنجة
و في النهاية السؤال هل الحلوان هي عشق المصريين أم أجبروا عليها؟؟؟؟؟؟
وشكرا ........................