حبة اسئلة

[دكتور عابدينوف]

السلام عليكم يا اجمد منتدى
انهردا رحت ارض زراعية وطبعا اخدت البندقية معايا
عمى هو الى كان رايح معايا وكان صبور لدرجة خيالية دا كان كل مايشوف حاجة على شجرة فالطريق يقف ويقولى هاتها ...بس للاسف خذلته
مفيش غير طائر واحد الى ضربته وكان مش اكتر من عشرة متر ..هو شبه الغراب شوية بس بطنه برتقالى وبيتسلق الاغصان بمنقاره ...ياريت حد يقولى دا ايه ؟؟
المهم انى حتى مافرحتش بيه وقع فالميا
اليمام حظى معاه زفت
الغربان بضرب ومفيش حاجة بتحصل
ابو قردان احد الفلاحين اقسملى انه بياكله وجاااااااامد وبتاع وانا اقتعه مفيش ...ياريت حد يقولى برضو بيتاكل ولا لا؟؟
وكان فيه نوعين طيور واحد ازرق فى بنى وواحد جناحه تلات خطوط بالعرض ابيض وبنى واسود شكله روعة ...لو حد يعرف دول ايه ياريت يفيدنا
اسف للاطالة

[فوزى السيد]

الطائر اللى بطنة برتقالى دة لا يؤكل لانى من اكلات الجيفة هو مش برتقالى قوى يعنى هو مايل للبيج وجنحتة بنى محمر وعنية حمرة واسمة عرق بوص او كوك
والطائر الازرق دة اسمة كينج فيشر وبياكل حشرات واسماك واحيانا سحالى وضفاضع وبرضة لايؤكل اماالبنى فى اسود وابيض دة اسمة قطقاط وبيتغذى على جزور النباتات وبعض الحبوب وهو يؤكل اما عن ابو قردان فهو ليس من الجوارج ولا من اكلات الجيف وليس لة مخلب ولا منقار جارح ولم يرد ما يحرم اكلة وفعلا فى ناس بتاكلة وبيقولو انة حلو انا عن نفسى ما جربتوش ولا بضربة لانى بتبع مبداء دع ما يريبك بما لا يريبك انا فعلا جربت القطقاط ولقيتة تمام واللى طمنى اكتر انى لقيت لة قنصة وفيها حبوب زرة ولحمة حلو بس هو بياخد سوى كتير ودى صور للطيور دى ارجو انهم يطلعو هما اللى انت شوفتهم
هذا والله اعلم
مع خالص تحياتى

[دكتور عابدينوف]

المشاركة الأصلية كتبت بواسطة فوزى السيد

الطائر اللى بطنة برتقالى دة لا يؤكل لانى من اكلات الجيفة هو مش برتقالى قوى يعنى هو مايل للبيج وجنحتة بنى محمر وعنية حمرة واسمة عرق بوص او كوك
والطائر الازرق دة اسمة كينج فيشر وبياكل حشرات واسماك واحيانا سحالى وضفاضع وبرضة لايؤكل اماالبنى فى اسود وابيض دة اسمة قطقاط وبيتغذى على جزور النباتات وبعض الحبوب وهو يؤكل اما عن ابو قردان فهو ليس من الجوارج ولا من اكلات الجيف وليس لة مخلب ولا منقار جارح ولم يرد ما يحرم اكلة وفعلا فى ناس بتاكلة وبيقولو انة حلو انا عن نفسى ما جربتوش ولا بضربة لانى بتبع مبداء دع ما يريبك بما لا يريبك انا فعلا جربت القطقاط ولقيتة تمام واللى طمنى اكتر انى لقيت لة قنصة وفيها حبوب زرة ولحمة حلو بس هو بياخد سوى كتير ودى صور للطيور دى ارجو انهم يطلعو هما اللى انت شوفتهم
هذا والله اعلم
مع خالص تحياتى

والله انا انبهرت ياريس انتا كبير كبير كبير من كفر الشيخ للعين السخنة
كانك كنت معايا بالظبط
جزاك الله كل خير

[NewSomeBody]

ابوقردان بيتغذي على الديدان والقمامة

والطائر الازرق فى بني اعتقد انه الرفراف وهو يؤكل
ودي صورته



وفى منه لون آخر

[دكتور عابدينوف]

المشاركة الأصلية كتبت بواسطة newsomebody

ابوقردان بيتغذي على الديدان والقمامة

والطائر الازرق فى بني اعتقد انه الرفراف وهو يؤكل
ودي صورته



وفى منه لون آخر

تمام ياباشا كلام زى الفل والرفرااف دا هو الى شفته بالظبط
بس ازاى الراجل قالى بياكل ابو قردان وعامل زى اليمام بالظبط؟؟

[NewSomeBody]

كل واحد وعلى حسب نفسه ما تجيبه
بس هي الطيور انتهت عشان ياكل ابوقردان الى بيتغذي على الديدان

[M.SHADY]

بالتوفيق يا باشا فى طلعات قادمه

[دكتور عابدينوف]

المشاركة الأصلية كتبت بواسطة moorey

ههههههههههههههههه

يع حد ياكل ابو قردان

ههههههههههه ايوة هو يع فعلا انا قلت كدا برضو

المشاركة الأصلية كتبت بواسطة NewSomeBody

تسلم .. وخدها من باب المصلحة العامة
ابوقردان مفيد جدا للفلاحين فبلاش نضربه

ياباشا لو بيتاكل ماكنش الفلاح نفسه سابه هههههههههه
نورت الموضوع

المشاركة الأصلية كتبت بواسطة M.SHADY

بالتوفيق يا باشا فى طلعات قادمه

[mohamed2010habib]

فعلا ابو قردان فيه ناس بتاكله ...هو موش حرام اكله...بس لو موش هتاكله متضربوش
انا على نفسي لو الدكتور وصفه ليا موش هاكله