ياريت يا اصحابى واخواتى حد يفيدنى وياريت الموضوع ميتحذفش بقة

[brns]

طب بقولكم اية
عايز اخد رايكم فى حاجة مهمة جدا والله
انا اختى بتشتغل ممرضة ونفسها تسافر تشتغل فى اى دولة بس هى متجوزة وعندها ولد عندة سنة دلوقتى
المهم سالت فى كذا سفارة لدول عربية قالوا لها مينفعش تاخدى جوزك وابنك لازم انتى بس
المهم امبارح بتقولى انها تم التوافق على انها تاخد جوزها وابنها معاها والدولة اللى موافقة على كدة هى اوغندا
وتشتغل ممرضة هناك
فانا عايز اعرف حد عندة معلومات عن اوغندا دية ونظامها اية وتذكرة الطيارة وهل هى دولة غنية وفية قلق ومشاكل ولا دولة هادية كدة يعنى شوية معلومات

[engineero eslam]

والله انا اعتقد ان اوغندا دى غريبة شويه وهى دولة افريقية مش غنية على حسب معلوماتى وانا اعرف ان السعودية مثلا ودول عربية كتير بتطلب ممرضات بشكل كبير وف نفس الوقت بتشترط وجود محرم يعنى لازم زوجها يكون معاها

فمعلومة انها لازم تكون لوحدها معلومة غلط

[diiie_hard]

جوزها بيشتغل ايه اخي ؟

[القبطان المصرى 77]

كل اللى هاقدر افيدك فيه هو ان اوغندا تعتبر من افقر الدول الافريقيه
انا مش عارف اختك بتفكر ازاى بصراحه
حد يسيب مصر عشان اوغندا ياراجل برده
طيب لو اى بلد تانيه كويسه كنا قلنا ماشى تستاهل التضحيه
لكن اوغندا؟؟؟؟؟؟؟
على العموم هى تعتبر بلد زراعى فى المقام الاول
وبها حوالى 12 % من سكانها مسلمين
والعمله الرسميه لأوغندا هى الشلن
والجنيه المصرى الواحد هناك يساوى حوالى 400 شلن اوغندى على ما اتذكر
يبقى ليه بقى السفر ووجع القلب؟

[brns]

بس هى فعلات راحت دول سفارات لدول عربية كتير ورفضوا موضوع ان جوزها يكون معاها
بس هى اصلان مرحتش سفارة السعودية عشان طبعا بقة معروف لينا كمصريين ان السعودية بقت تكرة المصريين وتتعامل معاهم بعنصرية
وعايزين يسعودا السعودية كلها وميبقاش فى حد مصرى عندهم بيشتغل هناك يعنى وبيستغنوا عن العمالة المصرية بالعمالة الهندية او الباكستنية
هو جوزها بيشتغل محامى
بس هى راحت بالصدفة سفارة اوغندا فوافقوا ورحبوا جدا واللى عرفتة هناك من احد العاملين انهم بيحبوا المصريين جدا فى اوغندا خصوصا والدول الافريقية عموما وبيخافوا من مصر والمصريين جدا عشان بيقولك دة شعب عنيد وقوى ومحدش يقدر على المصريين فعشان كدة هى ناوية على اوغندا بس كنت عايز اعرف معلومات عن اوغندا دية عشان اءقولها عشان برضة تبقى رايحة وعندها خليفة عن الدولة دية

[diiie_hard]

اولا التمريض مطلوب جدا جدا في الدول العربية كلها وليست السعودية بس
وياسلام لو معاها خبرة في مستشفيات يبقي زي الفل
الحل الوحيد انها تقدم في مكتب توظيف في وظيفة تمريض بالمؤهل بتاعها هيجيلها 100 شغل
وتروح تسافر هناك وتستقر وتجيب عقد عمل لجوزها هناك وتبعتله بعد فترة
وبالتالي هيجيبوا شقة ايجار هما الاتنين وفي نفس الوقت هم الاتنين شغاليين علشان المصاريف

ده احسن حل من رايي المتواضع وبلاش اوغندا دي خالص

[brns]

شاكر جدا اخى وحبيبى القبطان المصرى 22 على ردك وتفاعلك معايا
بس هى اصلان شافت زميلاتها معظهم سافروا ونفسها هى كمان تسافر عايزة تجرب موضوع السفر دة
شبطانة فية

[brns]

مهى اخى الكريم die hard مصممة ولازم يطلع جوزها وابنها معاها وهى رايحة فى الاول
طب لو اغندا مش حلوة اية الدولة الافريقية اللى ممكن تروحها على اساس ان معظم الدول الافريقية مبيفرقش معاهم موضوع جوزها ولا ابنها دة
وفى نفس الوقت تكون دولة افريقية غنية تقدر تعمل قرش حلو من عندهم

[diiie_hard]

جنوب افريقيا لو عرفت تروح هناك يبقي كويس

[realfighter]

السلام عليكم ورحمة الله وبركاته
اسمحولى يا جماعة اشارك معاكم مع انى مش قادر امسك نفسى من قصة اوغندا دى
المهم يا استاذ brns قلها سيبك من قصة اوغندا دى وخليكى فى الدول العربية ولما حضرتها تستلم الفيزا وتسافر بالسلامة وتعمل الاقامة ويبقى ليها اى دى فى البلد اللى هتروحها والقصة دى بالكتير هتاخد 3 شهور بعدها تروح على الجوازات اللى فى الدولة اللى هتروحها يعنى وتقدم على فيزا لمرافق وتقدم قسيمة الجواز اللى هتكون طبعا موثقاها من من المحكمة ووزارة العدل والخارجية المصرية وسفارة البلد اللى هتروحها والمفروض ان جوزها محامى يكون ملم بالامور دى تحياتى

[brns]

طب جنوب افريقيا دية نظامها اية فى المعيشة وهل فيها اى مشاكل او تمرد او اى قلق

[diiie_hard]

انا كان ليا اصحاب هناك عايشين كويس وفلوس كويسة بردة مش وحشة لانها دوله مش فقيرة
بس معنديش تفاصيل اكتر من كده

[ahmed yasser]

اوغندا !!! دا اوغندا دولة فقيييرة جدا ومستوى الفقر هناك اكتر من مصر بكتير

[دكتور عابدينوف]

انا اعرف ممرض سافر انجلترا وممرض عادى صغير ومش خبرة يعنى
وبالتوفيق يارب

[brns]

انا شاكر ليكم جميعا على روردكم الحلوة دية تسلم ايديكم بجد
بس هى خلاص استقريت على افريقيا عموما لان هى لازم تطلع ومعاها ابنها وجوزها والدول العربية بعد ما راحت وسالت فى كذا دولة مش راضين خالص حتى عمان بتاعت السلطان قابوس برضة قالولها لازم تكون واحدها
بس عرفت ان افريقيا بيرحبوا جدا لان الدول الافريقية الممرضات اللى بيروحوها قليلين جدا
طب تنصحونى اية احسن دولة افريقية تقدر تعمل فيها قرش كويس وفى نفس الوقت تكون دولة مفهاش لا مظاهرات ولا احتجاجات ولا اى نوع من انواع القلق
هل الجابون
غنينا
نيجريا
السنغال
اية من الدول الافريقية بس

[ahmed yasser]

المشكلة ان كل الدول دى افقر من مصر

[hogan]

ممكن اسفرهالك اى دوله اوربيه وتاخد الاقامه

[diiie_hard]

المشاركة الأصلية كتبت بواسطة hogan

ممكن اسفرهالك اى دوله اوربيه وتاخد الاقامه

هيبقي افضل 100 مرة ان شاء الله
وارشحلك كندا او استراليا

[brns]

مهو انا عارف انها وبكل سهولة تقدر تسافر اى دولة عربية بس هى مصممة على انها تاخد جوزها وابنها معاها وهى مسافرة والدول العربية مش موافقين على كدة
لكن عرفت ان الدول الافريقية معندهاش مانع انشالله تجيب العائلة كلها معاها
عشان الدول الافريقية بيخافوا من مصر اوى وبيعتبروها اقوى دولة فى المنطقة كلها يعنى احنا بالنسبة للدول الافريقية زى امريكا كدة القوى العظمى فى الشرق الاوسط وافريقيا

[_SAIKO_]

ربنا يوفقها لما فيه الخير ان شاءالله

[brns]

انما صحيح لية الدول الافريقية بيعملوا الف حساب لمصر ومجرد ذكر اسم مصر بيترعشوا كدة