طلعة الجمعة ... للفائدة والمتعة...

[عـمـر]

اولا السلام عليكم ورحمة الله وبركاته
مساء الجمال على احلى واجدع صيادين في المحروسة ... في الحقيقة انا ما طلعتش من زماااااااااااااااااان جدا ... والطلعة دي جات كده يعني ...
اسباب الطلعة؟ هقولك الصحبة الحلوة
بس ؟؟ لا طبعا وحب الهواية.
بس؟؟؟ لا طبعا علشان كنت نفسي اجرب حاجة وجربتها وهقولكم عليها.
كنت مع واحد صاحبي امبارح وقلي ما تيجي نطلع قولتله انا بعت البنادق خلاص قالي مفيش مشكلة تعالى بس ..المهم صلينا الفجر واتقابلنا ومعانا اخ كمان راجل مخضرم وصياد قدير البنادق كانت عدد اتنين بندقية bsa و بندقية ماجنوم 350 ...
اللي طلعت بيه من الرحلة دي من الناحية العملية ...
تخيل انك ممكن تضرب برش رماية ومارسمان مع البنادق دي ايوة .... صدقوني يا جماعة مفيش داعي ابدا للافراط في شراء رش غااااااااالي بحجة ان الرش المصري وحش لاااااااااااااااااا .... وعلى فكرة الضرب كان بدون اسكوبات وكمان مسافات كبيرة وعلى فكرة ال bsa بندقية اقل ما يقال عنها انها عملاقة دقة وقوة من 45 و55 متر برضو بالرش المصري وترضى غرور وغريزة اي صياد ... وكذلك بالنسبة للديانا350 مع الرش المصري.
لكن الديانا بصراحة مش اي حد هيضرب بيها .
بالنسبة للاماكن بقة حاول تدور على الجديد دايما .... المرة دي قولنا نروح مكان جديد وربنا كرمنا بمكان شرق النيل تعتبر قرية في قلب الصحراااااااء ...لكن يمام وحمام جبلي حدث ولا حرج لكن كل الصيد كان يمام ماعدا 3 بس حمام علشان نتفادى المشاكل في مكان اول مرة نروحه .
الحصيلة كانت 118 فرد يمام و3 فرد حمام ... وحوالي 40 فرد يمام معرفناش نجيبة ...واخيرا سامحوني لاني قليل الدخول للمنتدى وقليل الطلعات وعلى فكرة دي اول طلعة انزلها على منتدانا الغالي ... كل التحية والحب والتقدير لكم وللمنتدى العملاااااااااااااق المحترم ... احبكم في الله.
ولكم بعض الصور ... للجزء اللي اخذته من الحصيلة والباقي طبعا للصحبة الحلوة والاصدقاء اللذين لم يخرجوا معنا .... ودمتم في امان الله.

[tarik el]

الف هناوشفا

[omarara]

انا من بنى سويف على فكرة بس عايش فى مصر بقالى 8 سنين بس بنزل لأصحابى
بس خالى بالك من المناطق اللى فى الشرق والناس اللى هناك
ما شاء الله الواضح انكم قناصين

[aymank2]

ماشاء الله ياقناصين طلعه جباره ربنا يباركلكم فى رزقكم بالنسبه لموضوع الرش عن تجربه مش كل انواع الرش بتمشى مع كل البنادق بس انا رايى المارسمان العلب الجيده منه متقلش عن الجامو باى حال من الاحوال.

[diiie_hard]

ماشاء الله
بالف هنا

[tarik el]

المارسمان رش محترم

[وليد سعد زغلول]

بسم الله ما شاء الله على الصيد الرائع والصحبة الأجمل وبألف هنا وشفا

[engineero eslam]

بسم الله ما شاء الله
بالف هنا وشفا

[moorey]

بسم الله ما شاء الله

طلعه موفقه و بالف هنا

[the best sniper]

هو ه الصيد ولا بلاش بسم الله ما شاء الله بالهنا و الشفا

[القبطان المصرى 77]

بسم الله ماشااااااااء الله عليكو ياقناصين
وفعلا كلامك صحيح
انا جربت المارسمان من كام يوم وبصراحه كان عامل نتايج حلوه
مع انى مش باثق فى الرش المصرى خالص
بالهنا والشفا ياباشا

[هشام سمير]

ما شاء الله
فناص كبير جداً . وكلام لا غبار عليه

[عـمـر]

المشاركة الأصلية كتبت بواسطة tarik el

الف هناوشفا

شكرا لمرورك الجميل طارق باشا

[عـمـر]

المشاركة الأصلية كتبت بواسطة omarara

انا من بنى سويف على فكرة بس عايش فى مصر بقالى 8 سنين بس بنزل لأصحابى
بس خالى بالك من المناطق اللى فى الشرق والناس اللى هناك
ما شاء الله الواضح انكم قناصين

منور يا بلدياتي .. انا فاهم قصدك طبعا بالنسبة للشرق ربنا يسترها ... وانت الاحسن يا قناص اتنمى اشوفك في بني سويف باذن الله.. تحياتي لك

[عـمـر]

المشاركة الأصلية كتبت بواسطة aymank2

ماشاء الله ياقناصين طلعه جباره ربنا يباركلكم فى رزقكم بالنسبه لموضوع الرش عن تجربه مش كل انواع الرش بتمشى مع كل البنادق بس انا رايى المارسمان العلب الجيده منه متقلش عن الجامو باى حال من الاحوال.

القناص ايمن باشا منور الموضوع وفعلا كلام حضرتك تمام العلب الجيده منه ممتازه ... تحياتي لحضرتك .

[عـمـر]

المشاركة الأصلية كتبت بواسطة diiie_hard

ماشاء الله
بالف هنا

بارك الله فيك ياباشا .. شكرا لمرورك الكريم

[عـمـر]

المشاركة الأصلية كتبت بواسطة وليد سعد زغلول

بسم الله ما شاء الله على الصيد الرائع والصحبة الأجمل وبألف هنا وشفا

استاذ وليد رجل المنتدى المحترم الحمد لله على سلامتك حضرتك ...والله لك وحشة كبيرة .. مرور حضرتك شرف ليا ... بارك الله لك ودمت في حفظ الله .تحياتي لشخصكم الكريم يا استاذنا.

[عـمـر]

المشاركة الأصلية كتبت بواسطة engineero eslam

بسم الله ما شاء الله
بالف هنا وشفا

منور يا بشمهندس ... تحياتي لك ... وشكرا لمرورك العطر.

[عـمـر]

المشاركة الأصلية كتبت بواسطة moorey

بسم الله ما شاء الله

طلعه موفقه و بالف هنا

تسلم ياباشا ... تحياتي لحضرتك يا قناص

[عـمـر]

المشاركة الأصلية كتبت بواسطة the best sniper

هو ه الصيد ولا بلاش بسم الله ما شاء الله بالهنا و الشفا

بارك الله لك ... وده رزق من ربنا ... تحياتي لحضرتك ومرورك الجميل تسلم وتعيش ياباشا.

[عـمـر]

المشاركة الأصلية كتبت بواسطة القبطان المصرى22

بسم الله ماشااااااااء الله عليكو ياقناصين
وفعلا كلامك صحيح
انا جربت المارسمان من كام يوم وبصراحه كان عامل نتايج حلوه
مع انى مش باثق فى الرش المصرى خالص
بالهنا والشفا ياباشا

هاني بك القناص المفتري اللي خلص اليمام من البلد .... انت بتعمل كل ده بالمارسمان امال هتعمل ايه بالجامو هههههههههههههههه ...نورت الموضوع يابرنس وسلامي لخنقاهم قصدي كيداهم.. كيداهم هما مش انا ها ههههههههههه ...تحياتي لك يا قناص.

[عـمـر]

المشاركة الأصلية كتبت بواسطة هشام سمير

ما شاء الله
فناص كبير جداً . وكلام لا غبار عليه

هشام باشا سمير مرورك شرفني وشهاده اعتز بيها من قناص عملاق ... وده بفضل الله ثم تعليمكم ونشر الفائده في هذا المنتدى العملاق .. تحياتي لشخصكم الكريم..