يرجى دخول جميع الاعضاء للاهمية

[كابتن محمود دياب]

السلام عليكم ورحمة الله وبركاته

اخوانى اعضاء المنتد
نحتاج رايكم للفصل فى موضوع بيع وشراء تم بينى وبين الاخ kill more time
الموضوع كالتالى
كان الاخ عارض سكوب للبيع وانا اتصلت بيه لشرائه
واتفقت معاه على ميعاد اقابله فيه علشان اخد منه السكوب
وقلتله هل السكوب فى اى عيوب قالى لا السكوب ممتاز مافيش فيه الا القاعدة
فيها تأكل من الامام فقط قولتله بسيطة بعت ابن خالتى جاب منه الاسكوب
واكدت عليه ان السكوب يكون سليم واننا اخوان فى الهواية وقالى تمام مافيهوش اى حاجة
جه السكوب وكنت بصلح بندقيتى عن استاذ محمود شلبى وجبتها بعد 4 ايام وجيت النهارده
ركبت السكوب لضبط النيشان ظبط معايا فوق وتحت
جيت الف البكرة الجانبية لقتها لفتين ووقفت مش بتربط
قلت يمكن هى كده حطيت الرش وضربت برضه حادفة شمال عالاخر
اجى الف البكرة ماتلفش افك تلف لفتين برضه اربطها تقف
قارنتها بالبكرة الى فوق وعدد لفاتها لقيت الوضع مختلف خالص فوق وتحت بيطلع عدد الفات كاملة
اما يمين وشمال لفتين وتقف
اتصلت بيه وباشرحله الوضع
قالى ده كان سليم معايا ومافيهوش اى حاجة
قولتله يافندم ده عمره مايكون عيب استخدام
انا واخد الحاجة على انها سليمة وكلمة ثقة من حضرتك
لكنى لقيت فيها العيب ده وهو جاى بيه

وده اليوم الخامس للسكوب معايا ولسه اول مرة
اركبه واجربه

فقالى نزل موضوع والاعضاء يحكموا بينا

ونترك الحكم لكم