عشان عيد الام ... من تاليفي

[محمد خلف]

عيني على ام
قلبها فعيدها مكسور
على ضناها مقهور
ثورجي ولا بدبابير
اخوانجي ولا مالوش فيها
ولا بلطجي كان مؤذي
عيني على امك
يالي انت فعلم ربك
هو أدرىفين مثواك
هو عالم
على ايه سلمت الروح
هو بس
عارف هتكون عنده فين
بس امك هنا عالارص
فجحيم
فعيدها مش لاقيه ضناها
يقولها ربنا يخليكي ليا
ربنا يصبر كل ام
قلبها مكسور محروق
مش مهم ابنها كان ايه
مش مهم فحياته عمل ايه
كان عندها بالدنيا
ربته و تعبت فيه
اتمننت تفرح بيه
قبل الفرح
دمعت عنيها عليه
عيني على كل ام
مش لاقيه ضناها
فاي يوم
مش بس عيد الام..
.
ياريت في احتفالنا بامهاتنا نفتكر ان في اطفال كتير اتيتمت
و امهات كتير ولادهم و بناتهم راحو منهم
يا ريت
نفتكرهم ولو بدعوه
مفيش ام تستاهل انها تشوف ضناها بيتدفن ادمها مهما كان ضناها دا ايه
هو في الاول و في الاخر ضناها