خطر .. يسعون اليه .

[محمد خلف]

هتكلم معاكم انهارده في حاجه ناس كتير بتجري وراها لاسباب مختلفه و هي متعرفش خطورتها .. تعالو ندردش شويه عن مسدسات الصوت المقلوبه

الموضوع دا انتشر بعد الثوره بفتره لما انتشرت جرائم العنف بشمل كبير نتيجه غياب الامن .. و بقت الناس بتدور على سلاح تحمي بيه نفسها و اهلها ضد البلطجه و العنف و يكون سعره مش غتلي في وقت كان كل الاسلحه متلحه للي معاه يشتريها بدايه من السلاح الابيض للرشاشات التقيله -الي سموها جرينوف- مرورا بالبنادق الاليه – الكلاشنيكوف- والمسدسات بانواعها و بنادق الخرطوش .. لكن الاسلحه دي فضل سعرها عالي سواء بالنسبه لحد دخل عالم البلطجه جديد او حد عاوز يحمي نفسه و اهله و مش في امكانه يشتري سلاح حقيقي .. هنا بدا الناس تفتكر سلاح محلي منتشر جدا في الارياف هو المقروطه البلدى .. و دي بيعملها الخراطين من مواد متاحه و مفهاش اي معايير امن او سلامه بسبب رداءه المواد الي بتتعمل منها لكن انتشرت جدا بسبب قدرتها الكبيره غلى الايذاء .. بعد كده ظهرت فكره تعديل مسدسات الصوت من عيار ٩ مل بفتح ماسورتها عشان تسمح بمرور الرصاصه ال٩ مل .. و لان خزنه مسدس الصوت اصغر في عرضها بالتلت تقريبا من خزنه مسدس ٩ ملل عادي فالناس دي لجات للطلقات ال٩ملل القصير و الي سموها ٨.٥ و دي كانت نقله في مستويات الجريمه .

قبل كده كان المجرم الي على اده المسلح بالمقروطه بيبقى عارف ان معاه ظرف واحد فبيبقى محدود الاهداف جدا و كان اغلب استخدامها في التثبيت و الخناقات .. ظهور سلاح يستوعب عدد من الطلقات و بيشتغل بكفاءه نسبيه على المسافه القريبه و شبه الحقيقي خصوصا مع جهل المصريين بالاسلحه شجع المجرمين انهم يدورو عليه و يعتمدو عليه بشكل كبير لحد ما بدات الحوادث .. انفجار المسدس بقى شيء طبيعي لان ببساطه الخامه المصنوع منها متتحملش الحراره ولا الضغط الي بيحصل جوه بيت النار ساعه الضرب و ان المسدسات الصوت اغلبها مصنع بماسوره ثابته في جسم المسدس بهدف منع تغييرها .. و الماسوره دي بتكون ضيقه و جواها سيخ بالطول يمنع خروج اي مقذوف و يوفر كبس الغاز اللازم لارتداد الاجزاء .. من هنا بدانا نسمع جمله ” متضربش كذا طلقه ورا بعض ” ودا لان المسدسات مكانتش بتستحمل و بتنفجر و تصيب الي ماسكها و الي حواليه فاوقات كتير .. بس بردو ناس كتير لحد انهارده بتدور عليها بحجه انعدام الامن .

في النهايه .. في حقيقه واحده بس لا تقبل نقاش في الموضوع دا .

مسدس الصوت مش مصنع عشان يضرب طلقات حيه ايا كان عيارها .. و اضراره اكتر من نفعه بكتير .

و الموقف القانوني لحامله بيعرضه للحبس بعدد من القضايا دا غير خطورته على مستخدمه و المحيطين بيه

عشان كده لازم نبعد عنها و ننصح الكل بالبد عنها تماما .

و عموما الامن بدا يرجع للشوارع مره تانيه و الشرطه رجعت زي الاول بظبط ( بحلوها و مرها ) و بقت حاجه مواطن عادي لحمل سلاح ناري مش ضروريه ولا مستحبه .

دا لنك الموضوع على موقع الجريده

http://www.elhayaatnews.com/2015/08/...ن-للحصول-عليه/

[هشام سمير]

الله ينور يا محمد
الخد من انتشار السلاح معتمد بصوره كبيره على اتاحه التراخيص مش منعها

[ابومسلم2005]

ياما حذرنا من الحكاية دى وسنظل نحذر منها

لان فيها خطورة على حامل المحدث المعدل
على حياته وماله ومستقبله والمحيطين به ايضا

[عاطف الشاذلى]

لابد ان نقوم كل فترة بما يشبه حملة توعية وتحذير من هذه الاسلحة لما لها من اخطار
مشكور وتحياتى لشخصكم الكريم

[nour eltoureny]

كلامك 100 % تمام كويس جدااا
بس احب اصلح حاجة بسيطة السيخ المعدني الي بيكون قافل الماسورة لعدم خروج مقذوفات ليس هو المسؤل عن حبس كمية من الغاز غير في المسدس الكيمار 92 ال8ملم بيكون خارج الماسورة وعريض جدااا وواضح اما في ال9ملم المسؤل عن حبس الغاز هي الطبة (الجسم الحلزوني من الخارج الي بيركب في الماسورة لحد مبيوصل للكروس المعدن ويثبت ويترس ) المهم برضو اضافة للمعلومات بخصوص الاسلحة الممنوعة واخر تطورتها من 2011 لحد 2013 واتمنعت بشكل صارم بعد كدة كان مسدس الصوت الي بيكون منغير حائل معدني (الكروس) بيركب في الماسورة طبة بالقطعة الحلزونية و الياقي بيكون بطول الماسورة وعلي حسب معدنها بتستحمل البليةوبيكون اكبر منها بحاجة بسيطة وكان الفارغ بيتنطر عادي جدااا ودي كانت اخر التطورات الي لجاء اليها الناس في الحماية لكن دلوقتي طبعاا خلاص باة لازم المسدس يكون فيه الحائل مكانوا

[محمد حامد بلتاجى]

والله دا تحلف من شعب همجى بيكون نفسه يخالف وخلاص