الى اين نحن ذاهبون

[unknown]

اعرف طبعا ان هذا منتدى صيد وان هذا الكلام ليس بمكانه لكن بصراحة الكلام واقف فى زورى ومخنوق وعايز اقوله تفتكروا احنا رايحين فين بعض الثورة؟؟
النهاردة سعر صرف الجنيه عمال بينزل ولولا الاجراءات الى بتتخذها وزارة المالية من ضخ الدولار فى السوق كان زمان الدولار وصل 10 جنيه
المنطقة بأكملها اصبحت تندرج تحت بند المناطق الملتهبة ولذلك فسعر الشحن ارتفع بنسبة 500% اى ان الطن الذى كان يشحن بـ 100 دولا كمثال سيتم شحنه الان بـ 500 دولار
سوق الكرديت اتقفل فى وشنا لأننا اصبحنا من البلاد الغير مستقرة وبالتالى استيراد اى شىء من الخارج اصبح كاش ولا يوجد استثناءات وبالتالى التاجر اللى كان بيستورد مثلا 50 الف طن مواد خام وكان بيكسب فيهم 1000 جنيه هيستورد 5000 طن فقط وبرضة هيكسب فيهم ال 1000 جنيه وطبعا دة معناه ارتفاع فى اسعار المواد الخام مما يؤجى الى ارتفاع اسعار المنتج النهائى للمستهلك
الاحتياطى النقدى بتاعنا سينتهى خلال 6 شهور وطبعا دة معناه انهيار اقتصادى تام للدولة المصرية وخراب ما بعده خراب
كل دة وكل يوم نسمع عن اعتصامات فئوية وفتنة طائفية وتفجيرات وقنابل وبلطجة وسرقات
احنا معملناش الثورة علشان ننتقل للفوضى احنا عملناها علشان نقضى على الظلم والفساد ودلوقتى دخلنا فى مرحلة الفوضى واخشى ما اخشاه ان تحترق مصر بنيران الثورة التى كان يجب ان تطهرها
بالله عليكم ارحموا مصر ودعونا نحتل مكانتنا الطبيعية وسط العالم