سؤال فنى

[sam0o87]

السلام عليكم
احب انا سال سؤال الى الاخوة اعضاء المنتدى
ماهو متوسط عمر السوستة للبندقية
وبالاخص اذا كانت السوستة صينى
انا عايز رينج
يعنى ياريت مش حد يقولى لما تحس ان السوستة خفيفة ( للتوضيح )
وتقبلوا منى فائق الاحترام

[umarex]

بسم الله
اخى الفاضل
السوسته الاسبانى فى حدود 5000 الى 6000 طلقه مع العلم ان متسبش البندقيه متعشقه كتير
اما الصينى من 1500 الى 2500 طلقه وهذا مع طول ظهر السلاح يعنى على حسب طول البندقيه وموديل البندقيه
الصينى (يعنى لو البندقيه بام 21 ممكن 4000 طلقه ويمكن اكتر يعنى من البام وانت نازل )


ولك منى كل الاحترام

[sam0o87]

شكراااااااااا على المعلومات القيمة

[sam0o87]

طيب انا بندقيتى بام 18 وقصيرة كلها حوالى متر
وانا مش عارف ضربت كام طلقة ؟
اتصرف ازاى

[umarex]

وانت بتعشق السلاح هتعرف انها بتقل فى القوه
وفى الضرب الصوت هيقل وفى كمان طريقه بلدى اذاى ( هات علبه صفيح واضرب عليها من على بعد معروف ) اخترقت ابعد العلبه افضل ابعد لاحد لما يكون يدوب اخترقت العلبه واحفظ المسافه وبعد كل 1000 طلقه او 500 جرب المسافه واكيد هتعرف ان عزم السوسته قل ولا لسه

(فى الصوره من الواضح انها تقل عن البام 21 مش كتير ) يعنى انشاء الله زاى الفل شغاله معاك3000 طلقه بس بلاش تسبها معشقه كتير)

ولك منى كل الاحترام

[salahfareed]

احتار قطعه خشب ابيض(افرنجى) ذات شكل مناسب ويفضل تخانه بوصه واضرب عليها من قريب (1متر)
واحتفظ بها واكتب تاريخ الطلقه وكل 1000 جرب تانى وتقبس عمق الطلقه فى الخشب بسن البرجل
حتى اذا اصبحت الرشه لاتدخل فى الخشب او تدخل بالمفدمه فقط وقتها يجب تغيير السوسته

[town sniper 1]

ايه الحلاوة دي يا استاذ صلاح

[sam0o87]

اللة اكبر عليك ياباشا انت الزعيم
تسلم على مرورك وميرسى لمرورك تون اسنيبر

[أسامه خطاب]

اقولك طريقة حلوة تقيس بها القوة
تجيب جرائد قديمة وتفرد اوراقها وتحطها فوق بعضها العدد100 ورقة ( او يمكنك تقطيع الورقة الى اربع اجزاء او اكثر ) وتضع فوقهم ورقة بيضاء لتسطيع الكتابه عليها بوضوح
تضعهم في مكان وتضرب عليهم من بعد15متر بالضبط - ستجد ان الرشة اخترقت عددا من الاوراق
تقوم بعد هذه الاوراق ثم تكتب ذلك بجوار مكان الضربة على الورقة البيضاء اللى هي أول ورقه وايضا التاريخ واليوم وتحتفظ بهذه الاوراق
وبعد انقضاء فترة وتضرب حوالى 500 رشة بالبندقية تكرر نفس المحاولة السابقة مع نفس الاوراق التي احتفظت بها تضرب من على مسافة 15 متر وفي نفس اتجاه الضربة السابقة ونفس نوع الرش ( تكرر نفس العوامل )
وايضا تقوم بعد الورق الذي تم اختراقه وتكتب ذلك على الورقة البيضاء اللى هي على الوش فوق
وبذلك تتمكن من المقارنة بين الضربتين وهتقدر تعرف قوة البندقية بتقل كل كام رشة
ارجو ان اكون افدتك
تحياتي

[sam0o87]

تسلم يا استاذ اسامة بجد رد جامد جدا
ومعلومة جامدة جدا

[ابوشعبان]

كلام جميل ولكن اقول لك تعرف قوة السوستة من كسر البندقية كلما سهل كسرها كانت السوستة ضعيفة. الطريقة العملية هى ضرب الرش على ارض صلبة و مع قوة البندقية يتم ضغط الرش كاملا فى بعض البنادق تتفتت.
اما بالنسبة للحفاظ على السوستة فاولا لا تترك البندقية مشدودة _جاهزة على الضرب فترة طويلة والثانى عدم ضرب البندقية على الفاضى وعموما للحفاظ على البندقية عدم الافراط فى تزيت البندقية والتاكد من حجم الرش المستخدم حتى لايكون اكبر من حجم الماسورة او به عيوب فى الشكل وانا استعمل مارسمان ولكن اتاكد اولا من الرش المستخدم قبل كل رحلة صيد
ارجوا ان لا اطيل عليكم