على أى أساس

[deutscher Sniper]

بسم الله الرحمن الرحيم

كيفكم اخوانى

يارب تكونوا تمام


شد انتباهى موضوع غريب كدة مفهمتش منة حاجة وهو موضوع التقييم بمعنى ان فى يوم وليلة تلاقي تقييمك واحد وكمان شوية الواحد دة اتاخد منك وشويتين تانى تاخد اتنين وترجع تانى صفر فياريت نعرف موضوع التقييم دة اية فايدتة اساسا لانى شايف انة لا يتم بطريقة فنية متوازنة ودى وجهه نظر متواضعة لانى شفت ناس مشاركات كتير اوى وتقييمة صفر وناس تانية يدوب تدخل تزود مشاركاتها بالعبارات المعتادة " متابعة - بالتوفيق - مبارك للبائع والشارى - للتذكير " وحاجات تانية كتير طبعا لما اشوف كدة هدخل افحت انا كمان واعلى المشاركات لانها خلاص كدة هتبقي زيطة وناس تانية بتعمل مواضيع قيمة ومهمة ولا حتى بيتبص عليها لذا ارجو من اى حد يقدر يوصل لنا المعلومة الصح بعيد عن ان دة مترتب على حاجات تخص المواضيع واهميتها والحاجات دى ياريت الكلام يكون مبسط ونعرف على اى اساس منظومة الإدارة بتقيم الاعضاء وللحديث بقية ان شاء الله

اسف للاطالة

[deutscher Sniper]

كالعادة كلة داخل يتفرج ودام مفيش مصلحة لتزويد المشاركات يبقي الموضوع فشنك

فمش هتفرق اخش ارد ولا لا

وادينا منتظرين

[sayedlabib]

التقييم ده شئ عادى جدا موجود ايقونه على اليسار فوق كل مشاركة شكلها زى الميزان اللى عايز يقيم حد بيدوس عليها ومش شرط ان التقييم يكون بكثرة المشاركات لا ممكن موضوع واحد مفيد جدا والناس تقيمك وفى ثوانى تجد تقييمك عدى ال20 مثلا
وانا دلوقتى قيمتك وبقيت واحد تانى بدل الصفر

[deutscher Sniper]

سيدي الفاضل انا لا يشغلنى موضوع التقييم والله


لكن انا شد انتباهى انشغال الاخرين بعمل تقييم لاشخاص بتزود مشاركات والللى بيعمل موضوع مفيد يلاقي

تجاهل وبسال هو التقييم لما بيتحط بيتشال من مين وازاى واتمنى ان يكون فية فعالية للادرة لبعض الاقسام لانى

لاحظت موضوع من اكتر من شهرين وحاجات من غير صور والموضوع فاشل من الدرجة الاولى والناس بتقول ان

الشخص دةطلع نصاب ودخل واحد من الادارة قال بالتوفيق فلازم اصدق انها محتاجة تنظيم اكتر والا نعطى الاشراف

لمن يستحق ويرعى المنتدى رعاية كاملة .

لاختلاف فى الراى لا يفسد للود قضية

واسف على الاطالة

وشكرا لمرورك الكريم

[dr_mohasan]

المشاركة الأصلية كتبت بواسطة sayedlabib

ومش شرط ان التقييم يكون بكثرة المشاركات لا ممكن موضوع واحد مفيد جدا والناس تقيمك وفى ثوانى تجد تقييمك عدى ال20 مثلا

المشاركة الأصلية كتبت بواسطة deutscher sniper

لاحظت موضوع من اكتر من شهرين وحاجات من غير صور والموضوع فاشل من الدرجة الاولى والناس بتقول ان الشخص دةطلع نصاب ودخل واحد من الادارة قال بالتوفيق فلازم اصدق انها محتاجة تنظيم اكتر والا نعطى الاشراف

وشكرا لمرورك الكريم

السلام عليكم ورحمة الله وبركاته

موضوع التقييم لا يشغل البال فعلاَ , ولكنه من المواضيع التى تثير حيرة الأعضاء الجدد , و هم يرون أن معظم الأعضاء أصحاب التقييم العالى ليس لهم أى مشاركات أو مواضيع ذات قيمة, وكل مشاركاتهم كما ذكرتم (متابعة وبالتوفيق) وعند تدقيق النظر فيها سوف يتضح أنهم يكتبوا هذه المشاركات وهم لم يقرأوا الموضوع أصلاً , ولكن ما لا تعلمه أن هؤلاء الأعضاء قد قامو بعمل أكثر من حساب على المنتدى حتى يقوموا برفع تقييمهم (طبعا سذاجة منهم)

وأنا عن نفسى أفضل أن يتم تغيير نظام هذا التقييم حتى يكون مفيد فعلاً وفى مصلحة المنتدى من خلال دفع الأعضاء الراغبين فى زيادة تقييمهم الى الاكثار من المشاركات والموضوعات المفيدة لباقى الأعضاء , وبهذا يكون التقييم سبب فى إثراء المنتدى بالموضوعات المفيدة وسبب لإكتساب الثقة فى الأعضاء القدامى و الذين لهم مشاركات وموضوعات فعالة , لأنهم هم واجهة المنتدى , وهم أول من يبحث عن مشاركاتهم وردودهم الأعضاء الجدد وأصحاب الأسئلة والاستفسارات.

خالص تحياتى

[superman2]

انا كمان لي استفسار ... ازاي واحد يكون لسة مشترك في المنتدي وكل عدد مشاركاته 3 او 4 مشاركات وتجد تقيمه عالي ؟؟؟؟؟ الموضوع مش مظبوط واعتقد انه من الافضل لغائه

[deutscher Sniper]

شكرا لمرورك العطر

ونرجو من الإدارة فتح باب الموضوع ووضع قواعد منظمة للتقييم و مراجعة مشرفى الاقسام ومتابعتهم لكل ما يكتب

حتى لا ننجرف نحو المشاركات الروتينية

وتقبلوا تحياتى

[deutscher Sniper]

شكرا لمرورك العطر

ونرجو من الإدارة فتح باب الموضوع ووضع قواعد منظمة للتقييم و مراجعة مشرفى الاقسام ومتابعتهم لكل ما يكتب

حتى لا ننجرف نحو المشاركات الروتينية

وتقبلوا تحياتى

[deutscher Sniper]

بعد كلام حضراتكم بجد عرفت ان موضوعى لية قيمة

مشكورين كلكم

وبجد لازم نبص صح شوية لان والله الموضوع هيبقي بايخ اوى ولازم المشرفين يقروا كل ما يعرض فى اقسامهم

ويكون فية مهلة لكل موضوع مثلا انة يكون ايجابي والا يحذف وبكدة نقدر نتحكم كويس ونعمل حاجة مفيدة

مش مجرد ان التقييم باكونت تانى ويدخل يقول مشكور وجمبة صياد قديم يا فرحتى اية افادتك فى االمكان

الله اعلم بجد لو هى بتمشي كدة من بكرة اتحدى حد يعدى تقييمي ولكن اتمنى ان تعود الايجابية مرة اخرة

ولكم وافر التقدير

اسف على الاطالة

[_king_]

ولا تزعل نفسك يا برنس انا لسة مقيمك بالميزان اللى جنبك هيص بقى deutscher Sniper :p

[sameer]

يا باشا مش انتا اول واحد يشتكي من الموضوع ده بس برضه كتر خيرك انك قلبك على المنتدى وبضم صوتي لصوتك

[deutscher Sniper]

مشكور لكل من دخل الموضوع وشاكر لكل من قيم

ولسة منتظر بردو نشوف موضوع اشراف الاقسام ومنظومة العمل اللى هنمشي بيها عشان نقدر نقول اننا بننافس

ولولا العروض اللى بتكون موجودة على المنتدى لكان المنتدى كاى منتدى اخر

فلازم نطور من المواضيع ونتابع ونعمل تكاتف بناء

وانا بشكر كل اللى بيساعد فى اعلاء منتاة اللى هو جزء من حياتة

وشكرا للجميع

[mahmoud11144]

والله ياباشا كلامك كلو صح كترت اوي مشاركات من الاعضاء ليس لها اي قيمة
وتلاقي واحد داخل يقيم وخلاص عشان صاحبة يقيمة ونقاط التقييم تزيد ويكتب اي كلام في اي موضوع عشان مشاركاتة تزيد وينال لقب صياد قديم وبتلاقي مشاركات ملهاش اي صلة بالموضوع اساسا .
وياريت موضوع التقييم دا يكون من الادارة وليس من الاعضاء والعضو يتقيم حسب مواضيعو المفيدة والمهمة
والاكثر افادة للناس
لانت في ناس تانية من منتديات اخري بتدخل وبتدور علي اي موضوع تافة او مشاركة تافهة وتخدها في منتدياتهم ويعلقو عليها ويسوؤ من سمعة منتدانا
فياريت الي يعمل موضوع او يكتب رد يكون الرد في اطار الموضوع
او الموضوع الي هيعملة يكون مفيد او اذا كان عايز يستفسر عن شئ يكون شئ مفيد ..
ارجو ان كلامي ما يزعلش حد من اخواني الاعضاء ..
وشكرا جزيلا لصاحب الموضوع الاهتمامة بالمنتدي ..

[أميجو]

مش عارف معاير التقيم وحصل مرة معايا الموضوع ده وعلى العموم الحاجه اللى ملهاش قواعد لاتشغلنى

[deutscher Sniper]

تمام كل كلامكم يا رجالة ولازم نبتدى وناخد خطوة ان التقييم من قبل الادارة فقط لا غير وعلى حسب رؤية مشرف

القسم وفاعلية الموضوع ثم ناتى الى المدد المحددة لكل موضوع بمعنى ان موضوع من شهرين وعرض خلصان

والناس تخش تقول موفق بالبيع يا جدعان وربنا العرض خلص خلاص لكن هتقول لمين ومع احترامى للجميع

المشرف بيخش يعمل كدة بردة يبقي لازم نعمل اختلاف جذرى للموضوع لانى بردو شفت قسم التطوير فاضي

يعنى محدش عندة اى فكرة ولا عاوز يطور كلة عاوز يخش يجيب سلاح ويخرج وبس وانا هبا وهقول بسم الله


انا بتمنى ان يكون فية ناس معينة من التجار هى اللى تعرض المنتجات ويكون لكل واحد منهم موضوع مثبت واحد

بس اما باقي التجار التانيين يعملوا فى المواضيع العادية الفردية ولا يتم فتح الموضوع الا بعد عرض الصور والاسعار


وكل المعلومات والتاكد من الجدية وبكدة نقدر نحكم الموضوع شوية لان اللى بيحصل دلوقتى كان هيخسرنا ناس

بجد ساعدت فى اشها رالمنتدى فلازم نسرع فى اتخاذ اللازم نحو هذا الموضوع .


وللحديث بقية

واسف على الاطالة

[talha]

انا اسف فعلا بس حضرتك قايل في الأهتمامات صيد الكلاب البلدي
ده معنااه انك بتموتها ولا بتعمل إيه

[deutscher Sniper]

لا يا باشا دة من نوع الدعابة مش اكتر بحاول اكسر روتين انى اكتب يمام وحمام وفراخ غيط والحاجات دة مش اكتر

ولا مزعلة حد اشيلها والمغزى كلة فى تواجد روح بينا كلنا مش اكتر

و شكرا لمرورك العطر

[smsmn8888]

ريح دماغك التقييم ليس لة اى لازمة نهائيييييييييي وبلاش تسال اة السبب ؟؟؟؟