كم ابكاني هذا الموضوع...ارجو قراءته

Karim Eid · 12-02-09, 01:42 AM

أحد الأصدقاء بـــيــقول :

من يومين كده اشتريت خط موبايل جديد .. و بمجرد ما حطيت الشريحة في التليفون لقيت كمية كبيرة من الرسائل القصيرة بتوصل ورا بعضها .. رسايل كتير قوي .. استغربت من مين تكون كل الرسايل دي إذا كانت الشريحة لسه جديدة و مدتش رقمي لحد !! .. لاحظت إن الرسايل جايه كلها من رقم معين وبتواريخ متقاربة و مضمونها واحد : و هو إن فيه واحده بتترجى (مصطفى ميكونش زعلان منها) و (إنه يرجع لها) و (إنه يرد عالموبيل ويبطل تطنيش) ..

استنتجت إن الخط ده كان بتاع واحد اسمه (مصطفى) و إن اللي بتبعت الرسايل دي ربما تكون خطيبته اللي سابها أو أمه اللي طفشان منها وإنها – الرسايل يعني – وصلت دفعة واحدة أول ما الخط اتفعّل من تاني .. و عموماً – صاحبنا لسه بيحكي - قلت أعمل ديليت للرسايل دي كلها لأنها شاغله مساحة عالفاضي وطبعاً ملهاش أي فايدة بالنسبة لي .. لكن و أنا بعمل ديليت لقيت نمرة بتتصل .. هي نفس النمرة اللي باعته الرسايل .. قلت أرد عشان أوضح حقيقة الالتباس وأنهي الموضوع .. رديت .. و بمجرد ما قلت (آلو) لقيت واحده ست بتصرخ صراخ هستيري كأنها ما صدقت إنه فيه حد رد : (يا مصصطفففى تعاااالى بقى) ... ( يا مصصصطططففي واحشني قوي) .. اتخضيت من الموقف وقلبي اتقبض .. حاولت أفهّم الست إني مش (مصطفى) اللي عايزاه وإني لسه شاري الرقم ده ولكن صوتي وكلامي ضاع وسط توسلاتها وإصرارها إني "مصطفى" .. قفلت السكة بعد ما عجزت إني أتفاهم معاها .. وبطلت أرد عالنمرة دي تماماً لأني في كل مرة برد كان نفس الموال بيتكرر .. و لما زادت الاتصالات والرسايل قررت أغير الشريحه .. و قبل ما أشيل الشريحة من التليفون بثواني – وكالمتوقع - لقيت نفس النمرة بتتصل بنفس الإصرار .. كان ممكن أشيل الشريحة واخلص و يبقى الموضوع اتقفل .. فضلت أبص على الرقم لفترة و قررت إني أرد .. قلت هرد على الست دي لآخر مرة ، آخر مرة بس ، و في المرة دي قلت هبذل مجهود أكبر عشان أحاول أفهمها إن الرقم ده خلاص مبقاش بتاع مصطفى اللي بتدور عليه .. كنت عايز أعمل كده عشان أريح أعصابها وعشان اللي هيشتري الرقم ده من بعدي ميقعش في نفس المشكله الغريبة دي .. رديت .. وكنت متوقع سيل من الصراخ والعويل كالعادة .. ولكن المرة دي سمعت صوت تاني .. صوت بنت عمرها في حدود 15 أو 16 سنه .. قالت لي الكلام ده بالحرف :

" انا بعتذر لحضرتك بالنيابة عن أمي .. الرقم اللي معاك ده كان بتاع اخويا (مصطفى فتحي محمود) .. استشهد في أحداث 28 يناير .. و ماما بقالها 10 شهور مش مستوعبة إنه مات وبتتصل على موبايله يمكن يرد .. وجت فيك انت .. احنا آسفين .." ..
وقفلت السكة ...

!!!!!!!!!!!!!!!!!!!!!!!!!!!

الحكاية اللي حكاهالي الصديق ده أثرت فيا بطريقة لا يمكن تخيلها .. مستوعبتش اللي حصل وكنت فاكر إنه مجرد خيال .. ولما سألت صديق تاني بيشتغل في مجال الطب النفسي عن إمكانية حدوث موقف زي ده قالي إنه شهد حاجات زي كده كتير على اختلاف تفاصيلها لكن كلها شايله نفس الألم .. فيه أمهات – الكلام على لسانه - لحد اللحظة دي مش مستوعبين يعني ايه ضناها اللي قعد في حضنها 20 و 25 سنه اختفي فجأة .. اتبلع .. وإنه راح و مش راجع .. بيبقوا في أي لحظة حاسين إنه هييجي و هيفتح الباب وإنه بس كان في مشوار بعيد شويه مش أكتر .. و فيه أمهات لحد اللحظة دي بيتعاملوا مع ولادهم كأنهم لسه أحياء .. بيغسلوا هدومهم ويكووها و يرتبوا أوضهم و بيعملوا حسابهم في الأكل و الشرب و طبقهم بيتحط على الطرابيزة في نفس المكان اللي كانوا بيقعدوا فيه في يوم من الأيام قبل ما يرحلوا بلا رجعة .. فيه أمهات عينيهم بتفضل مراقبة باب الشقة و جسمهم بيتنفض للحظة و بتيجي لمحة أمل في عينيهم مع كل خبطة جرس أو رنة موبايل وكأنهم متوقعين إن ضناهم الغايب جه .. وفيه أمهات بيكلموا ولادهم كأنهم لسه موجودين معاهم و بيآخدوا رأيهم في أمور الحياة اليومية .. لكن كل الأمهات دول – وإن اختلفت طريقة تعاملهم مع ابنهم الغايب – فوجعهم واحد وألمهم واحد .. فيه منهم بعد فترة بيفهم إنه خلاص .. الولد راح ومش جي وبيتعامل مع الواقع .. وفيه منهم أمهات لحد اللحظة دي بيقوموا بالليل مفزوعين بعد ما بيكتشفوا إن ولادهم مباتوش الليلة دي في حضنهم ، بيصرخوا بهيستيريا وهمه بينادوا على أسماء عيالهم .. لكن للأسف النداءات مبتلاقيش قصادها غير الحيطان .. مجرد حيطان .. مبتسمعش و لا بترد .. وإن حتى كان الأموات بيسمعوا .. فهمه بالتأكيد لا يملكوا حق الرد .. لا على نداءات أمهاتهم .. و لا صرخاتهم .. ولا حتى على رسائلهم القصيرة ..

نسألكم الفاتحة ..

dr_mohasan · 12-02-09, 02:10 AM

لا أستطيع إلا أن أقول :

حسبنا الله و نعم الوكيل

اللهم اكتبهم عندك من الشهداء و ألهم أهلهم الصبر

Karim Eid · 12-02-09, 02:11 AM

اللهم امين

أبو يوسف المصري · 12-02-09, 02:18 AM

ربنا يتقبله ويصبرها عليه

ĴΘĶЄЯ · 12-02-09, 02:32 AM

ربنا يصبر اهالى الشهداء

16109 · 12-02-09, 02:34 AM

يسقط يسقط حكم العسكر

16109 · 12-02-09, 02:33 AM

والله انا دمعت

Karim Eid · 12-02-09, 02:42 AM

ربنا يتولاه برحمته
ومتشكر على التقييم يا دكتور محسن

NEW_Year · 12-02-09, 03:29 AM

بجد انا كل كلمة حاسسها
وحسبي الله وهو نعم الوكيل
اصعب حاجة الفراق بجد
ربنا يصبرها ويصبر كل اهالي الشهداء يارب
وحسبي الله وهو نعم الوكيل

matars · 12-02-09, 04:25 AM

وجعتلي قلبي يا اخي واللهي
ربنا يرحم موتنا وموتى المسلمين في كل مكان وزمان

Karim Eid · 12-02-09, 04:35 AM

سلامة قلبك من الوجع يا مطر
اللهم امين

12-02-09, 01:42 AM	#1
Karim Eid Banned تاريخ التسجيل: Dec 2009 المدينه: الهرم المشاركات: 3,054 معدل تقييم المستوى: 0	كم ابكاني هذا الموضوع...ارجو قراءته أحد الأصدقاء بـــيــقول : من يومين كده اشتريت خط موبايل جديد .. و بمجرد ما حطيت الشريحة في التليفون لقيت كمية كبيرة من الرسائل القصيرة بتوصل ورا بعضها .. رسايل كتير قوي .. استغربت من مين تكون كل الرسايل دي إذا كانت الشريحة لسه جديدة و مدتش رقمي لحد !! .. لاحظت إن الرسايل جايه كلها من رقم معين وبتواريخ متقاربة و مضمونها واحد : و هو إن فيه واحده بتترجى (مصطفى ميكونش زعلان منها) و (إنه يرجع لها) و (إنه يرد عالموبيل ويبطل تطنيش) .. استنتجت إن الخط ده كان بتاع واحد اسمه (مصطفى) و إن اللي بتبعت الرسايل دي ربما تكون خطيبته اللي سابها أو أمه اللي طفشان منها وإنها – الرسايل يعني – وصلت دفعة واحدة أول ما الخط اتفعّل من تاني .. و عموماً – صاحبنا لسه بيحكي - قلت أعمل ديليت للرسايل دي كلها لأنها شاغله مساحة عالفاضي وطبعاً ملهاش أي فايدة بالنسبة لي .. لكن و أنا بعمل ديليت لقيت نمرة بتتصل .. هي نفس النمرة اللي باعته الرسايل .. قلت أرد عشان أوضح حقيقة الالتباس وأنهي الموضوع .. رديت .. و بمجرد ما قلت (آلو) لقيت واحده ست بتصرخ صراخ هستيري كأنها ما صدقت إنه فيه حد رد : (يا مصصطفففى تعاااالى بقى) ... ( يا مصصصطططففي واحشني قوي) .. اتخضيت من الموقف وقلبي اتقبض .. حاولت أفهّم الست إني مش (مصطفى) اللي عايزاه وإني لسه شاري الرقم ده ولكن صوتي وكلامي ضاع وسط توسلاتها وإصرارها إني "مصطفى" .. قفلت السكة بعد ما عجزت إني أتفاهم معاها .. وبطلت أرد عالنمرة دي تماماً لأني في كل مرة برد كان نفس الموال بيتكرر .. و لما زادت الاتصالات والرسايل قررت أغير الشريحه .. و قبل ما أشيل الشريحة من التليفون بثواني – وكالمتوقع - لقيت نفس النمرة بتتصل بنفس الإصرار .. كان ممكن أشيل الشريحة واخلص و يبقى الموضوع اتقفل .. فضلت أبص على الرقم لفترة و قررت إني أرد .. قلت هرد على الست دي لآخر مرة ، آخر مرة بس ، و في المرة دي قلت هبذل مجهود أكبر عشان أحاول أفهمها إن الرقم ده خلاص مبقاش بتاع مصطفى اللي بتدور عليه .. كنت عايز أعمل كده عشان أريح أعصابها وعشان اللي هيشتري الرقم ده من بعدي ميقعش في نفس المشكله الغريبة دي .. رديت .. وكنت متوقع سيل من الصراخ والعويل كالعادة .. ولكن المرة دي سمعت صوت تاني .. صوت بنت عمرها في حدود 15 أو 16 سنه .. قالت لي الكلام ده بالحرف : " انا بعتذر لحضرتك بالنيابة عن أمي .. الرقم اللي معاك ده كان بتاع اخويا (مصطفى فتحي محمود) .. استشهد في أحداث 28 يناير .. و ماما بقالها 10 شهور مش مستوعبة إنه مات وبتتصل على موبايله يمكن يرد .. وجت فيك انت .. احنا آسفين .." .. وقفلت السكة ... !!!!!!!!!!!!!!!!!!!!!!!!!!! الحكاية اللي حكاهالي الصديق ده أثرت فيا بطريقة لا يمكن تخيلها .. مستوعبتش اللي حصل وكنت فاكر إنه مجرد خيال .. ولما سألت صديق تاني بيشتغل في مجال الطب النفسي عن إمكانية حدوث موقف زي ده قالي إنه شهد حاجات زي كده كتير على اختلاف تفاصيلها لكن كلها شايله نفس الألم .. فيه أمهات – الكلام على لسانه - لحد اللحظة دي مش مستوعبين يعني ايه ضناها اللي قعد في حضنها 20 و 25 سنه اختفي فجأة .. اتبلع .. وإنه راح و مش راجع .. بيبقوا في أي لحظة حاسين إنه هييجي و هيفتح الباب وإنه بس كان في مشوار بعيد شويه مش أكتر .. و فيه أمهات لحد اللحظة دي بيتعاملوا مع ولادهم كأنهم لسه أحياء .. بيغسلوا هدومهم ويكووها و يرتبوا أوضهم و بيعملوا حسابهم في الأكل و الشرب و طبقهم بيتحط على الطرابيزة في نفس المكان اللي كانوا بيقعدوا فيه في يوم من الأيام قبل ما يرحلوا بلا رجعة .. فيه أمهات عينيهم بتفضل مراقبة باب الشقة و جسمهم بيتنفض للحظة و بتيجي لمحة أمل في عينيهم مع كل خبطة جرس أو رنة موبايل وكأنهم متوقعين إن ضناهم الغايب جه .. وفيه أمهات بيكلموا ولادهم كأنهم لسه موجودين معاهم و بيآخدوا رأيهم في أمور الحياة اليومية .. لكن كل الأمهات دول – وإن اختلفت طريقة تعاملهم مع ابنهم الغايب – فوجعهم واحد وألمهم واحد .. فيه منهم بعد فترة بيفهم إنه خلاص .. الولد راح ومش جي وبيتعامل مع الواقع .. وفيه منهم أمهات لحد اللحظة دي بيقوموا بالليل مفزوعين بعد ما بيكتشفوا إن ولادهم مباتوش الليلة دي في حضنهم ، بيصرخوا بهيستيريا وهمه بينادوا على أسماء عيالهم .. لكن للأسف النداءات مبتلاقيش قصادها غير الحيطان .. مجرد حيطان .. مبتسمعش و لا بترد .. وإن حتى كان الأموات بيسمعوا .. فهمه بالتأكيد لا يملكوا حق الرد .. لا على نداءات أمهاتهم .. و لا صرخاتهم .. ولا حتى على رسائلهم القصيرة .. نسألكم الفاتحة ..

12-02-09, 02:10 AM	#2
dr_mohasan صيـــــــاد من الدرجـه الأولـي تاريخ التسجيل: Feb 2011 المدينه: القاهرة المشاركات: 2,940 معدل تقييم المستوى: 289	رد: كم ابكاني هذا الموضوع...ارجو قراءته لا أستطيع إلا أن أقول : حسبنا الله و نعم الوكيل اللهم اكتبهم عندك من الشهداء و ألهم أهلهم الصبر __________________ -------------------------------------------- اللهم صلّ على سيدنا محمد و على آله و صحبه و سلّم --------------------------------------------

12-02-09, 02:11 AM	#3
Karim Eid Banned تاريخ التسجيل: Dec 2009 المدينه: الهرم المشاركات: 3,054 معدل تقييم المستوى: 0	رد: كم ابكاني هذا الموضوع...ارجو قراءته اللهم امين

12-02-09, 02:18 AM	#4
أبو يوسف المصري صياد متفاعل تاريخ التسجيل: Dec 2011 المشاركات: 145 معدل تقييم المستوى: 6	رد: كم ابكاني هذا الموضوع...ارجو قراءته ربنا يتقبله ويصبرها عليه

12-02-09, 02:32 AM	#5
ĴΘĶЄЯ صياد قديم اوسمتي مجموع الاوسمة: 1 تاريخ التسجيل: Nov 2011 المدينه: αℓєχαη∂яια المشاركات: 3,251 معدل تقييم المستوى: 231	رد: كم ابكاني هذا الموضوع...ارجو قراءته ربنا يصبر اهالى الشهداء __________________ المهارة تصيب هدفاً لايمكن لأحدٍ أن يصيبه..أما العبقرية فتصيب هدفاً لايمكن لأحدٍأن يراه ツ

12-02-09, 02:34 AM	#6
16109 صياد متفاعل تاريخ التسجيل: May 2011 المدينه: El-Giza المشاركات: 142 معدل تقييم المستوى: 6	رد: كم ابكاني هذا الموضوع...ارجو قراءته يسقط يسقط حكم العسكر

12-02-09, 02:33 AM	#7
16109 صياد متفاعل تاريخ التسجيل: May 2011 المدينه: El-Giza المشاركات: 142 معدل تقييم المستوى: 6	رد: كم ابكاني هذا الموضوع...ارجو قراءته والله انا دمعت

12-02-09, 02:42 AM	#8
Karim Eid Banned تاريخ التسجيل: Dec 2009 المدينه: الهرم المشاركات: 3,054 معدل تقييم المستوى: 0	رد: كم ابكاني هذا الموضوع...ارجو قراءته ربنا يتولاه برحمته ومتشكر على التقييم يا دكتور محسن

12-02-09, 03:29 AM	#9
NEW_Year ادمن صفحة المنتدى اوسمتي مجموع الاوسمة: 1 تاريخ التسجيل: Dec 2011 المدينه: في بلاد الله الواسعة المشاركات: 1,581 معدل تقييم المستوى: 141	رد: كم ابكاني هذا الموضوع...ارجو قراءته بجد انا كل كلمة حاسسها وحسبي الله وهو نعم الوكيل اصعب حاجة الفراق بجد ربنا يصبرها ويصبر كل اهالي الشهداء يارب وحسبي الله وهو نعم الوكيل

12-02-09, 04:25 AM	#10
matars صياد متقدم تاريخ التسجيل: Oct 2011 المدينه: مدينة الشيخ زايد المشاركات: 552 معدل تقييم المستوى: 19	Re: كم ابكاني هذا الموضوع...ارجو قراءته وجعتلي قلبي يا اخي واللهي ربنا يرحم موتنا وموتى المسلمين في كل مكان وزمان __________________ إذا كنت ريحا فقد لاقيت إعصارا

12-02-09, 04:35 AM	#11
Karim Eid Banned تاريخ التسجيل: Dec 2009 المدينه: الهرم المشاركات: 3,054 معدل تقييم المستوى: 0	رد: كم ابكاني هذا الموضوع...ارجو قراءته سلامة قلبك من الوجع يا مطر اللهم امين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الفيديو الذى ابكانى !!!	Max.1	الموضوعات العامه	3	12-01-21 10:29 AM
لدغ النحل...موضوع كبير يستحق قراءته بالكامل	Karim Eid	الموضوعات العامه	3	11-12-01 10:23 AM
ارجو مراجعه الموضوع	avokato	الموضوعات العامه	2	11-11-02 04:22 PM
ارجو الافادة فى هذا الموضوع للاهمية	khaledabdelnaby	محدثات الصوت	23	11-02-21 08:07 PM