معلومة مهمة لكل الصيادين فى الصيد من أخوكم فى الله /سامى توفيق

[صياد قديـــــــــــم]

كتير منا او قليل بيطلع فى اماكن صيد حلوة وبيكون فيها اسراب حمام
فيه صياد بيقول اضرب بالبركة دا سرب وحجيب ان شاء الله يعنى حجيب وفيه صياد بينشن على طير بعينه .................
خطوة حلوة اوى لمابكون ادام سرب حمام او طير نازل فى اسراب على الارض
لما بلاقى سرب مش بنشن بالبركة على السرب او انشن على فرد بعينه لاء انا بنزل بالبندقية على الارض وبخلى البندقية بينها وبين الارض مافيش 5سم وبضرب باتجاه السرب ولازم تكون البندقية فى وضع مستقيم يعنى ولا مايلة للارض ولا مايلة لفوق تكون عمودية على السرب ..... لو البندقية اللى فى ايد الصياد قوية فبالتالى الطلقة حتعدى فى اكتر من فرد مع الضربة المستقيمة ودى بتجربة شخصية بالنوريكا نمرة 2 زيرو كن بصطاد فى مكان جبل ولقيت سرب حمام واقف على الارض قم عملت الخطوة دى والحصيلة كانو 3فرد ......... اهم حاجة لازم يكون السرب على ارض مستوية عشان لما نعمل الخطوة دى تبقى الطلقة طالعة باتجاه مستقيم.
والله الموفيق وتمنياتى لكم بصيد وفير ان شاء الله تعالى.

[الرحاله]

تمام يا كبير حلوة بجد

[toto]

هى الوضعيه بتعت الارضى ده صح بالنسبه للطيور الا بتبقى واقفه على الارض علشان الصيد الارضى بيكون صعب شويه لازم اكون فى مستوى الطير هيكون احسن وده الصح طبعا بس فى الاول والاخر ده رزق ومعلومه كويسه وتسلم ايدك يا صياد تحياتى