كيف تخرج من قضية جناية حيازة تلسكوب

[القناص فليفل]

الى اخوانى اعضاء المنتدى لقد هالنى ما حدث للاحد الاعضاء من ضبطة ومعة تلسكوب للصيد وعمل قضية لة فكيف يقوم احد بالصيد باستخدام التلسكوب ويدخل فى جناية طبعا تشريع متخلف للان اغلب دول العالم لاتمنع حيازة التلسكوب لممارسة رياضة الصيد الا المشرع المصرى الذى لايجيز حيازة التلسكوب فقط بل يمنع ترخيصة باى طريقة اطلاقا واننى اعرض للسادة اعضاء المنتدى بعض الاجراءات الوقائية التى قد تنفعكم لاقدر اللة فى حالة تعرضكم لظرف مماثل اولا - يجدر التنبية الى ان نقاط التفتيش تواجة الصياد فى اغلب الاحوال اثناء ذهابة وايابة الى الصيد لا اثناء الصيد اذ ان الصيد يكون غالبا فى مناطق هادئة وغالبا مايكون الصيد يمتلك سيارة فى هذة الحالة يجب وضع البندقية المحتوية على التلسكوب فى جراب ويوضع هذا الجراب فى شنطة السيارة ولايوضع على الاطلاق فى مكان ظاهر بالسيارة وان تكون رخصة قيادة السيارة والرخصة الخاصة سارية ثانيا -فى حالة وقوف الصياد فى كمين وتعسف الضابط وتفتيش السيارة يحاول الصياد مع الضابط بهدوء ويركز اهتمامة على البندقية وانها لاتحتاج الى ترخيص للانها بنادق ضغط هواء ولا يتكلم على المنظار مطلقا للان الكثير من الضباط لايفهم ان المنظار مجرم قانونا وتعدى باذن اللة ثالثا- لو ان الضابط طلع فاهم واقتادك الى القسم لا توقع على محضر الشرطة وعند عرضك على النيابة تركز على ان الضابط فتش سيارتك بدون اذن من النيابة وانك لاتعرف ان المنظار حيازتة مجرمة وان المنظار كان موجود داخل جراب داخل شنطة السيارة ويستحيل رؤيتة من الخارج وتذكر لوكيل النيابة ان معك شهود على التفتيش وتذكر اسمهم بمحضر التحقيق وتطلب سماع شهادتهم واذا لم يكن معك شهود اثناء التفتيش من الضرورى فى الفترة بين ضبطك وعرضك على النيابة ان تحضر اثنين من الشهود من اصدقائك الموثوق فيهم لكى يشهدوا انهم كانوا معك اثناء تفتيش الضابط للسيارة وفى هذة الحالة باذن اللة تثبت بطلان اجراءات القبض والتفتيش وتنتهى القضية على خير وتقبلوا تحياتى جميعا اخوكم محمود

[NEW_Year]

شكرا يا فندم
تسلم ايدك

[قناص المنوفيه]

موضوع رائع وقيم يا عمو وهيفيدنا كلنا واحلى تقييم
تسلم ايدك ..
حلوه صورتنا دى ياريس

[القناص فليفل]

تسلم يا دكتو راحمد يا قناص المنوفية

[القناص فليفل]

اشكرك يا قناص نيو يير على زوقك

[هشام سمير]

..... والله يا محمود بيه يا تدفع يا تلبس..
وفى كل الاحوال لابس لابس
ربنا ينجينا من منظومه متهالكه وقانون عقيم لابد من الاعتراف بسخافة مشرعيه .... ان شاء الله هوفيكم بآخر الاخبار بخصوص قضيتى التى تهدد آمن واستقرار البلاد .. والشروع فى اغتيال القائد الاعلى للطيور المهاجره :p

[القناص فليفل]

هشام باشا لو اتعملت تلك الاجراءات اكيد تاخد القضية براءة ان شاء اللة وتاكد ان القانون المصرى قانون هش يمكن ضرب اعظم جناية وقضية بابسط الاشياء

[saskon]

كل كلام حضرتك جميل ماعدا موضوع الشهود الاخير لأن دى شهادة زور وقد حذرنا الرسول منها كما هو معروف فى الحديث الصحيح

[القناص فليفل]

اشكرك على ردك بس افهمك حاجة اننا بنثبت واقعة حصلت فعلا باى طريقة يعنى هو اثبات الضابط انة شاف المنظار فى السيارة بالرغم من وجودة فى شنطة السيارة دة مش تزوير من الضابط وتكون نتيجتة الحبس المشدد وضياع مستقبل فى الحالة دى كل الطرق مباحة للاثبات الحقيقة ولو بشهادة الزور دة راييى

[محمد الحلوانى]

الاخ الكريم فليفل
انا انصح نبعد عن المشاكل ونتجنبهم عشان الغباء متوفر فى البلد دى
كنت بصتاد وكان فيه دورية ركنة فيها نقيب وامين و3 عساكر طلبوا ينشنوا ادتهم البندقية ولا واحد اصاب فلة على بعد 3 متر وقلى البندقية بيظة
ليه وليه اصبت الهدف بيد واحدة اتكسف وكان عاوز يخدنى
ابعد عن الشر ونفضله

[meky]

المشاركة الأصلية كتبت بواسطة القناص فليفل

دة مش تزوير من الضابط وتكون نتيجتة الحبس المشدد وضياع مستقبل فى الحالة دى كل الطرق مباحة للاثبات الحقيقة ولو بشهادة الزور دة راييى

مع كل الاحترام
رأى حضرتك غير مقبول
الا وشهاده الزور الا وقول الزور
ده كلام الرسول .. وماعتقدش ان ضياع المستقبل يكون مبرر لكده
والطرق مباحه كلها فى الحرب (حتى الزور برضو ماعتقدش انه هيكون مباح)
ارجو انك تتقبل الكلام
ده مش كلامى
ده الاسلام ودى اوامر النبى
شكرا

[momo44]

المشاركة الأصلية كتبت بواسطة saskon

كل كلام حضرتك جميل ماعدا موضوع الشهود الاخير لأن دى شهادة زور وقد حذرنا الرسول منها كما هو معروف فى الحديث الصحيح

+10000000000000

[meky]

المشاركة الأصلية كتبت بواسطة saskon

كل كلام حضرتك جميل ماعدا موضوع الشهود الاخير لأن دى شهادة زور وقد حذرنا الرسول منها كما هو معروف فى الحديث الصحيح

++++++++++1

[Angel]

موضوع مميز جداا و مفيد للغاية
بالتوفيق و تسلم الايادى

[القناص فليفل]

شكرا يا قناص انجل على تعليقك الجميل

[Bebeto]

الله ينور يا باشا و السكوب لسة جي النهاردة و هظبطه ان شاء الله و ابقي اخد حذري بعد كدة بس انا متطمن عشان حاجة ممكن كله ياخدها بتريقة او حاجة اني لما بنزل والدي بيبعت ورايا فرد شرطة عسكرية فبيقوم بالواجب و زيادة

[القناص فليفل]

عيش حياتك واتدلع ربنا يخلى لك الوالد ويحفظة

[koko polo]

الاخوة الكرام
ارجو من الاخوة القانونيين توضيح نص قانون الاسحة فى المادة التى تجرم التليسكوب المركب
على بندقية نااااااااااارية و فى تلك الحالة بنص القانون عندنا نقطتين كونه مركب على بندقىة وكون البندقية نااااااااارية و شكرا للسادة القانونيين.

[القناص فليفل]

القناص كوكو بولو اوضح لحضرتك ان المادة الاولى من قانون الاسلحة والذخائر فى فقرتها الثانية نصت على انة لايجوز ترخيص كاتمات الصوت والتلسكوبات التى تركب على الاسلحلة النارية لايجوز ترخيصها باى حال ومعنى ذالك ان مجرد حيازتها تعتبر جناية و مع العلم بان التلسكوب الذى يركب على بنادق الصيد هو الذى يركب على البنادق النارية يعنى لا يوجد تلسكوب خاص لبنادق ضغط الهواء معنى ذلك ان مجرد حيازة التلسكوب يعد جناية حفظكم اللة

[koko polo]

الاخ الكريم
قال بعض اعضاء المنتدى الخبراء انه يوجد فارق كبير بين التلسكوب النارى و الهوائى و دلل على زلك
ضابط جيش بانه ركب سكوب هوائى على بندقية نارية و بعد اول طلقة اصبح التلسكوب كفتة و زلك لفرق الخامات و قوة تجملها.

[Bebeto]

http://www.egypthunt.net/showthread....669#post361669

[aymank2]

ربنا يكرمك ياباشا على المعلومات ديه بس سؤال من اخوك الصغير لو اتمسكت وانتا بتصطاد فعلا ومعاك المنظار يعنى بالجرم المشهود زى مبيقولو نعمل ايه.

[Angel]

بسم الله الرحمن الرحيم

انا يا باشا امبارح كنت بتسائل عن شوية نقط بس مكنتش متاكد فانا سئلت عمى و هو مستشار قانونى
و كانت اجاباتة كالاتى :-

من حق ظابط الشرطة تفتيش العربية لانة معاة اذن من النيابة بنصب الكمين وقانون المرور يتيح للظابط فى حالة انة شك فى العربية او تصرفات ركاب العربية تفتيش العربية بدون اذن عشان معاة اذن بنصب الكمين فابالتالى مينفعش نخلص المحضر على انة خطاء فى محضر الضبط !
بس فعلاا معظم الظباط ميعرفوش ان المنظار ممنوع

اتمنى من حضرتك توضيح وجهة نظرك

[القناص فليفل]

القناص انجل الكلام بتاع حضرتك دة غلط مائة بالمائة اولا لا يجوز تفتيش السيارة الا باذن نيابة واذن النيابة يجب ان يذكر فية رقم السيارة واسم قائدها واذن النيابة يجب ان يكون محدد بقترة زمنية معينة ولايوجد فى القانون على الاطلاق اذن جماععى وعشوائى بالتفتيش ونصب كمين لا علاقة لة بالنيابة على الاطلاق ولا يعد اذن من النيابة بالتفتيش دة كلام من واقع القانون وعشرين سنة خبرة فى القضايا الجنائية اشكرك يا اخى القناص انجل تحياتى

[Angel]

المشاركة الأصلية كتبت بواسطة القناص فليفل

القناص انجل الكلام بتاع حضرتك دة غلط مائة بالمائة اولا لا يجوز تفتيش السيارة الا باذن نيابة واذن النيابة يجب ان يذكر فية رقم السيارة واسم قائدها واذن النيابة يجب ان يكون محدد بقترة زمنية معينة ولايوجد فى القانون على الاطلاق اذن جماععى وعشوائى بالتفتيش ونصب كمين لا علاقة لة بالنيابة على الاطلاق ولا يعد اذن من النيابة بالتفتيش دة كلام من واقع القانون وعشرين سنة خبرة فى القضايا الجنائية اشكرك يا اخى القناص انجل تحياتى

تسلم على التوضيح الرائع جداا

[القناص فليفل]

العفو وانا تحت امرك فى اى استفسار قانونى

[القناص فليفل]

اشكرك طارق بك على تشجيعك تحياتى

[ابو مروان]

يا باشا كلام معاليك سليم ولكن المعتاد ان الظابط بيخلق حالة التلبس اللى هى (اثناء مرورنا بناحية كذا راينا فلان الفلانى قادم باتجاهنا ويحمل بندقية مركمب عليها سكموب وباستيقافة وسؤالة.........ويكمل المحضر) وبكدا يخلق حالة التلبس التى تجيز للضابط الاستيقاف والتحرى والضبط فى حال وجود مخالفة قانونية

[omarara]

لا معنى إطالقاً لشهادة الزور حتى ولو كنت تحت ظلم شهادة الزور لا مبرر لها

[zaza_moon2020]

الله ينور على هذة المعلومات القيمة

[darkshaft]

الف شكر ليك يا سياده المستشار،و ربنا يستر.

[عبووود]

تسلم ايدك ...الف شكر

[elsayed elghitany]

ربنا يسترها

[محمد مصطفى جحا]

الف شكر ياباشا ومعلومات جيده لحد ما القانون العقيم ده يتعدل ونرتاح بقى

[XKHALEDXMM]

تسلم الايادى

[ادلف هتلر]

يانهاااااااار ده لو في محااااامى مش هيعرف يقول الى انت بتقوله ده

[mr.hussien]

لو حاجه ممنوعه المفروض تكون ممنوعه على الكل من المستورد و المستهلك بس في مصر غيييررررر

[Mahmoud@Sniper]

قمة فى الروعة 100 100

[aanis]

مجهود تشكر عليه أ فليفل
عارف الواحد بيشوف مقاطع الصيد بره بيتحصر
حمام و ارانب و رومي وغزلان وعلي كل لون وبكل الوسائل مناظير وكاميرات مناظير حجات تخلي الواحد يستمتع بالمشاهدة فما بالك بالصيد نفسه

[gogan2005]

انت قدمت المخرج القانوني عند وجود لجنة والصياد معه بندقية متركب عليها سكوب
وهو جهد مشكور واضافة متميزة تستحق كل إشادة وتقدير
لكن المشكلة الخقيقية ازاى نوصل صوتنا وراينا فى ضرورة السماح باستخدام السكوبات مع بنادق ضغط الهوا
ازاى نخلى الحاجات اللى ما فيش اى مبرر لتجريمها تبقى من حقوقنا الى المفروض ما حدش يصادرها ويجرمنا بسببها
وبالذات مع وجود تفاوت غير عادي لدى القائمين على تنفيذ القانون -أعنى الشرطة _ فهناك ضباط قمة الاحترام وهناك ايضا للاسف من ليسوا كذلك
نحن في مصر نحتاج لثورة على كل انواع الظلم وكل اشكال الاضطهاد
ولله الأمر من قبل ومن بعد