استفسار ولرجو الافاده !!!

[د.محمود]

معايا مسدس ايكول جاكال ديوال الشاكوش بتاعه مبقاش بيثبت وراااا يعني لما اشد الاجزاء واسيبه الشاكوش بيرجع معاه ده يبقى عيب ايه في المسدس لو سمحتم ؟؟
ولكم جزيل الشكر

[walo2a]

ممكن حضرتك تفك المسدس وتطلع الزناد هاتلاقيه متاكل شويه من تحت ممكن تخلى التجويف اكبر شويه بواسطه مبرد وان شاء الله يظبط

[د.محمود]

شكرا جزيلا لك اخي الكريم على الرد
بس اظن ان ده مش عيب في الزناد لاني لو رجعت الشاكوش بايدي هيثبت مكانه ويرجع لما ادوس ع الزناد لكن لو رجعته بالاجزاء هيرجع معاه ومش عارف ليه ده ؟
وشكرا

[Angel]

ممكن العيب فى الكبرى لما بيرجع مبيجبش الشاكوش للاخر

[د.محمود]

اه هو تقريبا كده يا فندم الشاكوش مش بيرجع للاخر .
بس لو سمحت ايه الكوبري ده واجيبه منيين او مين يصلحه ؟
وشكرا

[Angel]

الكوبري يا باشا الجزء المتحرك فى المسدس الى بيشد الاجزاء للخلف
الى ممكن يصلحة ورشة شريف ‏100 شارع شبرا
و يفضل قبل ماتروحلى تفك المسدس و تنضفة كويس و ترش فية ‏wd-40 و تنضفة كويس ممكن رايش و بقايا البارود هما الى معلقين الاجزاء من الداخل

[د.محمود]

شكرا ليك جدا اخي الكريم على الردود الجميله دي
وارجو ايضا من خبراء المنتدى الرد على الاستفسار واعطائي الجواب النهائي لاني لست من القاهره وهنزل القاهره مخصوص عشان اصلحه
وشكرا

[د.محمود]

على فكره توضيح صغير بس
انا جربت حالا ولقيت اني لما بشد الادزاء لورا ورجعته بشويش خالص الشاكوش ثبت ورى وفضلت اسيب الاجزء بشويش لقيت برضه ان الشاكوش ثابت لحد اخر حته فاضله والاجزاء يبقى مكانه الطبيعي قبل ما يرجع الحته الصغير دي الشاكوش رجع معاه وسمعت صوت زي ما يكون حاجه مسكت في الاجزاء وخلت الشاكوش يرجع
وشكرا

[سرسور]

هذا عيب فى الشاكوش فهو متآكل و يحتاج الى تغيير
لانه بعد ذلك قد يضرب من تلقاء نفسة
جرب تحجزة باصبعك وهو راجع اذا استقر فهذا تأكيد على عيب الشاكوش
بالتوفيق

[walo2a]

ممكن تجرب اللى انا قولتلك عليه انا متاكد من كلاملى انه صح

[dr mido dentist]

و يفضل قبل ماتروحلى تفك المسدس و تنضفة كويس و ترش فية ‏wd-40 و تنضفة كويس ممكن رايش و بقايا البارود هما الى معلقين الاجزاء من الداخل

ايه هو wd-40 ده ؟
ارجو الرد لتعم الفائدة و شكرا

[hell007_hell]

wd40 ده سبراى تنضيف و تزييت

بيستخدم لتنضيف الاجزاء الميكانيكية و ازالة الشحم الزائد و تليين الاجزاء

بالاضافة الى انه بيزيل رواسب الكربون و الهباب من المسدسات

و بيتجاب من عند بتوع الحدايد او قطع غيار العربيات

[Angel]

ال ‏wd_40 منظف و مزيل صداء

[د.محمود]

ماشي يا فندم شكرا ليكم جزيلا
بس معلش اصل دلوقتي استاذ سرسور بيقول الشاكوش نفسه وحضرتك بتقولي الكوبري وفيه ناس تاني يفهموا قالولي عتله التامين فانا دلوقتي محتار وده مش تقليل لكلام حضرتك نهائي بالعكس انا بشكرك جدا ع الاهتمام
وشكرا

[shahryar33]

يبقى الافضل لحضرتك عشان توفر على نفسك التعب حضرتك تروح بيه لورشه صيانه هو اكيد هيعرف العطل لأن كل واحد هنا من الى ردوا عليك بيقولو اسباب مختلفه حتى لو كانت بعضها صحيح لأنهم لم يقومو بمعاينه المسدس و التوصل للعيب الحقيقى فكل واحد بيقول العيب من وجهه نظرة بدون معاينه المسدس الافضل انك تاخدة و تروح ورشه صيانه تعرف ايه العطل بالظبط و بعدين ممكن بعد كدا تيجى تسأل الاعضاء تقول العطل فى الجزء الفلانى فى المسدس هيبقى الى هيجاوب عارف العطل فين بالظبط دة لو مش عايز تصلحه فى الورشه و لو حضرتك مش عارف عنوان ورشه قيبه ليك حضتك ممكن تروح ورشه البشمهندس شريف 100 شارع شبرا امام محطه مترو روض الفرج
هو راجل محترم جدا و المعامله ممتازة و شغله ممتاز جدا بس العيب الوحيد انو غالى شويه بس بصراحه راجل هيصلحلك المسدس و يظبطهولك على الاخر

[dr mido dentist]

شكرا جزيلا لhell007_hell و Angel

[د.محمود]

شكرا جزيلا لجميع الاعضاء المحترمين اللي فادونا كتييير والله

[old hunter]

بص يا فندم انا هجبلك من الاخر الموضوع ده مش هيخرج من حجتين اولا حاجز الطارق ممكن يكون اتكسر او اتبري فبقا مبيثبتش الشكوش في الخلف العيب الثاني في الشاكوش المكان الي بيبات فيه حاجز الطارق اتاكل بس الاغلب ان حاجز الطارق اتكسر لانه بيبقا في الجكال ضعيف بس في جميع الاحول هتحتاج ورشه صيانه بس عامه سعر الحاجز ميزدش عن 15 جنيه والشكوش لو اتبري بيتزود الحفره شويه بمبرد رفيع وميحتجش يتغير وعلي فكره برده الشكوش اخره 60 جنيه ده النضيف منه