تغير سوسته الكرال

[thekey95]

السلام عليكم
انا ان شاء الله ناويت اشترى البندقيه الكرال
لكن لقيت كل الاعضاء بيقولوا لازم ولابد ان تغير السوسته بتاعها الاول ياجدعان دى لسه جديده
وكمان بيغيروا القاعده
عاوز افهم ليه كده
ولا اشترى حاجه مستعمله وتكون معدله

[bekhet]

عزيزى الفاضل
أسعار البنادق غالية جدا ولا تعبر عن قيمتها الحقيقية ولاكن دة الواقع وعلى المثل (الشاطرة تغزل برجل حمار) علشان كدة العقل المصرى خد أرخص حاجة هاى باور (الكرال التركى) التى بها عيوب يمكن تفاديها
وضبطها وعمل منها عروسة وأهم العيوب هى إن السوستة بتكسر وأحيانا لا تكسر لكن يتحسن إستبدالها بسوستة (الجامو الأسبانى) وكذلك القاعدة وعدم جودة فى التقفيل وأحيانا عيوب بسيطة ممكن تكون موجودة بندقية ومش موجودة فى البندقية أخرى جنبيها ومع كل ذلك الكرال بندقية كويسة بالنسبة لسعرها ومتخفش منها خالص لأنها رخيصة ويمكن تفادى هذة العيوب بتغير السوستة وفكها وإزالة الرايش وإعادة تشحيمها تبقى زى الفل وكمان لو معجبتكش سهلة البيع بدون خسارة كبيرة
نصحيتى ليك لو دى إمكانيتك إشتريها جديدة على بركة اللة وروح عند محمود شلبى جنب محطة مار جرجس يغير ليك السوستة ويضبطها ليك وهتبقى عروسة والتكلفة الكلية بعد تغير السوستة حوالى 1500 - 1600 جنية ومبارك عليك مقدما

[thekey95]

فى حد محترم جدا انا كلمته هنا وقال لى ان الكلام ده مع الكرال بشكلها القديم لكن الفرجن الجديد لا
قال لى ممكن تغيرها بعد 500 رشه بسوسته اسبانى
وكمان سالته على موضوع التشحيم قبل الضرب قال لى هذا الكلام عارى تماما من الصحه
ماراى الخبراء بتوعنا
ارجو الافاده

[thekey95]

يعنى حضرتك رايك انى اغير السوسته وهى لسه جديده ولا استنى اما تبوظ وبعدين اغيرها بسوسته جامو او ديانا

[عادل عبده]

المشاركة الأصلية كتبت بواسطة thekey95

يعنى حضرتك رايك انى اغير السوسته وهى لسه جديده ولا استنى اما تبوظ وبعدين اغيرها بسوسته جامو او ديانا

سوسته الديانا هتفوتلك مجموعه الزناد
لازم عشان تركبها تعدل مجموعه الزناد

[bekhet]

[/size]

المشاركة الأصلية كتبت بواسطة thekey95

يعنى حضرتك رايك انى اغير السوسته وهى لسه جديده ولا استنى اما تبوظ وبعدين اغيرها بسوسته جامو او ديانا

أخى الفاضل

الكرال التركى هى تقليد للبندقية النادرة الجامو شادو 1000 الأسبانية الصناعة فى فرق فى الخامات بين الإثنين لصالح الجامو طبعاً
السوستة بمثابة قلب البندقية زى موتور العربية
السوستة مش موضوع قوة ولا ضغف فقط ولكن تجميع كمان لية
القوة الناتجة من السوستة لازم تكون هى هى بعض كل ضربة لو مش كدة هتلاقى رشة مثلا تطلع بسرعة 200 م/ث ورشة تطلع 230 م/ث لكل واحدة منحنى رماية مختلف تجى تضبط النشان ميضبطش معاك علشان كدة ركب السوستة الأسبانى ذات الأداء المتزن على البندقية الكرال
نفس الكلام مع البام لو ركبت سوستة الديانا هتلاقى البندقية تهدى شوية بس أدها يبقة متزن
وثابت

[أحمد عطاالله إبراهيم]

يا باشا اتوكل على الله واشتريها جديدة .. ووديها للكينج ( عادل عبده ) يظبطهالك ..

[thekey95]

الف الف شكر يارجاله
طب ممكن رقم تليفون الكينج عادل عبده علشان اكلمه