خايف اتثبت وعايز حاجه ادافع بيها عن نفسى

[الجـنرال]

السلام عليكم ورحمة الله وبركاته وكل سنه وحضراتكم طيبين.

اناشغال مندوب مبيعات لشركه موبيليا كبيره فى الصعيد وبيبقى معايا منتجات غاليه جدآ وبورد الفلوس بالليل واوقات الفلوس بتاعت التوريد بتعدى ال100الف.

وبعدى من منطقه اسهل حاجه فيها انك تثبت وتتسرق. وبعدين يتهمونى بالإختلاس واروح فى داهيه.

كل اللى انا بتمناه من حضراتكم

ترشحولى مسدس صوت يكون شكله واقعى جدآ وصوته لازم يكون عالى لان واحد من زمايلى كان معاه مسدس صوت الصوت بتاعه متعرفش تفرقه عن الحقيقى واظن انى مببالغش لما اقول اعلى من الحقيقى لما كان بيعدى فى منطقه من دول كان بيضرب طلقتين ومفيش حد كان بيتعرضله بس للأسف استقال ومش عارف اوصله.


فياريت حضراتكم ترشحولى مسدس صوت يكون شكله واقعى جدآ وصوته يكون عالى.

واسف جدآ على الاطاله وكل سنه وحضراتكم طيبين

[ahmed mado]

ممكن تجيب blow f 92 او zoraki 918 شبة البريتا ٩٢ او الحلوان الحى
موضوع الصوت العالى ده بيتحكم فيه العامل الاساسى الطلقة نفسها و اعتقد ان الطلق التركى اعلى صوت

[nour eltoureny]

السلام عليكم انا اخوك نور الطوريني
انا ليا موضوع هنا في المنتدي بيضم اسالة كتير عن انواع المسدسات و افضلها للدفاع عن النفس بصلك في بصة يمكن يفيدك http://www.egyhunt.net/showthread.php?t=48802
ثانيا احب اوضح لحضرتك انو ياريت تشتري حاجه مشابهه للبريتا 92 لو حتجيب صوت
ثالثا وده الاهم ان ياريت يكون وضع حمل مسدس الصوت وضع استثنائي وليس دائم
رابعا واجب عليك تحاول استخراج رخصة انشاله لمسدس حلوان دنشواي القديم مش مهم يكون ماركه او نوع او حاجه مهمه بموجب طبيعه عملك ولو حضرتك صعب تستخرج رخصة سلاح او في ظروف خاصة اي ان كانت واجب علي جهه العمل انها تمشي في استخراج رخصة ليك او تطلع شخص مسلح بحي معاك في الطريق وده واجب عليهم هم حمايه اموالهم مش انت الي حتعرض نفسك لمسؤليه فلوسهم وكمان حمايتها
ولو حتشتري حي متستخدمهوش غير لما تقعد مع حد فاهم وعنده خبره يفهمك تشيله ازاي وتستخدمه ازاي وتحافظ عليه وتتعود علي مسكته وكده علشان ديما يكون مستعد معاك لا قدر الله لو حصلت حاجة ودي ناصيحتي لك
اما باه لو حتشتري صوت فاشتري زوراكي 918 او ايكول فيرات ماجنوم او بلو اف 92 او بروني 92 او ايكول سبيشيال 99 وده انا ارشحه ليك مقام اول لان حجمه مناسب مش كبير جدا زي الباقي وشبيه للبريتا شيتا 85 الحي وماسورته قصيره فحيكون صوته عالي واستخدم الطلقات الذهبي مش الفضي لان الفضي بتخرب المسدس وبتهببه جامد وممكن تسبب عطل لا قدر الله انت ادخل شوف الموضوع حيكون فيه تفاصيل اكبر من كده

[الجـنرال]

شكر خاص للاستاذ نور على مجهوده الرائع فى كتابة تلك المعلومات القيمة جزاك الله خيرآ

انا بشكر حضراتكم جدآ

بس موضوع انى اشيل حى ده صعب شويه فمفيش قدامى غير الصوت

[الجـنرال]

وايه رأى حضراتكم فى الريتاى ايجل لانى شايف حجمه كبير ومشابه للحى هل تنصحونى بيه

[aliessam97]

المشاركة الأصلية كتبت بواسطة الجـنرال

وايه رأى حضراتكم فى الريتاى ايجل لانى شايف حجمه كبير ومشابه للحى هل تنصحونى بيه

استاذ الجنرال انا مع الاستاذ نور في الرأي طلاما هتجيب صوت يبقي تجيب حاجا شبه البريتا 92 لان الشكل ده هو اكتر شكل منتشر في مصر و الناس كلها عرفاه
وريتاي ايجل كويس جدا طبعا بس للاسف مينفعش مع حالت حضرتك ديه
لان الريتاي ايجل نسخه من الديزرت ايجل الي هو يعتبر اقوي مسدس في العالم و هو من المسدسات الهجومية الي متلاقيهاش غير مع رجال الجيش و الشرطه في الدول الي بره
فا مابالك بقي لو كان نصيبك بقي في واحد فاهم شويه هيشك طبعا ان السلاح ده مع شخص مدني و في مصر كمان
انا فاهم من كلام حضرتك انك عايز حاجا كبيره
انا برشح لحضرتك الايكول جاكال ديول نسخه من البريتا 92 ومحدش هيكتشف انو صوت خالص
المسدس ده معايا و هو فعلا مسدس محترم ذائد بقي انو فيه فردي و الي يعني يسد معاك لو داخل حرب
وسعرو بيتراوح من 1150 الي 1250

[الجـنرال]

المشاركة الأصلية كتبت بواسطة aliessam97

استاذ الجنرال انا مع الاستاذ نور في الرأي طلاما هتجيب صوت يبقي تجيب حاجا شبه البريتا 92 لان الشكل ده هو اكتر شكل منتشر في مصر و الناس كلها عرفاه
وريتاي ايجل كويس جدا طبعا بس للاسف مينفعش مع حالت حضرتك ديه
لان الريتاي ايجل نسخه من الديزرت ايجل الي هو يعتبر اقوي مسدس في العالم و هو من المسدسات الهجومية الي متلاقيهاش غير مع رجال الجيش و الشرطه في الدول الي بره
فا مابالك بقي لو كان نصيبك بقي في واحد فاهم شويه هيشك طبعا ان السلاح ده مع شخص مدني و في مصر كمان
انا فاهم من كلام حضرتك انك عايز حاجا كبيره
انا برشح لحضرتك الايكول جاكال ديول نسخه من البريتا 92 ومحدش هيكتشف انو صوت خالص
المسدس ده معايا و هو فعلا مسدس محترم ذائد بقي انو فيه فردي و الي يعني يسد معاك لو داخل حرب
وسعرو بيتراوح من 1150 الي 1250

رأى حضرتك يحترم ويعتد به طبعآ

انا شوفت الايكول اللى حضرتك قولت عليه وشوفت حجمه كويس هل هو ده اللى فى الصوره





ورأى حضرتك ايه فى صوته هل لو ضربت بيه هيتعرف انه صوت

وبعد اذن حضرتك طبعآ هل الايجل صوته اقوى ولا الجاكال ولك جزيل الشكر والتقدير

[aliessam97]

المشاركة الأصلية كتبت بواسطة الجـنرال

رأى حضرتك يحترم ويعتد به طبعآ

انا شوفت الايكول اللى حضرتك قولت عليه وشوفت حجمه كويس هل هو ده اللى فى الصوره





ورأى حضرتك ايه فى صوته هل لو ضربت بيه هيتعرف انه صوت

وبعد اذن حضرتك طبعآ هل الايجل صوته اقوى ولا الجاكال ولك جزيل الشكر والتقدير

هو ده الجاكال فعلا يا فندم والحقيقه انا مسمعتش صوت الايجل قبل كده والجاكال صوتو كويس جدا و عالي و هو معايا
بس زي ما الاعضاء قالو لحضرتك بنسبة 90% الصوت معتمد علي نوع الطلقة الي بتستخدمها
يعني لو حضرتك ضربت من الاتنين بنفس النوع هتلاقي الصوت قريب من بعضو اوي

[الجـنرال]

المشاركة الأصلية كتبت بواسطة aliessam97

هو ده الجاكال فعلا يا فندم والحقيقه انا مسمعتش صوت الايجل قبل كده والجاكال صوتو كويس جدا و عالي و هو معايا
بس زي ما الاعضاء قالو لحضرتك بنسبة 90% الصوت معتمد علي نوع الطلقة الي بتستخدمها
يعني لو حضرتك ضربت من الاتنين بنفس النوع هتلاقي الصوت قريب من بعضو اوي

حضرتك بتقول انك عندك الجاكال وصوته عالى يبقى انا هاخود كلامك وهشتريه

[aliessam97]

من الصعب جدا ان حد يقدر يفرق من صوت المسدس الصوت و المسدس الحي عامتا الي بيفهم هيعرف ان صوت المسدس الصوت بيبقي اعلي لان الحي صوتو بيبقي مكتوم كده

[الجـنرال]

وهبقى اسأل على اقوى صوت فى الطلق واشتريه

[aliessam97]

المشاركة الأصلية كتبت بواسطة الجـنرال

وهبقى اسأل على اقوى صوت فى الطلق واشتريه

بص من نحية اقوي صوت في الطلق انا عن نفسي بستخدم التركي الفضي اوزكرسانوهو صوتو عالي جدا فيه ناس بتقول عليه وحش لانو بيهبب المسدس جامد وانا معاهم في كده بس طلاما انت بتنضف المسدس علي طول بعد كل استخدام هيبقي احسن نوع ليك غير انك مش هتضرب كتير اصلا وقت العوزه بس

[الجـنرال]

والله يا استاذ على مش عارف اقول لحضرتك ايه على تعبك معايا


انا كنت فاكر ان مسدس الصوت صوته بيبقى زى البومب والصواريخ واستحاله حتى صوته يقارب صوت الحى لكن حضرتك وضحتلى الفكره انه ممكن يكون اعلى من الحى

[aliessam97]

المشاركة الأصلية كتبت بواسطة الجـنرال

والله يا استاذ على مش عارف اقول لحضرتك ايه على تعبك معايا


انا كنت فاكر ان مسدس الصوت صوته بيبقى زى البومب والصواريخ واستحاله حتى صوته يقارب صوت الحى لكن حضرتك وضحتلى الفكره انه ممكن يكون اعلى من الحى

ياعم تعب ايه بس احنا كلنا اخوات هنا و بنساعد بعض
ولا مش زي البوب و الصواريخ ولا حاجا صوتو عالي

[aliessam97]

وبص يا فندم فيه عيب واحد بس في الجاكال لونو
وانت بتشتريه ان شاء الله دور علي الاصدار الي لونو مش بيلمع لانك لو جبت الي بيلمع هتلاقي شبه مسدسات الاطفال و بصماتك باينه عليه دايما
دول علي الاصدار الي مش بيلمع
و مبروك مقدما يا فندم

[الجـنرال]

ان شاء الله تعالى

انا بشكر حضرتك مره تانيه

وكل سنه وحضرتك طيب

[aliessam97]

المشاركة الأصلية كتبت بواسطة الجـنرال

ان شاء الله تعالى

انا بشكر حضرتك مره تانيه

وكل سنه وحضرتك طيب

لاشكر علي واجب يا فندم
و حضرتك طيب

[el7awi]

استاذ علي كلامك مظبوط جدا لو جينا نقارن بين الصوت اﻻعلي المقارنة فعلا هتكون لصالح المسدس الصوت

[aliessam97]

المشاركة الأصلية كتبت بواسطة el7awi

استاذ علي كلامك مظبوط جدا لو جينا نقارن بين الصوت اﻻعلي المقارنة فعلا هتكون لصالح المسدس الصوت

متشكر جدا يا استاذ الحاوي

[عاطف الشاذلى]

جنرال
انشاء الله موفق فى شرا المسدس
ومش هضيف كتير الاخوة قالوا اللازم وزيادة
انا شايف ان الاختيار ما بين الجاكال والزوراكى 918 عموما انا كان معايا الاتنين بس لو جاكال يبقى الاصدار القديم عشان الجديد مش قد كدة والقديم لو لقيته هتلاقيه ب1600 اذن ممكن اقولك خليك فى الزوراكى سعره 1200 الى 1250 ويعتبر افضل خامات مسدس صوت بعد الالمانى وصوته نفس صوت الجاكال وهيشتغل معاك كل انواع الطلقات باداء ممتاز وهو برده نسخة البريتا يعنى مش هيتشك انه صوت بس هاته اسود مط عشان يبقى واقعى
تحياتى

[aliessam97]

المشاركة الأصلية كتبت بواسطة عاطف الشاذلى

جنرال
انشاء الله موفق فى شرا المسدس
ومش هضيف كتير الاخوة قالوا اللازم وزيادة
انا شايف ان الاختيار ما بين الجاكال والزوراكى 918 عموما انا كان معايا الاتنين بس لو جاكال يبقى الاصدار القديم عشان الجديد مش قد كدة والقديم لو لقيته هتلاقيه ب1600 اذن ممكن اقولك خليك فى الزوراكى سعره 1200 الى 1250 ويعتبر افضل خامات مسدس صوت بعد الالمانى وصوته نفس صوت الجاكال وهيشتغل معاك كل انواع الطلقات باداء ممتاز وهو برده نسخة البريتا يعنى مش هيتشك انه صوت بس هاته اسود مط عشان يبقى واقعى
تحياتى

معاك حق الزوراكي لا يعلي عليه بس المشكله فيه اني بحس انو نضيف زياده عن اللزوم يعني الي عايز يجيب حاجا لمجرد انو يقتنيها يبقي الزوراكي انما لو هتجيب علشان يبقي زي الحي معاك وييقي واقعي يبقي الجاكال طبعا

[محمد ياقوت]

فى المرتبة الاولى الزوراكى علمآ بأن الزوراكى بدآ يختفى من السوق وبالتالى يرتفع سعره
فى المرتبة الثانية مجموعة الايكول بغض النظر عن النوع وطبعا الايجل والبارون

[الجـنرال]

المشاركة الأصلية كتبت بواسطة محمد ياقوت

فى المرتبة الاولى الزوراكى علمآ بأن الزوراكى بدآ يختفى من السوق وبالتالى يرتفع سعره
فى المرتبة الثانية مجموعة الايكول بغض النظر عن النوع وطبعا الايجل والبارون

استاذ محمد ياقوت بنفسه بيرد على موضوعى شكرآ سيدى الفاضل

انا روحت فى محل عندنا فى المركز بسأله عن النوع اللى انا عاوزه لقيته بيستغرب ةضحك وقالى ايه اسامى الكفار اللى انته بتقولها دى وملقيتش عنده الايكول

وحضرتك فى القاهرة وانا من المنيا وصعب جدآ اجى لحضرتك او اروح مصر مخصوص علشان اجيبه

[nour eltoureny]

الزميل عاطف الشاذلي و علي عصام
قاموا بالواجب مع حضرتك
والاستاذ محمد ياقوت ممكن تتواصل معاه وهو عنده شحن للمحافظات ممكن حضرتك تشوف الي انت عاوزه ويشحنة لحضرتك وهو من الناس الخبراء و محل ثقة للمنتدي كلة

[الجـنرال]

المشاركة الأصلية كتبت بواسطة nour eltoureny

الزميل عاطف الشاذلي و علي عصام
قاموا بالواجب مع حضرتك
والاستاذ محمد ياقوت ممكن تتواصل معاه وهو عنده شحن للمحافظات ممكن حضرتك تشوف الي انت عاوزه ويشحنة لحضرتك وهو من الناس الخبراء و محل ثقة للمنتدي كلة

الاستاذ محمد ياقوت شكر الزوراكى يبقى اكيد كويس هل ممكن حضرته يرشحلى نوع منه يكون موجود عند حضرته لان جميع اعضاء المنتدى الكرام بيشكروا فى سيادته وثقته

[aliessam97]

المشاركة الأصلية كتبت بواسطة الجـنرال

الاستاذ محمد ياقوت شكر الزوراكى يبقى اكيد كويس هل ممكن حضرته يرشحلى نوع منه يكون موجود عند حضرته لان جميع اعضاء المنتدى الكرام بيشكروا فى سيادته وثقته

لو عايز الزوراكي يبقي 918 علشان شبه البريتا بردو

[الجـنرال]

بصراحة كده انا مفيش حاجه دخلت دماغى غير الريتاى ايجل وبعد مكنت هكلم استاذ محمد ياقوت علشان يشحنهولى

خوفت يكون صوته عامل زى البمب لما الماسوره بتاعته طويله حسب كلام الاخوه الافاضل ومش عارف اعمل ايه

[aliessam97]

المشاركة الأصلية كتبت بواسطة الجـنرال

بصراحة كده انا مفيش حاجه دخلت دماغى غير الريتاى ايجل وبعد مكنت هكلم استاذ محمد ياقوت علشان يشحنهولى

خوفت يكون صوته عامل زى البمب لما الماسوره بتاعته طويله حسب كلام الاخوه الافاضل ومش عارف اعمل ايه

بص اولا هو مفيش حاجا في مسدسات الصوت عاملة زي البمب خالص
الاصوات كلها عالية وفيه فرق بسيط بنها
ثانيا الريتاي ايجل شكلو حلو جدا بس من وجهه نظري الي هيجيبو يبقي جايبو علشان يحتفظ بيه مش اكتر وكنت سامع بعض الاعضاء بيقولو ان الميكانزم بتاعو مش كويس و الاجزاء بتحتو بتتشرخ بسهوله مع الاستعمال الكتير و الله اعلم
انما لو هتجيب حاجا علشان تبقي عملية معاك يبقي الزوراكي رقم واحد و بعديها الجاكال
وانا بفضل الجاكال علشان زي ما قلتلك الزوراكي شكلو نضيف زياده عن اللزوم
وفي الاخر ده قرارك يعني متجبش حاجا انت مش عايزها ويبقي نفسك في حاجا تانية
هات الي تحبو هو الانسان عايش ليه مش علشان يجيب ويبوظ ويجيب تاني هههههههههههههه

[الجـنرال]

المشاركة الأصلية كتبت بواسطة aliessam97

بص اولا هو مفيش حاجا في مسدسات الصوت عاملة زي البمب خالص
الاصوات كلها عالية وفيه فرق بسيط بنها
ثانيا الريتاي ايجل شكلو حلو جدا بس من وجهه نظري الي هيجيبو يبقي جايبو علشان يحتفظ بيه مش اكتر وكنت سامع بعض الاعضاء بيقولو ان الميكانزم بتاعو مش كويس و الاجزاء بتحتو بتتشرخ بسهوله مع الاستعمال الكتير و الله اعلم
انما لو هتجيب حاجا علشان تبقي عملية معاك يبقي الزوراكي رقم واحد و بعديها الجاكال
وانا بفضل الجاكال علشان زي ما قلتلك الزوراكي شكلو نضيف زياده عن اللزوم
وفي الاخر ده قرارك يعني متجبش حاجا انت مش عايزها ويبقي نفسك في حاجا تانية
هات الي تحبو هو الانسان عايش ليه مش علشان يجيب ويبوظ ويجيب تاني هههههههههههههه

الحكايه كلها انى شوفت فيديو للريتاى ايجل وصوته عالى جدآ

طيب حضرتك لو هشترى الزوراكى ولا الجاكال افضل من ناحية الحجم والصوت وكده

[aliessam97]

المشاركة الأصلية كتبت بواسطة الجـنرال

الحكايه كلها انى شوفت فيديو للريتاى ايجل وصوته عالى جدآ

طيب حضرتك لو هشترى الزوراكى ولا الجاكال افضل من ناحية الحجم والصوت وكده

ما احنا قلنا قبل كده بقي الصوت من الطلق مش المسدس
والاتنين نفس الحجم تقريبا
لاكن الوزن يختلف
الزوراكي وزنو بالخزنه مليانه رصاص كيلو
الجاكال وزنو و الخزنه مليانه رصاص كيلو و ربع
حضرتك لما تروح المحل تشتري ان شاء الله امسك الاتنين وشوف ايه الاحسن وتشوف الايجل كمان و تقارن بين التلاته و تختار الي حضرتك شيفو كويس

[الجـنرال]

المشاركة الأصلية كتبت بواسطة aliessam97

ما احنا قلنا قبل كده بقي الصوت من الطلق مش المسدس
والاتنين نفس الحجم تقريبا
لاكن الوزن يختلف
الزوراكي وزنو بالخزنه مليانه رصاص كيلو
الجاكال وزنو و الخزنه مليانه رصاص كيلو و ربع
حضرتك لما تروح المحل تشتري ان شاء الله امسك الاتنين وشوف ايه الاحسن وتشوف الايجل كمان و تقارن بين التلاته و تختار الي حضرتك شيفو كويس

ماهو انا لو هروح المحل مكنتش تعبت حضراتكم معايا انا بتناقش مع حضراتكم فى نوع وبعد كده هطلب من احد تجار المنتدى شحنه علشان انا من المنيا ومن اخر مركز فى المنيا ومن اخر قرية فى اخر مركز فى المنيا

فعلشان كده عايز اجيب نوع وانساه معايا

[الجـنرال]

هو سعره عالى ليه كده
21 - زوراكى 918 أسود العيار 9 ملى خذنة 16 طلقة السعر 1400 جنية

[عاطف الشاذلى]

يا جنرال
على ضؤ ما حكيته عن احتياجاتك اقدر اقولك بلاش الايجل
اولا لانه شومة يعنى حجمه كبير جدا وانت عايز حاجة تشيلها باستمرار فحجمه الكبير هيضايقك وعلى فكرة لما تشوف المسدس هتكتشف انه اكبر بكتير عن ما تصورته على ضؤ الفيديو اللى انت شوفته وبعدين لو عامل على السعر فيه حاجات قريبة منه بس حجمها مناسب ليك وممكن يكون ادائها افضل
رايى بلاش الايجل مش عشان هو وحش لأ عشان هو مش مناسب ليك

[عاطف الشاذلى]

ومن الاخر كدة اللى هيشوفه هيعرف انه صوت لانه النسخة الصوت من مسدس حى غالى جدا وقليل فى مصر

[عابر سـبيل]

استاذ عاطف الشاذلى

حضرتك لو انا هجيبه مثلآ علشان اضرب بيه فى فرح ولا مناسبه هيتعرف انه صوت

واعتذر للأخ الجنرال على تدخلى فى مشاركته

[عاطف الشاذلى]

المشاركة الأصلية كتبت بواسطة عابر سـبيل

استاذ عاطف الشاذلى

حضرتك لو انا هجيبه مثلآ علشان اضرب بيه فى فرح ولا مناسبه هيتعرف انه صوت

واعتذر للأخ الجنرال على تدخلى فى مشاركته

الموضوع متعلق بما هو مألوف عند الناس زى الحلوان والبريتا بموديلاتهم يعنى هات مسدس يشبه الطبنجات الحية لو عايزه ما يتفقسش انه صوت ....... ببساطة

[عابر سـبيل]

المشاركة الأصلية كتبت بواسطة عاطف الشاذلى

الموضوع متعلق بما هو مألوف عند الناس زى الحلوان والبريتا بموديلاتهم يعنى هات مسدس يشبه الطبنجات الحية لو عايزه ما يتفقسش انه صوت ....... ببساطة

يعنى الجاكال ديوال ينفع ولا الزوراكى؟؟؟

[عاطف الشاذلى]

المشاركة الأصلية كتبت بواسطة عابر سـبيل

يعنى الجاكال ديوال ينفع ولا الزوراكى؟؟؟

الاتنين تمام
الزوراكى افضل فى كل شئ
الجاكال اكثر واقعية بنسبة بسيطة

[عابر سـبيل]

شكرآ لحضرتك