يا جماعة عاوز رأيكم

[medo pasha]

ياجماعة النهاردة وانا راجع من المدرسة لقيت واد بلطجى فى الحتة عندنا ومعه اليكترك
المهم قعد يجرى ورا اصحابى وانا واقف بتفرج المهم انا مش عرفه قوى لقيته راح جى ومكهربنى فى ايدى وفى جنبى ولغايط دلوقتى انا ايدى بتوجعنى ومش عارف اعمل ايه يعنى ده اعمل معاه
انا من غيظى كنت عاوز اجيب اى حاجة واخبطه بيها اموته بس حتى لو كنت عملت كده كنت انا هموت فى الاخر منه او من اصحايه فياريت اعمل ايه معه ولوشفنى فى اى وقت لهيكهربنى تانى ليعورنى هو بتاع مطاوى وانا خايف اعمل ايه بةالحمد الله انا كنت لابس جاكيت مدخلتش اوى فيعنى امشى مثلا بمطواة ولوليقته جه جانبى اموته ولا اعمل ايه

[hesham[MaFya]a]

(فالله خير حافظ)

صديقى العزيز قم بقرائة اية الكرسى و توكل على الله و ان قام بتلك هذه البلطجة مرة ثانيه اخبطه بأى حاجة فى وجهه حتى تفدقه وعيه ولا تخف ان الله معك بأذن الله.

[medo magdy]

بص يا برنس

خلي معاك ف جيب الجاكيت من جوا ازازة بيبسي صاروخ

ولو جه قرب منك اخبطو ف وشو

انتا ف حالة دفاع عن نفس ودة صاعق يعني لو خبطك ف حتة غلط يبقى ربنا يعوض عليك

[محمود امجد محمد]

اسمع كلامى عشان تفلح ان شاء الله
1- لاتحاول الاحتكاك بهذا الشخص مره اخرى
2- لو لزم الامر غير طريقك اللى بتروح منه مؤقتا
3- احكى اللى حصلك لوالدك او اى حد كبير فى الاسره او فى المنطقه اللى انت عايش فيها
4 - حاول تعرف الولد ده ساكن فين ومين اهله وممكن والدك او اى حد كبير يروح يشتكى لولى امر هذا الولد
5 -اليومين دول حاول متحتكش باى حد لان الامن لايزال غير مستتب

[hema777h]

روح اعمل محضر لية في القسم عشان لوحصل واتعرض ليك تاني ولاقدر الله اتخبط باي حاجة يبقي في اثبات سابق بالتعدي عليك وتبقي انت في حالة دفاع عن النفس رسمي ومعلش ليا سوال انت عندك كااام سنة

[medo pasha]

انا 15 سنة

[ahmedmh_ali]

المشاركة الأصلية كتبت بواسطة محمود امجد محمد

اسمع كلامى عشان تفلح ان شاء الله
1- لاتحاول الاحتكاك بهذا الشخص مره اخرى
2- لو لزم الامر غير طريقك اللى بتروح منه مؤقتا
3- احكى اللى حصلك لوالدك او اى حد كبير فى الاسره او فى المنطقه اللى انت عايش فيها
4 - حاول تعرف الولد ده ساكن فين ومين اهله وممكن والدك او اى حد كبير يروح يشتكى لولى امر هذا الولد
5 -اليومين دول حاول متحتكش باى حد لان الامن لايزال غير مستتب

كلام سليم 200%

[medo pasha]

المشاركة الأصلية كتبت بواسطة محمود امجد محمد

اسمع كلامى عشان تفلح ان شاء الله
1- لاتحاول الاحتكاك بهذا الشخص مره اخرى
2- لو لزم الامر غير طريقك اللى بتروح منه مؤقتا
3- احكى اللى حصلك لوالدك او اى حد كبير فى الاسره او فى المنطقه اللى انت عايش فيها
4 - حاول تعرف الولد ده ساكن فين ومين اهله وممكن والدك او اى حد كبير يروح يشتكى لولى امر هذا الولد
5 -اليومين دول حاول متحتكش باى حد لان الامن لايزال غير مستتب

انا اعرف اعمل كده بسهولة بس المشكلة ان علته اصلا بايظة ولا يهمها ولو كده حتى انا ممكن او قلت انا كده هضيع وهيتخانق معايا خناقة كبيرة ومعلش يعنى ده مجنون

[medo magdy]

يبقى اعمل بلاغ ف النيابة بالتعدي عليك

[القناص العالمي]

حسبي الله و نعم الوكيل

و الله المستعان

و لا تحسبن الله غافل عما يعملون

[avokato]

ابعد عنه وانت واضح من كلامك اانك حاولت تتحرش بيه لانك مجرتش وبلاش كلمه بلطجي الي بقت موضه اليومين دول واحكي لحد كبير باباك او ماماتك وشوف رايهم ايه واعمله صدقني مش هتستفيد حاجه لو ضربته ولا عورته انت ابعد عنه وخلاص ولما تكبر هتحس انك كنت هتبقي غلطان لو ضربته لانه ممكن يطلع وحش ويجيب عيال تاني ويضربوك لوحدك وتدخل باباك في مشاكل

[amin hegazy]

المشاركة الأصلية كتبت بواسطة محمود امجد محمد

اسمع كلامى عشان تفلح ان شاء الله
1- لاتحاول الاحتكاك بهذا الشخص مره اخرى
2- لو لزم الامر غير طريقك اللى بتروح منه مؤقتا
3- احكى اللى حصلك لوالدك او اى حد كبير فى الاسره او فى المنطقه اللى انت عايش فيها
4 - حاول تعرف الولد ده ساكن فين ومين اهله وممكن والدك او اى حد كبير يروح يشتكى لولى امر هذا الولد
5 -اليومين دول حاول متحتكش باى حد لان الامن لايزال غير مستتب

خليك في أول حلين مؤقتا لحد ما ربنا يسهل ويصلح حال البلد
وكان فيه زميل كاتب اعمل محضر في قسم الشرطة
مفيش شرطة دلوقتى وللاسف الاشكال اللى بتعمل كده هتظهر قوى اليومين دول