ظبط النشان

[محمود كمال]

يا تري هل ظبط النشان في الوضع الأفقي يتناسب مع الرماية في الوضع الرأس سواء لأعلي أو لأسفل

[القبطان المصرى 77]

صباح الخير ياباشا
يارب تكون بصحه وسعاده
وطبعا منحنى الرمايه بيختلف فى الضرب الافقى عن الضرب الى اسف او الى اعلى
بص يااستاذى
لما بتكون ظابط الناشنكاه على الضرب الافقى ( وده العادى )
وتيجى تضرب حاجه واقفه على الارض
تتفجأ ان الطلقه مجتش فى الطائر
وعشان كده لازم
لما تيجى تضرب حاجه واقفه على الارض
نشن تحت الهدف بحوالى 5 سنتى لو الهدف على مسافة مثلا 15 او 20 متر
لانك لو نشنت فى منتصف الهدف وهو عالارض الطلقه هاتيجى فوق الهدف
وبالتالى انت لازم تنزل لتحت شويه اثناء الضرب
وبالنسبه للضرب لأعلى ( رأسى ) اضرب فى اخر جزء من الطائر من تحت

[adel152]

المشاركة الأصلية كتبت بواسطة القبطان المصرى22

صباح الخير ياباشا
يارب تكون بصحه وسعاده
وطبعا منحنى الرمايه بيختلف فى الضرب الافقى عن الضرب الى اسف او الى اعلى
بص يااستاذى
لما بتكون ظابط الناشنكاه على الضرب الافقى ( وده العادى )
وتيجى تضرب حاجه واقفه على الارض
تتفجأ ان الطلقه مجتش فى الطائر
وعشان كده لازم
لما تيجى تضرب حاجه واقفه على الارض
نشن تحت الهدف بحوالى 5 سنتى لو الهدف على مسافة مثلا 15 او 20 متر
لانك لو نشنت فى منتصف الهدف وهو عالارض الطلقه هاتيجى فوق الهدف
وبالتالى انت لازم تنزل لتحت شويه اثناء الضرب
وبالنسبه للضرب لأعلى ( رأسى ) اضرب فى اخر جزء من الطائر من تحت

معالى الباشا بعد التحية.
أفهم من كلام حضرتك أن سواء كان الهدف واطى او عالى بتنصح بالضرب تحت الهدف؟
طيب لو انت ضابط بندقيتك على هدف افقى من مسافة 20 متر مثلا. والهدف الجديد عالى بزاوية 45 درجة مثلا ولكن على بعد 25 متر برضه هتضرب تحت الهدف؟ ولو الهدف على الارض على بعد 30 متر برضه هتضرب اسفل الهدف بحوالى 5 سم؟
الموضوع شاغلنى جدا بقاله اكثر من سنة دلوقتى وما لقيتش أجابة واضحة عليه حتى الان.
تحياتى.

[القبطان المصرى 77]

المشاركة الأصلية كتبت بواسطة adel152

معالى الباشا بعد التحية.
أفهم من كلام حضرتك أن سواء كان الهدف واطى او عالى بتنصح بالضرب تحت الهدف؟
طيب لو انت ضابط بندقيتك على هدف افقى من مسافة 20 متر مثلا. والهدف الجديد عالى بزاوية 45 درجة مثلا ولكن على بعد 25 متر برضه هتضرب تحت الهدف؟ ولو الهدف على الارض على بعد 30 متر برضه هتضرب اسفل الهدف بحوالى 5 سم؟
الموضوع شاغلنى جدا بقاله اكثر من سنة دلوقتى وما لقيتش أجابة واضحة عليه حتى الان.
تحياتى.

استاذ عادل خبيرنا الكبيييييييييييييير اوى اوى
بالنسبه للسؤال الاول الخاص بالضرب الارضى
تمام يا افندم الضرب لأسفل بيكون تحت الهدف بــ5 سنتى لو بتضررب على مسافة 15 او 20 متر وممكن 25 متر
اما بقى لو الهدف على مسافة 30 الى 40 متر يبقى تنشن فى اسفل منتصف الهدف مباشرة
وبالنسبه للضرب الرأسى بتضرب فى التلت السفلى من الهدف نفسه
يعنى بتقسم الهدف على تلات اجزاء وتضرب على اخر جزء من تحت
والكلام ده على مسافة من 8 الى 20 متر

بالنسبه للسؤال التانى الخاص بزاوية 45
فى الحاله دى حضرتك هاتضرب فى اخر جزء من الهدف من فوق او فوق الهدف بــ1 سنتى مثلا
ملحوظه
كلللللللللللل الكلام اللى انا قلته ده والتحاليل دى مبنيه على بندقيتى انا
يعنى اكيد الارقام اللى انا كاتبها دى هاتفرق من بندقيه لبندقيه تانيه على حسب سرعتها
بمعنى اصح ان فى بندقيتى بانزل تحت الهدف الارضى 5 سنتى
وفى بندقيه تانيه ممكن تكون 3 سنتى
فالموضوع كله لازم يكون مبنى على تدريب بالبندقيه الخاصه بيك عشان تقدر تحدد منحنى الرمايه عندك عامل ازاى فى سلاحك وهايكون 5 سنتى ولا اقل ولا اكتر
لكن فى النهايه القاعده كلها واحده
وهى انك فى الهدف الارضى هاتضرب تحت الهدف
وفى الهدف الرأسى هاتضرب برده تحت لكن
فى اخر جزء سفلى من الهدف

[adel152]

المشاركة الأصلية كتبت بواسطة القبطان المصرى22

استاذ عادل خبيرنا الكبيييييييييييييير اوى اوى
بالنسبه للسؤال الاول الخاص بالضرب الارضى
تمام يا افندم الضرب لأسفل بيكون تحت الهدف بــ5 سنتى لو بتضررب على مسافة 15 او 20 متر وممكن 25 متر
اما بقى لو الهدف على مسافة 30 الى 40 متر يبقى تنشن فى اسفل منتصف الهدف مباشرة
وبالنسبه للضرب الرأسى بتضرب فى التلت السفلى من الهدف نفسه
يعنى بتقسم الهدف على تلات اجزاء وتضرب على اخر جزء من تحت
والكلام ده على مسافة من 8 الى 20 متر

بالنسبه للسؤال التانى الخاص بزاوية 45
فى الحاله دى حضرتك هاتضرب فى اخر جزء من الهدف من فوق او فوق الهدف بــ1 سنتى مثلا
ملحوظه
كلللللللللللل الكلام اللى انا قلته ده والتحاليل دى مبنيه على بندقيتى انا
يعنى اكيد الارقام اللى انا كاتبها دى هاتفرق من بندقيه لبندقيه تانيه على حسب سرعتها
بمعنى اصح ان فى بندقيتى بانزل تحت الهدف الارضى 5 سنتى
وفى بندقيه تانيه ممكن تكون 3 سنتى
فالموضوع كله لازم يكون مبنى على تدريب بالبندقيه الخاصه بيك عشان تقدر تحدد منحنى الرمايه عندك عامل ازاى فى سلاحك وهايكون 5 سنتى ولا اقل ولا اكتر
لكن فى النهايه القاعده كلها واحده
وهى انك فى الهدف الارضى هاتضرب تحت الهدف
وفى الهدف الرأسى هاتضرب برده تحت لكن
فى اخر جزء سفلى من الهدف

أخى العزيز الغالى شكرا لرد حضرتك المحترم.
أكيد طبعا مسافة ال5 سنتى ديه هتختلف من بندقية لبندقية لأختلاف السرعات ووزن الرش المستعمل...الخ زى حضرتك ماقلت بالضبط.
لكن أنا كنت عايز أعرف من خلال خبرة حضرتك مع بندقيتك (القاعدة الثابتة) لو الضرب فى العالى مثلا هل زاوية البندقية من المستوى الافقى لو أختلفت بتختلف معاها مكان الضرب على الهدف. وكذلك لو الضرب لأسفل؟ لأنى انا أتلغبط ما بين رد حضرتك على مثل ال45 درجة انى اضرب فوق الهدف وفى نهاية رد حضرتك بتقلى أضرب فى الجزء الاخير اسفل الهدف.
أنا ان حضرتك خبير فى موضوع الصور والرسومات ياريت تعمل موضوع عن العملية دى بالصور وأختلاف الزاوية من أعلى ومن اسفل واختلاف المسافات طبعا الخاص ببندقية حضرتك لكن أكيد القاعدة للتنشين حتكون ثابتة.
الموضوع ده فى غاية الاهمية وزى ماقلت لحضرتك انا بقالى تقريبا سنة بأبحث عن الموضوع ده فى منتديات مصرية واوروبية بدون وجود قاعدة ثابتة حتى الان.
خالص تحياتى لمعاليك

[القبطان المصرى 77]

مشكور جدا استاذىالفاضل المحترم استاذ عادل
لكن حضرتك ماخدتش بالك من كلامى كويس
انا قصدت فى كلامى اللى فوق انى لو هاضرب على هدف بزاوية 45 وعلى مسافة 25يبقى هاضرب فوق الهدف بــ 1 سنتى او فى التلت الاعلى من الهدف
لكن اخر سطر فى كلامى فى الكومنت اللى فات كان خاص بالضرب الرأسى
وفيه فرق كبير اوى فى منحنى الرمايه بين الضرب الرأسى وبين الضرب الافقى بزاوية 45
ارجو انى اكون قدرت اوضح وجهة نظرى
ولو فيه حاجه تانى حضرتك عاوزنى اوضحها اكتر اتفضل انا موجود اهو وتحت امرك
وان شاء الله حاضر هاحاول عن قريب اعمل شرح كامل عن الموضوع

[adel152]

المشاركة الأصلية كتبت بواسطة القبطان المصرى22

مشكور جدا استاذىالفاضل المحترم استاذ عادل
لكن حضرتك ماخدتش بالك من كلامى كويس
انا قصدت فى كلامى اللى فوق انى لو هاضرب على هدف بزاوية 45 وعلى مسافة 25يبقى هاضرب فوق الهدف بــ 1 سنتى او فى التلت الاعلى من الهدف
لكن اخر سطر فى كلامى فى الكومنت اللى فات كان خاص بالضرب الرأسى
وفيه فرق كبير اوى فى منحنى الرمايه بين الضرب الرأسى وبين الضرب الافقى بزاوية 45
ارجو انى اكون قدرت اوضح وجهة نظرى
ولو فيه حاجه تانى حضرتك عاوزنى اوضحها اكتر اتفضل انا موجود اهو وتحت امرك
وان شاء الله حاضر هاحاول عن قريب اعمل شرح كامل عن الموضوع

شكرا جزيلا على رد حضرتك المحترم. وانا أسف انى بأتعب حضرتك معايا لكن ده من عشمى. وأنا متأكد ان الموضوع ده هيستفاد منه الكثير من الاخوة الاعضاء.
خالص تحياتى.

[محمود كمال]

و الله أنا سعيد جدا إني سؤالي المتواضع ده كان محل نقاش بين خبيرين من خبراء المنتدي القبطان و الأستاذ عادل
و أتمني من الله أن أستفيد من كلام سيادة القبطان

[ahmed yasser]

انا سعيد انك سألت السؤال دا بص يامعلم النشان مشكلته انك لازم تظبطه قبل ماتضرب يعنى لو سن نملة الدبانة فوق مللى العملية كلها هتبوظ فانتا لما تيجى تظبط النشان لازم تحفظ سن نملة الدبانة مكانو بيبقى فين بالظبط من النيشان (فوق او تحت) عشان تيجى معاك فى الهدف بالظبط

[محمود كمال]

يا أستاذ أحمد أنا معايا سكوب و مش عارف أظبطه خالص و أبعد مسافة أقدر أظبطه عليها 7 متر

[القبطان المصرى 77]

المشاركة الأصلية كتبت بواسطة adel152

شكرا جزيلا على رد حضرتك المحترم. وانا أسف انى بأتعب حضرتك معايا لكن ده من عشمى. وأنا متأكد ان الموضوع ده هيستفاد منه الكثير من الاخوة الاعضاء.
خالص تحياتى.

يا عادل باشا والله انت تأمرنى ده انت استاذى الكبير
وتم عمل موضوع كامل يافندم بالتفصيل الحمد لله

[القبطان المصرى 77]

المشاركة الأصلية كتبت بواسطة محمود كمال

و الله أنا سعيد جدا إني سؤالي المتواضع ده كان محل نقاش بين خبيرين من خبراء المنتدي القبطان و الأستاذ عادل
و أتمني من الله أن أستفيد من كلام سيادة القبطان

انا اعترض على الكلام ده يا استاذ محمود
الاستاذ عادل قامه كبيره فى عالم الصيد والرمايه والصيانه
ومايصحش ابدا تقارنى بيه
انا مازلت مبتدئ وباتعمل منه كل يوم حاجه جديده
وهو كان من ضمن الاسباب الاساسيه فى شرائى للكرال فى البدايه بسبب شرحاته الجميله

[القبطان المصرى 77]

تم عمل موضوع ياجماعه به كل شىء بالتفصيل
وكل ما ارجوه منكم هو الدعاء
ده رابط الموضوع
http://www.egyhunt.net/showthread.ph...732#post463732

[ahmed yasser]

المشاركة الأصلية كتبت بواسطة محمود كمال

يا أستاذ أحمد أنا معايا سكوب و مش عارف أظبطه خالص و أبعد مسافة أقدر أظبطه عليها 7 متر

ماهو انت لازم عالاقل تظبطو من 25 متر

[adel152]

المشاركة الأصلية كتبت بواسطة محمود كمال

و الله أنا سعيد جدا إني سؤالي المتواضع ده كان محل نقاش بين خبيرين من خبراء المنتدي القبطان و الأستاذ عادل
و أتمني من الله أن أستفيد من كلام سيادة القبطان

المشاركة الأصلية كتبت بواسطة القبطان المصرى22

يا عادل باشا والله انت تأمرنى ده انت استاذى الكبير
وتم عمل موضوع كامل يافندم بالتفصيل الحمد لله

المشاركة الأصلية كتبت بواسطة القبطان المصرى22

انا اعترض على الكلام ده يا استاذ محمود
الاستاذ عادل قامه كبيره فى عالم الصيد والرمايه والصيانه
ومايصحش ابدا تقارنى بيه
انا مازلت مبتدئ وباتعمل منه كل يوم حاجه جديده
وهو كان من ضمن الاسباب الاساسيه فى شرائى للكرال فى البدايه بسبب شرحاته الجميله

المشاركة الأصلية كتبت بواسطة القبطان المصرى22

تم عمل موضوع ياجماعه به كل شىء بالتفصيل
وكل ما ارجوه منكم هو الدعاء
ده رابط الموضوع
http://www.egyhunt.net/showthread.ph...732#post463732

والله العظيم انتم ناس كلكم غاية فى الادب والاحترام.
أخى العزيز القبطان أحنا كلنا بنتعلم من بعض وصدقونى ياجماعة أنا لغاية فترة قريبة جدا لا تتعدى 3 سنوات ما كانش عندى أى فكرة عن الفرق بين الرمسيس والديانا. لكن بفضل الله سبحانه وتعالى وأهل الخبرة المحترمين اللذين كانوا موجودين فى هذا المنتدى وبعض المجهود البسيط لتحصيل المعلومات قدرت أكون عندى فكرة بسيطة عن هذه الهواية الرائعة.
لعلم الجميع وانا ذكرت هذه المعلومة فى أكثر من مشاركة انا لست صياد ولم أقوم برحلة صيد واحدة فى حياتى ولكنى أعشق السلاح عموما ولذلك الخبرة العملية عند حضارتكم أيها الخبراء الصيادين وفعلا أنا بأتعلم كل يوم حاجة جديدة منكم.
خالص تحياتى وتقديرى واحترامى للجميع.