خطا غير مقصود!!!!!!!!!!!!!!!!!

[ayman22]

اخوانى اعضاء المنتدى الاعزاء ......

انا اخطات خطا غير مقصود فى حق المهندس طلعت واحب اشرح لكم هذا الموقف ومن هو السبب فىه .....

انا لما قولت الgamo shadow 1000 ب1300 ج عند فتح الله على حسب كلام المحل .. انا بكده اوفعت الاستاذ طلعت فى حرج مع الشخص اللى اشترى منه هذه البندقية واللى دفع فيها مبلغ اكبر من كده ....

ولما رجعت من عند المحل وكتبت موضوعى على المنتدى وفى ناس انتقدت كلامى وقالت مش ممكن الshadow 1000 تكون بالسعر ده .. جلست مع نفسى واسترجعت شكلها فى راسى وجدت شكل الدبشك مختلف بشكل ما عن الشادو1000 لانى شوفتها وجربتها عند الاستاذ طلعت ......

وانا باعتذر للاستاذ طلعت امام جميع اعضاء المنتدى له والحمدلله انا عندى الشجاعة الادبية لذلك لان الاعتراف بالحق فضيلة ........

والسبب فى كل ده هو ذلك المحل النصاب الذى يدعى فتح الله وهو لايستحق هذا الاسم واللى كل واحد فيهم اقل مايجب ان يقال عنهم انهم محترفين نصب ومش عايز اقول كلام اكثر من كده فيهم لانى لو كترت حقول الفاظ غير لائقة وانا لااسمح لنفسى فى هذا المنتدى الموقر ان اقول الفاظ خارجة لان اعضاؤه اقل مايقال عنهم انهم الادب والاخلاق والذوق الرفيع وخدمة الناس ......

ارجو ان الاستاذ طلعت يقرا هذا الكلام ويلتمس لى العذر بحكم عدم خبرتى فى هذا المجال........

ولك منى كل تقدير واحترام يا أ/طلعت.............. والسلام

[salahfareed]

مشكور ايمن على شجاعتك الادبيه وبكل تاكيد المهندس طلعت سيبلغه ذلك

[mustafa-amer]

إنت اجدع ايمن هنا

تحياتي

[umarex]

انت جدع ومحترم جدا ياايمن بيك جزاك الله كل خير

ملحوظه (بم يردى الله ورسوله انا روحت وشفت وكلمت الاستاذ المحترم الزوق البيك (((الرجل))) طلعت باشا)

فعلا راجل محترم فى كل شئ .

ياايمن للمره الثانيه انت راجل ومحترم

[ابو الشوق]

من غير ماعرف رد الاستاز طلعت انا متاكد انة هيسامح علشان هو انسان عاقل وحكيم

[egypt sniper]

شجاعه ادبيه تحسد عليها بصراحه
بس ان شاء الله مفيش حرج ولا حاجه
كل الموضوع كان تأكيد مش اكتر
لأن السعر اللى كان مكتوب كان من حوالى 4 او 5 سنين
وحتى انا كتبت مشاركه فى الموضوع بتاع حضرتك وقلت ان فى شادو 1000 مضروبه فى السوق
وقلت كمان انها نزلت فى دول الخليج على ما اعتقد بس منزلتش مصر

[Oonyx]

الإعتراف بالحق فضيلة..ربنا يباركلك

[ayman22]

اشكركم على كلامكم الحلو اللى زى العسل اللى بتقولوه عليا .........

واشكركم على مروركم الكريم ......

[طلعت بخيت بسكالس]

أيمن أخويا وحبيبي ومفيش والله أي زعل بالمرة ده نقاش وعتاب أحبه ووالله ياأيمون ماكانت مستاهلة خالص كل الكلام ده
حبيبي يأيمن
وكل التحيةللعظماء بأخلاقهم وأدبهم اللي شاركوا