مشكلة في بندقية نورينكو صيني نمرة 1

[another_day]

السلام عليكم ورحمة الله وبركاته

أنا عندي بندقية صيني نورينكو نمرة 1 ....... لاحظت قريب وأنا بجرب البندقية الآتي:
(1) لحظة الضرب الماسورة تتكسر سنة بسيطة كأني ضغت على القفل الماسك لها عشان أكسرها ( فيه بنادق صيني زي بتاعتي ما تقدرش تكسر الماسورة إلا بالضغط على هذا القفل الذي يحررها عشان تكمل كسرها وتحط الرشة )
(2) انحراف الرشة للاسفل 3سم عن الهدف وذلك من على بعد 7 متر تقريبا

علما بان البندقية معايا بقالها 15 سنة وماطلعتش بيها يمكن 10 طلعات صيد على بعض وماغيرتش فيها مسمار ......


فأرجو من السادة الأعضاء النصيحة عن أسباب الخلل ده وكيفية ومكان تصليحه .........

ولكم جزيل الشكر ........

[sameer]

بالنسبة لموضوع الماسورة انها بتميل لتحت ده كان ولازال بيحصل معايا في المعادي حتلاقي المسمار اللي رابط الماسورة بباقي البندقية مفكوك شوية اربطه وشوف ايه النظام ده لو انا فهمت قصدك صح


و النشان حاول تظبطه ترفع النشنكان الخلفي شوية و انشاء الله حيجيب معاك بس استنا اربط المسمار اللي قولتلك عليه الاول عشان حتلاقي الماسورة مرخية لتحت وممكن يكون هو ده السبب ان الرشة بتحدف تحت

[mahmoud11144]

بص يا معلم
السبب الي بخلي الماسورة تنزل لتحت اثناء الضرب هو
القفل الي انت بتضغط علية عشان تفتح الماسورة اللسان الي القفل بيضغطة هتلاقي فية لئة
حل الماسورة وهتلاقي مسمارصغير شوية تحت اللسان مسبتة في البندقية اربطة شوية بس مش اوي
والماسورة ان شاء اللة هتسبت ..
ارجو ان اكون افتك..