مشكله مع ضابط جيش افيدونى

[hogan]

...............................

[التلميذ]

أنا مش هقدر أقول غير ( وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ)
وحسبى الله ونعم الوكيل فى كل من ظلم وتجبر وتكبر على خلق الله وربنا يعوض السواق خير

[ahmadkhalaf]

زى مافى ملائكة فى شياطين

[don'tshoot]

في كل مكان فيه الكويس والوحش وده حادث فردي وكويس انك بلغت

[اسامة]

علي الاصل دور

[mido axis]

حسبى الله ونعمة الوكيل

[gamopt80]

بما ان الجيش هو الي ماسك البلد حاليا فا للاسف في بعض ظباط الجيش بقوا شايفين نفسهم قوي
وطبيعي ان حاجه زي كده تحصل من انسان مترباش
لكن الحقيقه تقال ان اغلب الي في الجيش ناس محترمين وملتزمين اخلاقيا

[smsmn8888]

تا متوقع من اي واحد مع سلطة في مصر للاسف

[كفافى1]

ده شايف نفسة ولو معايا كنت وريته نفسة على حق ربنا
وهو اللى فى اكبر خيله يركبه

[sayedlabib]

شوف يا اخ هوجن بلاش تحط فى بالك انه عمل كده عشان هو ضابط جيش او ضابط شرطه طبع الانسان وتربيته هى اللى بتغلب عليه يعنى باختصار ممكن تقول عليه انسان سلوكيا مش مظبوط واظن الموقف ده كان ممكن يحصل من مواطن عادى وكان ممكن كمان يقولك الفاظ بذيئة وعموما الحمد لله انها انتهت على كده وان شاء الله الشرطة العسكرية تجيبلك حقك مع انى معتقدش ربنا يعوض على سواق التاكسى وصدقنى الدنيا كالحائط وما تلقيه على الحائط لابد ان يرتد عليك ولو تاخر هايحصله نفس الموقف

[dr_mohasan]

إخوانى الأحباء

هناك فئة من أصحاب السلطة (وغالبا صغار السن) لا يقدرون المسئولية الملقاة عليهم ويتخيلون أنفسهم فى موقع بعيد عن المسائلة , وقد كان يحدث هذا وأكثر منه قبل الثورة حيث لم يكن هناك رقيب ولا حسيب على مثل هؤلاء

ولكن الآن وقد تغير الحال واصبح هناك أكثر من حسيب ورقيب على مثل هؤلاء , مثل الصحافة والإعلام والانترنت والفيسبوك , الذين يمكننا من خلالهم توصيل و فضح مثل هذه التصرفات , هذا فضلاً عن التمسك بالحق فى عمل محضر , ورفع دعوى قضائية بمثل هذه التصرفات وعدم التفريط فى حقوقنا حتى لا نترك الفرصة لمثل هؤلاء للعودة بنا الى الماضى

كل ماهو مطلوب من أى شخص يتعرض لمثل هذا الموقف ان يصور ما يحدث بكاميرا الموبايل حتى تتخذ كمستند ودليل امام جهات التحقيق , والتى اصبحت تهتم بالتحقيق فى مثل هذه التصرفات من الصغار , وحتى يمكن فضح مثل هذه التصرفات على الإنترنت والفيسبوك حتى تصل إلى الجهات المسئولة , كما يمكن نشرها على صفحة المجلس العسكرى . وساعتها واحد زى ده هايعملها على نفسه.

ربنا يسلمنا جميعا , وحسبنا الله ونعم الوكيل فى مثل هؤلاء

ولمثل هذا الضابط الفاشل البائس أقول :

سوف يأتى يوم الحساب عاجلاً أو آجلاً , وسوف تقف انت وسائق التاكسى المسكين أمام الواحد القهار , ستقفون حفاة عراة بدون ملابس وبدون البدلة الرسمية وبدون الدبابير والرتب العسكرية , وسوف يسألك السائق عن ما فعلته معه وسوف يطالبك بثمن ما أتلفته حيث لا يوجد دراهم ولا دنانير ولا جنيهات لتدفع له , ولن تجد إلا أن تعطيه من حسناتك أو تأخذ من سيئاته , ثم قد تطرح أنت فى النار و تكون حسناتك التى دفعت له منها هى السبب فى دخوله الجنة , ودخولك أنت النار حيث لن تنفعك يومئذ حسرة ولا ندم , ولا رتبة عسكرية ولا بدلة رسمية.

وحسبنا الله ونعم الوكيل

[YOSSEF EL MASRY]

يا اخواني كل مكان فية الوحش ةالحلو
طبعا احنا كنا بنتكلم عن الشرطة ان معملتها للناس وحشة ودة كان واضح لان الاحتكاك اليوم مع الشرطة فعرفناهم عن قرب وفي مشاكلنا اليومية
ولكن لم نكن باحتكاك يومي مع ضباط الجيش وكلنا راسمين لهم صورة جميلة في عقولنا
لازم نلاحظ دة

[محمد ياقوت]

ظباط الجيش كانوا محرومين من السلطه والتحكم فى الناس وفعلا بدو يقلبو ذى الشرطه والشرطه كمان بدت ترجع كما كانت بل واسفل واعتقد ان المرحله القادمه هتكون ثورات ضدد الشرطه والجيش والشعب بين فكى الجيش والشرطه

[boody]

لا حول ولا قوة الا بالله ناس معندهاش ضمير

[اسلام]

يا بشمهندس ليك منى كل تحيه على شهمتك وانك بلغت ومضيعتش حقك

[هشام سمير]

الحمد لله انها عدت على خير يا بشمهندس وفى موقف زى دا ما تيدلوش فرصه انه ياخد نفسه عليك واكيد كل الموجودين هيتعطفوا معاك لو انتا على حق
بس انا احييك انك بلغت الشرطه العسكريه ومضيعتش حقك

[momo44]

ياريت يا اخى الكريم زى ما قالك العضو الكريم sayedlabib متربطش الموضوع بانه ظابط جيش
لان اليومين دول الكلام ده بيحصل من ناس عادية ويقولك اللى عندك اعمله
وده نتيجة لقلة التواجد الامنى

المشاركة الأصلية كتبت بواسطة محمد ياقوت

ظباط الجيش كانوا محرومين من السلطه والتحكم فى الناس وفعلا بدو يقلبو ذى الشرطه والشرطه كمان بدت ترجع كما كانت بل واسفل واعتقد ان المرحله القادمه هتكون ثورات ضدد الشرطه والجيش والشعب بين فكى الجيش والشرطه

الاستاذ محمد
كل مكان فيه الكويس والسئ
وبعدين اللى بيدخل الجيش اصلا دماغه مش بتبقى فى السلطة لان الطبيعى اللى ماسك الامن هو الشرطة
والجيش حاليا ماسك نتيجة الثورة والاضطراب الامنى
ومحدش كان يتخيل اللى حصل ده (الثورة)

يعنى اصلا الجيش مش بتاع سلطة وتحكم
يبقى ازاى محرومين منه
المحروم ده اللى بتبقى الحاجة بتاعته واتحرم منها

ومش عشان خطأ فردى يتم الحكم على الاغلبية
وفعلا على الاصل دور

[elexlns1]

ابعت تلغراف للنائب العام
ابعت تلغراف للمحامى العام
ابعت تلغراف للمشير
ابعت تلغراف لرئيس الشرطة العسكرية
ابعت تلغراف لرئيس الوزراء

لو محدش عبرك

ارفع قضية

[أميجو]

خد حقك بأى طريقة الان ............ فالبلطجة أصبحت منتشرة سواء من القطاع الحكومى أو الشعبى والساكت عن الحق شيطان أخرس .
فلا تدع حقك

[كريم الشامي]

ربنا يرحمنا.....................

[mazenger]

لاسف الشديد هذا هو غرور السلطة فحاسبوا انفسكم قبل ان تحاسبوا فهل الضابط دة يعرف كدة ربنا يسترها على البلد دى

[هشام عزب]

اخي العزيز العيب في النظام التعليمي داخل الكليات العسكريه فهم يعلموهم الكبر والتعالي وبيفهموهم انهم لهم مكانه خاصه بين الشعب
وضيف علي كده تعامل الشعب المصري الغلبان مع تلك العينات من قولهم للظباط علي سبيل المثال ( يا باشا )
انا عايزك تبص علي الدفعه الجديده التي تخرجت من كليه الشرطه هذه الايام اتفرج علي الكبر والتعالي في التعامل مع الناس
انا عن نفسي كنت حظبط واحد منهم في الشارع من ظباط المرور بس والله الي منعني اني لما دخلت فيه شمال لقيته جبان والله سبته ومشيت
فتقريبا ده هو حال مصر وحتفضل كده ولا حول ولا قوه الا بالله

[s.elrefaey]

بص يا باشا
في الاول لازم نقول حسبنا الله و نعم الوكيل
و ربنا يعوض على السائق
الموضوع ده مش حاجه غريبه على ضباط الجيش زي ما الناس فاهمه
ضباط الجيش في منهم فاسدين كتير و مفتريين كمان بس طبعا لان هما مالهمش تعامل مباشر مع المدنيين فالناس شيفه معظمهم ملايكه
لكن اللي يحب يشوف ضابط الجيش يشوفه جوه الوحده بتاعته
صحيح فيهم كويسيين كتير
لكن برضه فيهم مفتريين كتير و فاسدين كتيير و اللي ما يعرفش يسال اللي دخل الجيش
فطبعا اما يكون فيه واحد مفتري زي كده و في ظرف البلد دي و يكون الجيش هو اللي بيحكم تكون النتيجه اللي حصل معاك و مع السواق

[hazeeeeem]

المشاركة الأصلية كتبت بواسطة محمد ياقوت

ظباط الجيش كانوا محرومين من السلطه والتحكم فى الناس وفعلا بدو يقلبو ذى الشرطه والشرطه كمان بدت ترجع كما كانت بل واسفل واعتقد ان المرحله القادمه هتكون ثورات ضدد الشرطه والجيش والشعب بين فكى الجيش والشرطه

كلام صحيح جدا
ضباط الجيش كانوا طوال حياتهم عايشين فى شبه حرمان وكانو بيحقدوا على ضباط الشرطه لما لهم من احترام او (خوف) وسط الناس والشارع
فاما صدقوا ينطلقوا بغباء وسوء تصرف ، وانا لى صديق ضابط شرطه قالها لى حكمه
الجيش هيبهدل الناس لانه محرووووم ومعروف ان ضابط الجيش مالهوش اى اهميه وسط الشعب
و كانو يببئو مضايقين اوى لخوف الناش مننا (الشرطه يعنى) وتجاهل الناس ليهم .

ويا اخى صاحب الموضوع انا كل يوم بشوف مثل ما تحدثت عنه من قبل الجيش
واقول حسبنا الله ونعم الوكيل وانا دلوقتى بقول انى مش عايز الجيش فى الشارع وسط الناس
ولك الله يا مصر

[hazeeeeem]

المشاركة الأصلية كتبت بواسطة dr_mohasan

إخوانى الأحباء

هناك فئة من أصحاب السلطة (وغالبا صغار السن) لا يقدرون المسئولية الملقاة عليهم ويتخيلون أنفسهم فى موقع بعيد عن المسائلة , وقد كان يحدث هذا وأكثر منه قبل الثورة حيث لم يكن هناك رقيب ولا حسيب على مثل هؤلاء

ولكن الآن وقد تغير الحال واصبح هناك أكثر من حسيب ورقيب على مثل هؤلاء , مثل الصحافة والإعلام والانترنت والفيسبوك , الذين يمكننا من خلالهم توصيل و فضح مثل هذه التصرفات , هذا فضلاً عن التمسك بالحق فى عمل محضر , ورفع دعوى قضائية بمثل هذه التصرفات وعدم التفريط فى حقوقنا حتى لا نترك الفرصة لمثل هؤلاء للعودة بنا الى الماضى

كل ماهو مطلوب من أى شخص يتعرض لمثل هذا الموقف ان يصور ما يحدث بكاميرا الموبايل حتى تتخذ كمستند ودليل امام جهات التحقيق , والتى اصبحت تهتم بالتحقيق فى مثل هذه التصرفات من الصغار , وحتى يمكن فضح مثل هذه التصرفات على الإنترنت والفيسبوك حتى تصل إلى الجهات المسئولة , كما يمكن نشرها على صفحة المجلس العسكرى . وساعتها واحد زى ده هايعملها على نفسه.

ربنا يسلمنا جميعا , وحسبنا الله ونعم الوكيل فى مثل هؤلاء

ولمثل هذا الضابط الفاشل البائس أقول :

سوف يأتى يوم الحساب عاجلاً أو آجلاً , وسوف تقف انت وسائق التاكسى المسكين أمام الواحد القهار , ستقفون حفاة عراة بدون ملابس وبدون البدلة الرسمية وبدون الدبابير والرتب العسكرية , وسوف يسألك السائق عن ما فعلته معه وسوف يطالبك بثمن ما أتلفته حيث لا يوجد دراهم ولا دنانير ولا جنيهات لتدفع له , ولن تجد إلا أن تعطيه من حسناتك أو تأخذ من سيئاته , ثم قد تطرح أنت فى النار و تكون حسناتك التى دفعت له منها هى السبب فى دخوله الجنة , ودخولك أنت النار حيث لن تنفعك يومئذ حسرة ولا ندم , ولا رتبة عسكرية ولا بدلة رسمية.

وحسبنا الله ونعم الوكيل

جزاكم الله خيرا دكتور محمد
بس الناس اللى فى مثل هذه الاماكن لا يتذكرون الله ولايوم الحساب ولا حول ولا قوة الا بالله
الا من رحم الله منهم وقليلا ما هم