استقرار مصر وامنها

[مسافر عبر البرارى]

يا جماعة اولا كل عام وانتم جميعا بخير وصحة وسعادة
انا النهاردة حبيت اكتب الموضوع دة لاستبيان الوضع الحالى فى مصر
كل يوم خناقات بالسلاح فى مكان فى مصر
كل يوم سرقات
كل يوم جرائم قتل
وامبارح عرفنا انة يوجد ما يسمى بتنظيم القاعدة فى مصر وانها عايزة تحول سيناء لامارة اسلامية وذلك بعد ضرب قسم العريش بعشرة الالاف طلقة وايضا بالاربجى
طيب انا هبتدى بنفسى وهقول انة رغم هذا كلة انا شايف ان مصر هتستقر وهترجع الامور لطبيعتها
علشان اولا مصر مذكورة فى القران وكلام الله لايخالف ابدا ولا يكون فية نقيض ابدا او عكسة مهما حدث
وطبعا لايخفى عليكم احبابى ان الاية المذكورة هى ( ادخلوا مصر انشاء الله امنين )
وكمان الحديث ( انة من اراد بمصر سوء قصمة الله )
ومن التاريخ حدث ولا حرج
حرب 73 والنكسة 67 وثورة يوليو وثورة 52 ورغم هذة الاحداث الجسيمة الا انة بقيت مصر امنة وفى هدوء واستقرار الى ان جاءت ثورة 25 يناير 2011 وما تبعها من احداث عظيمة وخطيرة جعلت من مصر مناخا خصبا للبلطجية وارباب السوابق يفعلون فيها كيفما شاءوا
لكن انا متاكد ان مصر هتفضل دايما امنة مطمنة رخاء وسخاء
واحب اشوف اراء الاعضاء هل فعلان مصر هتعود لطبيعتها ولا تخمينى فى غير محلة
معلش بقة اتكلمت باللغة العربية الفصحى
هههههههههههههههههههههههههههههههههههههههههههههههههه ههه

[ahmadkhalaf]

انتا قصدك تقول ( احنا اسفين ياريس ) ولا ( ولا يوم من ايامك ياريس )
بلاش ضحك على العقول ..... واصحو بقى .......... تحياتى للجميع

[نور المسلم]

ارجو ان حضرتك متفهموش غلط هو قصده خير ان شاء الله

[smsmn8888]

لا مصر للاسوءءءءءءءءءءءءءءءءءءءءءءءءءءءءءءءءءءءءءءءءءءءءء ءءء ولا 10 سنين تاني لم ترجع مصر افضل من الاول

[مسافر عبر البرارى]

الوحيد اللى فهم انا اءقصد اية من كتابى للموضوع دة هو smsmn8888
لانة ببساطة قالى راى فى مستقبل مصر
وهو دة اللى انا اءقصدة واللى عايز جميع الاعضاء يدخلوا يشاركوا فانة هل سوف تستقر مصر ولا هنفضل نقتل فى بعض ونسرق بعض ومصر تتدمر اقتصاديا وامنيا واجتماعيا

[pooforever_2010]

هنفضل نقتل فى بعض ونسرق بعض

:mad:

[xman]

ان الله لايغير ما بقوم حتي يغيروا ما بانفسهم

[blow c06]

هتبقى احسن بعد الانتخابات علطول ان شاء الله و يمسك وزير داخليه محترم و قوى و يظبط البلد ان شاء الله و هنبتدى نشتغل و نتبرع لمشروع زويل الى هياخد مصر لقدام ان شاء الله

[loot-ait]

والنبى الأخ اكسلنس فين يا جماعة عشان يدينا واحد فيديو تمام هاهاهاها.ربنا يرحمنا برحمتوا.الشعب عيارو فلت يا جماعة عارفين يعنى ايه عيارو فلت

[محمود صالح]

انا مش عارف اية المقصود من الموضوع دة
بث روح الانهزامية والضياع والخراب والفوضة
اسسسسسسسسسسسسسفففففففففففففففففففففففففففففف______ ___________

الكلام دة كلة غلط
يعنى انت عايز تقول ان مصر كانت اقتصادها سخاء ورخاء على البلد والشعب بأمارة الشحاتة اللى كان حبيبك بيلف على البلاد ويشحت منها وكان ملقب بالرئيس الشحات وطبعا دة اللى عملنا كرامة فى كل الدول العربية علشان احنا شعب شحات
والاهم كم المليارات والديون اللى على البلد وجميع الويزارات
وطبعا مننساش ازدهار وتقدم وزارة الداخلية فى البحث الجنائى والامن والامان فى البلد
يعنى ايام عصر مبارك كان مفيش حاجة اسمها سرقة ولا بلطجة ولا تثبيت ولا تسول ولا ولاد الشوارع ولا عشوائيات
يعنى لو حضرتك اتسرقة شقتك ودة عن تجربة شخصية وتجيب وسطة جمدة المسروقات كانت عمرها مبترجع ومن الاخر بتاخد رقم محضر وابقى اسأل وموت يا حمار
وطبعان كلنا كنا فى امان لما تحصل خناقئة بالسلاح مجرد متتصل بالقسم يرد عليك ويقول لما تخلص وحد يقع ويجو يعملو محضر نبأ نيجى نعاين
وطبعا يأما محضر فى درج او وسطة ولو بتوع التنفيذ راحو يجيبو حد وزبطهم واداهم فلوس بيرجعو ويقولو ملقناهوش
ولو اتخدت شهادتك فى قسم او بلغت عن حادث ابقا قبلنى لو خرجة من القسم غير لما تتهان وتتهزء واما تتدخل الحجز لحد لما يبان لك صاحب
لان الاساس ان كل الناس عبيد وكلاب ومجرمين
ومنساش بردة التقدم الاقتصادى فى كل من وزارة الزراعة اللى خلت كل المزارعين والفلاحين مش عايزين يزرعو ويبيعو الاراضى ويبنو عليها لان الزراعة بئة تكلف اكتر مما بتجيب وبعد كدة طبعا عائد الزراعة مرتفع جدا من السرطان والفشل الكلوى وجميع الامراض
وطبعا الصناعة ودة كفاية ان المصانع القومية الكبرى اللى اجددنا بنوها وكانت صروح فى مصر اما اتقفلة او اتخصصة لاءجانب علشان تبقى تحت رحمتهم
معظم المصانع الكبرى اما خسرة وغلقة بفعل فاعل واللى كانت بيدخل ارباح طائلة وفى عز ازدهار صناعتها وتصديرها اتباعة للغرب زى مصانع الاسمنت كلها اتخصصت واتملكة لشركاة فرنسية وانجليزية ماعدا اسؤ مصنعين الحمد لله لسة متبعوش ومش فاهم مصنع بيكسب والدول الغربية مبتصنعش الاسمنت لانة مضر بالبيئة يعنى ديمان محتاجين يستوردو منك اسمنت يبقى يتباع لية ؟ علشان مصر كل المديرين اللى فيها فشلة ومبيفهموش وبيخسرو المؤسسات
اظن دة كلة نقطة فى بحر من الفساد والخراب اللى كانت فية البلد يبقى اسؤ من كدة هيكون اية
معلش مش هينفع اكلم واكمل واناقش حضرتك فى الكلام دة علشان لو كملت عايز ولا 30 صفحة علشان اكمل مقدمة الكلام للخراب اللى البلد كانت فية والحمد لله اتخلصت منة

[محمود صالح]

احب اقول ازاى اللى جاى اسواء
اسواء ازاى وانت بقيت تضمن لدرجة كبيرة ان الوزير اللى هيمسك وزارة لازم يكون اهل ليها او على الاقل عايز يحسن فيها وينهض بيها
المسألة كلها وقت وصبر لحد متتعمل انتخابات والبلد كلها تستقر بس ندافع على البلد من الحرامية والفلول لحد منضمن ان البلد هيستلمها اهلها الشرفاء اللى لسة متلوثوش من فساد النظام البائد ومنضيعش كل المجهود والدم اللى ادفع علشان نشيل الفساد ونيأس ونسيب ثورتنا بعد لما وصلنا الى 70 % من اهداف الثورة ونسبها تانى للحرامية ويبقى كل اللى اتعمل دة كله راح على الفاضى
بس احب اقول ان الثوار عمرهم مهيسيبو او يضيعو دم شهدائهم وتعبهم على الفاضى غير لما يحققو اللى ثارو علشانو ودفعو من دمهم ودم اخواتهم وعمرهم مهيرجعو او يسمحو للنظام البائد انة يرجع تانى
النظام اللى علمنا تفتيح الدماغ والرشاوى والفساد والمصلحة واللى تغلبو اللعبو
ومفيش حاجة اسمها الافضل او الاجود او الحق او الصح والسليم لازم تمشى حلك بالفلوس يعنى لو ممعاكش فلوس بيقا حالك هيقف ومش هتعرف تمشى مصلحتك لائنك انسان محترم
واى حد هيجى بعد كدة بقيت ضامن انه من اختيار الشعب وارادتة زى عصام شرف حتى لو فى ناس شيفة انتقضاد على ادائة بس اللى اكيد وكله متأكد منة انه فى حرب كبيرة مع الفساد وانه مخلص لحب البلد وتقدمها علشان يسلم الامانة للناس اللى هتبتدى تشتغل للبلد
ودة مجرد حكومة انتقالية اى حارسة على البلد الى ان تسلم الامانة للحكومة المنتخبة من الشعب
اما موضوع الامن دة فاللى البلد فية من سرقة وبلطجة الناس دية مش لسة بقو حرامية وبلطجية من بعد الثورة وقبل كدة كانو شرفاء
لاء دول اساسا نتاج الحكومة الفاسدة البائدة وهذا ما كانو يزرعوة فى مصر من الفقر والفساد والمخدرات وسؤ الخلق والبلطجة ودمار شباب البلد بالتفاهه والسلبية وتقليد الغرب فى البنطلون الساقط والاندر اللى لازم نوعة ونصة يبان من تحت البنطلون
وعدم الهوية والانتماء للبلد واحسسنا انها مش بلدنا
واخير احب اقول ان الفضل كله لله من الاول الى الاخر وما هى الا اسباب واستخدم الله الثوار لكى يورينا اية من ايات الله وهى مهما طال الظلم والبطش والجبروت فان الحق هو المنتصر وان القوة والعزة لله يؤتيها من يشاء فان اساء استخدامها سلبها الله منة وازلة
وما حدث ما كنا نتخيلة او نفكر فية ولاكن الله امر بأظهار الحق وتمكينة اذا لا نخاف على الثورة ولا البلد لان الله امر
ومادام ان الله مؤيدها اذن لا غالب وناصر الا الله هزما الاحزاب وحدة
ولله سنن فى الكون لا تتبدل ولا تتغير ومنها نصرة الحق على الباطل وعمرة لما الباطل مينتصر على الحق
فمن هذا الذى يعادى الله وينتصر والله كتب على مصر الامن والامان الى يوم القيامة وانا اؤمن بالله واثق فى وعدة وعهدة وأمن بة
انا الله غالب

[mzkader]

يا جماعة حتى لو الناس شايفة ان الاوضاع حاليا مش مستقرة ياريت بدل نظرة التشائم يكون فى شوية تفائل لان الوضع السابق كان زى الزفت ولو كانت البلد مشية فى سيناريو التوريث كان الحال هايكون أسوأ بمراحل وللعلم أن كل البلاد التى حدث بها ثورات مش من يوم وليلة أصبحت قوية لا الموضوع بياخد وقت وكل ماكان الفساد قبل الثورة كثير وكل ما الوقت يزيد ولاكن إن شاء الله الوضع هايكون أفضل بكثير أما بالنسبة لموضوع الأقتصاد الوضع ممكن يطول شوية المهم أن كل واحد فى البلد يراعى ربنا فى كل حاجة وبالذات فى الانتخابات البرلمانية أو الرئاسية لازم الأختيار يكون للأكفاء بغض النظر عن الميول والتى هى طبعا ضرورية

[محمود صالح]

المشاركة الأصلية كتبت بواسطة mzkader

يا جماعة حتى لو الناس شايفة ان الاوضاع حاليا مش مستقرة ياريت بدل نظرة التشائم يكون فى شوية تفائل لان الوضع السابق كان زى الزفت ولو كانت البلد مشية فى سيناريو التوريث كان الحال هايكون أسوأ بمراحل وللعلم أن كل البلاد التى حدث بها ثورات مش من يوم وليلة أصبحت قوية لا الموضوع بياخد وقت وكل ماكان الفساد قبل الثورة كثير وكل ما الوقت يزيد ولاكن إن شاء الله الوضع هايكون أفضل بكثير أما بالنسبة لموضوع الأقتصاد الوضع ممكن يطول شوية المهم أن كل واحد فى البلد يراعى ربنا فى كل حاجة وبالذات فى الانتخابات البرلمانية أو الرئاسية لازم الأختيار يكون للأكفاء بغض النظر عن الميول والتى هى طبعا ضرورية

كلامك مضبوط 100 فى 100 لاكن فى ناس غرضها انها تفشل الثورة وتخلى الناس عايشة فى وهم النظام البائد وانة كان احسن وكائن الدنيا فى الثورة هتتعدل الاوضاع وتبقى احسن ما بين يوم وليلة وبدون اى تمن من عمل وصبر وتعب