سؤال لولبى

[ehab.gamal]

هو لما الزناد يقع .... مش يقع .... يعنى يتلخلخ كده .... مش يضرب ولا يعمر لما تكسر الماسوره
يبقى العيب سوسته ولا جلده ولا باظت وانا اللى ملبوس ولا ايه ؟

[Max.1]

يبقى انت كده عايز مسدس جديد

[ehab.gamal]

نسيت اقلك انها بندقيه رش

[amr naser]

دى يا باشا عايزه سوسته بتاعت زناد اكيد هيا الى مخليا الزناد يتلخلع نوع البندقيه ايه

[Qoldus]

المشاركة الأصلية كتبت بواسطة ehab.gamal

هو لما الزناد يقع .... مش يقع .... يعنى يتلخلخ كده .... مش يضرب ولا يعمر لما تكسر الماسوره
يبقى العيب سوسته ولا جلده ولا باظت وانا اللى ملبوس ولا ايه ؟

بارك الله فيك أخي الحبيب...100% مثلما قلت...هي سوستة الزناد إتنطرت ووقعت وغير موجوده في مكانها...وبالتالي ظفر الزناد لا يعشق مع البستم الذي يصبح حرا ولا يتم التعمير...وممكن تجربة بسيطة بس محتاجة منك حرص شديد حتى لا تنطر الماسورة في وجهك...ضع صباعك خلف الزناد وإدفعه للأمام ولأعلى ولا تفلته أو تتركه كأن السوستة موجوده وهي التي تدفعه...وبيدك الأخري إكسر الماسورة للتعمير ولا تتركها خليك ماسكها ومتحكم فيها جيدا...لو سمعت صوت ( كليك ) ما يفيد التعشيق والبندقية عمرت ( كل هذا وأنت ماسك الماسورة بقوة لا تتركها )...تكون هي فعلا سوستة الزناد...خف ضغط صباعك من خلف الزناد ( وأنت ماسك الماسورة جيدا بيدك الأخرى ) وأعد الماسورة بالراحه مرة أخرى لمكانها...لو أجريت هذه التجربة ولم يحدث التعشيق والتعمير كما سبق وأوضحت لك وشعرت أن الماسورة قوية في يدك بفعل ضغط السوستة وعدم حدوث التعشيق أو التعمير وتريد أن تعود لمكانها...في هذه الحالة يكون السبب شيئ آخر غير سوستة الزناد...ممكن يكون ظفر الزناد نفسه قد كسر ولا يعشق مع البستم...بس أنا أميل وأرجح فعلا الإحتمال الأول وهو أن السوستة إتنطرت ووقعت من مكانها...لو مش هاتعرف...يستحسن توديها لفني متخصص كأخينا الحبيب أ/ محمود شلبي...أنا لم أتشرف بمقابلته بعد بس كل الأخوة الأعزاء بيشكروا فيه ربنا يباركله...أرجو أن أكون قد أفدتك ولو قليلا...تقبل خالص تحياتي...