موقف كوميدى جدا حبيت احكيهولكم

[قناص المنوفيه]

انهارده كنت بتمشى انا وابن عمى فى الشارع بتاعنا
بالبندقيه النوريكا جت بتاعتهم وعليها سكوب 3-9-40
بدربه عليها وكده وبنجرب التلسكوب
بنبص لقينا راجل حوالى اربعين سنه جاى ناحيتنا وبيقولنا
انتم شكلكم ما بتعرفوش تصطادوا سيبوا الصيد ده للمحترفين
المهم كنت هرد عليه من غيظى بس قلت استنى
لقيته بيقولى هات البندقيه وانا هوقع الغراب ده وكان قريب جدا
حوالى 15 متر بالكتييييييييييييير
ضرب عليه الرشايه جت جنبه يجى بنص متر
راح مدينى البندقيه وقالى الميكروسكوب ده مش مظبوط
بصراحه فاض بيا بقى :d:d
قولتله ميكروسكوب ايه ده على اساس اننا بنصطاد بكتيريا :d
اسمه تلسكوب على فكره وبعدين انت شكلك اصلا اول مره تمسك بندقيه
وكان نفسك تجرب وتضرب بيها فكنت تقول كده وخلاص
لانك بتكلم واحد بقاله عشرين سنه تقريبا بيصطاد وحسستنى ان مستواك اعلى
المهم الراجل اتحرج وتوهه وسأل على سعر البندقيه قولتله بتلت الاف
قالى ليه يعنى و طبعا اخد فى وشه ومشى


هههههههههههههههههههههههههههههههههههه

[محمد حافظ بك]

ههههههههههههههه انت هتقولي علي اللي بيحصل في الاريااااااف ... اسألني انااااااااااااااااااااااااااا مدوبهم دووووووووووب

[قناص المنوفيه]

المشاركة الأصلية كتبت بواسطة محمد حافظ بك

ههههههههههههههه انت هتقولي علي اللي بيحصل في الاريااااااف ... اسألني انااااااااااااااااااااااااااا مدوبهم دووووووووووب

ههههههههههههههههههه
ربنا يصبرنا عليهم
ولا اللى يطلع يقولك انتم بتصطادوا
اقوله لا احنا بنلعب بلى مسافات طويله
ولا تلاقيك واقف بتضرب يمامه وتلاقى خذووء من
دول يطلع بصوت عالى ويقولك عصفوره اهى عصفوره اهى
هههههههههههههههههههههههههههههههههههه

[محمد حافظ بك]

هههههههههه ايوووووووووة بالظبط .. و ساعات واحده ست تطلع تقولي يا سي الاستاااااااذ يا سي الاستاااااااذ ..نعم يا ستي .. الغربة بتاكل الطير و تخطف الدحي (يعني الغربان بتخطف البيض ) تعالي موتهولي ربنا يخليك ..و افضل مستني و اول مايجي ..اهووووووووووووووو اضربوووووووووووو ..يطير ..يا ولية اتكتمي الله يحرقك لازم هدوء ..طب يمام اهووووووو ..يا دي المصيبة ضغطي بيعلي ...و كله كوم و العيال اللي شبه الدبان الازرق اللي بتلزقلك ......... عشان يسيبوني في حالي .. انا مسافر انهاردة و ربنا يبعدهم عني ..

[dr_mohasan]

طبعا الموقف طريف , واحنا بنقابل من ده كتير

ولكن لى ملحوظة مهمة , لمّا حد يسألك عن سعر البندقية لا تقل أبداً سعرها الحقيقى , حتى لا تكون مطمع فى حد ذاتها ولا تتعرض للمشاكل , قول انها ب 300 أو 400 جنيه كحد أقصى , ولو مش عايز تكذب قول انها عندك من زمان أو انها بتاعت والدك و ماتعرفش سعرها

بالتوفيق ان شاء الله

[hema777h]

المشاركة الأصلية كتبت بواسطة dr_mohasan

طبعا الموقف طريف , واحنا بنقابل من ده كتير

ولكن لى ملحوظة مهمة , لمّا حد يسألك عن سعر البندقية لا تقل أبداً سعرها الحقيقى , حتى لا تكون مطمع فى حد ذاتها ولا تتعرض للمشاكل , قول انها ب 300 أو 400 جنيه كحد أقصى , ولو مش عايز تكذب قول انها عندك من زمان أو انها بتاعت والدك و ماتعرفش سعرها

بالتوفيق ان شاء الله

كلامك صحيح 100% يادكتور

[ahmed yasser]

هههههههههههه حصل معايا حاجة شبه دى واحد كان راسو والف جزمة يشترى البندقية فابن عمى رد عليه قالو غالية ياحج قالو يلا دلوقتى على 100 والفلوس جاهزة هههههههههههههههههههههههههه ولما قولنالو على سعرها مش عايز اقول عمل ايه ههههههههههههههههههه

[Bebeto]

المشاركة الأصلية كتبت بواسطة dr_mohasan

طبعا الموقف طريف , واحنا بنقابل من ده كتير

ولكن لى ملحوظة مهمة , لمّا حد يسألك عن سعر البندقية لا تقل أبداً سعرها الحقيقى , حتى لا تكون مطمع فى حد ذاتها ولا تتعرض للمشاكل , قول انها ب 300 أو 400 جنيه كحد أقصى , ولو مش عايز تكذب قول انها عندك من زمان أو انها بتاعت والدك و ماتعرفش سعرها

بالتوفيق ان شاء الله

طيب لما تبقي ماشي بكرال فايبر اسود و سكوب 3-9 *32 اكيد مش هقوللو بتاعة والدي او عندي من زمان ...... مرة تانية كنت ماشي بالكرال واحد ببدلة وقفني و بيقوللي هي البندقية دي رخصتها عاملة ازاي ؟؟؟ طيب و الفارغ بتاعها اد ايه ؟؟ ممكن توريني طلقة ؟؟؟ ... وريتو طلقة قالي اومال البارود فين و كدة هههههههههههههه

[aymank2]

مواقف جميله كلنا بنتعرض لها وممكن ننسى الطلعه واصطدنا ايه وكام بس مننساش المواقف ديه ابدا تسلم ايدك على الموضوع ياقناص.

[M.Hatem]

المشاركة الأصلية كتبت بواسطة dr_mohasan

طبعا الموقف طريف , واحنا بنقابل من ده كتير

ولكن لى ملحوظة مهمة , لمّا حد يسألك عن سعر البندقية لا تقل أبداً سعرها الحقيقى , حتى لا تكون مطمع فى حد ذاتها ولا تتعرض للمشاكل , قول انها ب 300 أو 400 جنيه كحد أقصى , ولو مش عايز تكذب قول انها عندك من زمان أو انها بتاعت والدك و ماتعرفش سعرها

بالتوفيق ان شاء الله

كلام سليم جدا يادكتور

[fadeel79]

السلام عليكم ، كنت مع طارق فى مره ووالد صغير سأل طارق على البندقية وقال ( هى البندقية دى بتقنص يا عم ) وطبعا مت من الضحك وتقريبا طول الطلعة واحنا عمالين نضحك على الواد .

[أحمد عطاالله إبراهيم]

هههههههههههههه موقف جميل ومضحك جدا يا باشا هههههههههههههههه والله ما قادر ابطل ضحك ... وخصوصا لما قال سيب الصيد للمحترفين .. ههههههههههههههههههههههههههه

[Champion]

ضحك اوي بالذات لما قالك الميكروسكوب ده بايظ
فكرني ب وش اجرام لما قالو انت اصلا متعرفش تقرا التجالوج بتعها ههههههههههههه

[أبو يوسف المصري]

حلوه ميكروسكوب دي
هههههههههههههههه
بس نصيحه عمرك ما تدي البندقيه لحد متعرفوش ممكن يهددك بيها او يكون معاه حد تاني ويطلعوا عليك ويسرقوها