تليسكوب Tasco

[charesma]

ا السلأم عليكم يا احلى صيادين
ايه اخباركم انا فى موضوعين كنت عاوز اقولكم عليه الأول

هو انى كنت حاطط موضوع باسم Diana 52 وقنص الحمام من مصنع القمح
انا قعدت ادور عليه فى المنتدى كله ومش لقيه خالص انا كنت رافعه تقريبا من حوالى اسبوعين


الموضوع التانى وده الأهم انى جبت تليسكوب جديد بالكرتونه والكتالوج بتاعه من واحد معرفه فى مصر للطيران
اسم التليسكوب تاكسو الزوم بتاعه ( 40*9-3)الجميل فيه انه ليه زوووم امامى فى العدسه الاماميه وله زووم خلفى فى العدسه الحلفيه وله ايضا باب للعدسه الحلفيه والأماميه الى عى بتترفع لما انا بجى اضرب على الهدف وبعد لما اخلص خالص اقفلها على العدسات علشان تحميها وله ايضا امكانيه تلوين الشعار بحوالى 6 الوان مختلفه وامكانيه اناره التليسكوب بالكامل من الداخل
وطبعا الشعارات ليزر مش عاديه مع وضوح فى العدسات غير عادى ايه رايكم فيه انا كمان نسيت انى اقولكم انه ضد الميه

[طلعت بخيت بسكالس]

1000 مبروك ياكريزما بس أنت من غير تلسكوب كنت عامل عمايل ياتري بالتلسكوب ناوي تعمل ؟ أنا متهيألى اني أنبه علي صيادين مصر
كل صيادين مصر يدوروا لهم علي بلد تانية يصطادوا فيها 0000هاهاهاها

[msgm]

الف مبروك على التليسكوب يا محمد

و ماتنساش تورينا صور صيدك بيه

[venatic13]

مبروووك يا جميل


وياريت صوره يبقي فل

[Gamo]

الف مبروك على التليسكوب يا محمد يالله ورينا هتصتاد اد ايه عشان تبقى تعمل لنا عزومه

[عمر المختار]

طب يامان انا عاوز اعرف التليسكوب ده بكام ومنين اصلي انا غلبااااااااااااااااااااااان ومعنديش اي معلومات انا لسة طااااااازه

[trainman]

ألف مبروك يا باشا و ربنا يجعلة قدم السعد و بالمناسبة لسة شايف صيدك بتاع امبارح بية ما شاء اللة و ربنا يرزقك بالخير دائماً.

[sokar_jax]

انا عرفو دة جامد جدا صناعة امريكى

[walther]

بسم الله الرحمن الرحيم
مبروك يا معالي الباشا علي التليسكوب
انا عندي واحد زيه من سنه بس مركبه علي الويبلي الباتريوت
ولسه من كام يوم فاكه كله ومركبه تاني علشان الريكويل العالي للويبلي خلي السوسته المسؤله عن الشعارات وتخليها تنزل وتطلع وتيجي يمين وشمال فلتت والحمد لله وفضله ركبته تاني وبقي زي الاول
لو عايز تسال عن اي شي فيه تحت امرك

[gamal abdelhak]

الاستاذ طلعت عنده حق الطيور جتلنا اسكندرية تستغيس.. مبروك عليك ..صورة لو سمحت ..جمال عبد الحق

[محمد سليمان]

اسأل الله لك خيره و خير ما صنع له و استعيذه من شره و شر ما صنع له
الف مبروك ربنا يكرمك بيه و خد نيه جامده كدا لله ربنا يخلفه عليك خير ان شاء الله
و افتكر دايماً و ما تنفقوا من شئ فى سبيل الله يوف اليكم
"وَأَعِدُّواْ لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدْوَّ اللّهِ وَعَدُوَّكُمْ وَآخَرِينَ مِن دُونِهِمْ لاَ تَعْلَمُونَهُمُ اللّهُ يَعْلَمُهُمْ وَمَا تُنفِقُواْ مِن شَيْءٍ فِي سَبِيلِ اللّهِ يُوَفَّ إِلَيْكُمْ وَأَنتُمْ لاَ تُظْلَمُونَ"

[محمد سليمان]

اه صحيح معلش نسيت
المشاركه بتاعتك على اللينك ده كنت بالصدفه لسه شايفها امبارح
http://www.egypthunt.net/showthread.php?t=1022

[Oonyx]

يديك الصحة يا رب!!

[Karim Eid]

انت جبته بكم

[body77]

الف مبروك يامحمد وياترى ظبطه ولا لسه؟
على فكره انا عندى واحد بس مش تاسكو لسه فى علبته وعايزاركبه واظبطه ايه رايك؟؟؟؟؟؟؟؟؟؟

[محمود5555]

الف مبروك وربنا يباركلك فيه

[momo44]

الف مبروك
انا عندى واحد جامو مش تاسكو

[momo44]

الزووم بتاعه كام اكس