صياد جديد و محتاااااااااااااااااااار

[Mohamed Abd El-Hamid]

يا جماعة انا نفسى اشترى بندقية صيد فى حدود 1300 جنية
و انا عمرى فحياتى ما مسكت بندقية صيد فاكيد مش فاهم حاجة بس بعد ما قريت مواضيع المنتدى فكرت اجيب الكرال التركى و من ساعتها احترت
انى الاحسن الخشب ولا الفايبر ولا الرماية ولا الكومفلاج
و اللى حيرنى اكتر اجيب انى احسن نمرة 1 ولا نمرة 2
و بعد ما اجيبها بقى محتاج اجيب ايه تانى لوازم للبندقية
مع العلم ان انا ناوى اتعلم الصيد لوحدى عشان مش لاقى حد يعلمنى فى اسكندرية

ملحوظة مهمة جدا: انا سمعت ان البندقية ليها اصدارين و ان الاصدار القديم لازم يتغيرله سوستة و جلبة
اما الاصدار الجديد فاتغلبوا فيه على عيوب البندقية و ما بقاش ضرورى يتغيرلها سوستة و جلبة
فهل الكلام ده صح ولا غلط؟

[محب الدعوة والجهاد]

موفق إن شاء الله . أنا برده من إسكندرية وصياد جديد وذهبت السجلابى اللى فى محطة الرمل وسألت عن أسعار البنادق مالقيتش غير المصرى والتركى فسألته عن المصرى قال لى 1300 جنيه فأعتقد إن التركى أعلى بكتير كمان وبصراحة أنا لحد دلوقتى محتار ومش عارف الأقى بندقية ومعايا 900 جنيه فمستنى لغاية ما الأسعار ترخص شوية فأعتقد إن مبلغ 1300 جنيه ممكن يجيب المصرى جديد وطبعا ً الأعضاء ماينصحوش بيه .

[moorey]

و انا كمان عاوز اجيب بندقيه الخبره الاعضاء قالولي ان المعادي و الشنجهاي الصيني في حدود 700 _800 جنيه

مش عارف بقي المحل الانت رحتو ده غالي و له ايه

[Mohamed Abd El-Hamid]

المشاركة الأصلية كتبت بواسطة محب الدعوة والجهاد

موفق إن شاء الله . أنا برده من إسكندرية وصياد جديد وذهبت السجلابى اللى فى محطة الرمل وسألت عن أسعار البنادق مالقيتش غير المصرى والتركى فسألته عن المصرى قال لى 1300 جنيه فأعتقد إن التركى أعلى بكتير كمان وبصراحة أنا لحد دلوقتى محتار ومش عارف الأقى بندقية ومعايا 900 جنيه فمستنى لغاية ما الأسعار ترخص شوية فأعتقد إن مبلغ 1300 جنيه ممكن يجيب المصرى جديد وطبعا ً الأعضاء ماينصحوش بيه .

السجلابى ده حاجاته غالية جدا و اسلحة فتح الله كلو بيشتكى منه و من معاملته
و انا قررت اشترى من اى تاجر فى المنتدى بس المشكلة فى ان انا محددتش انا عايز انى كرال تركى بالظبط و مستنى الخبراء يفيدونى

[Bebeto]

يا باشا اذا كان التجار بيبيعوا الكرال هنا من 1300 .... 1500
علي حسب البندقية من حيث الدبشك
خليك مع التجار هتكسب دهب
و علي فكرة انا برضه من اسكندرية و هجيب رماية من الشيخ كريم عشان ببيع الفايبر اللي معايا دلوقتي و لو احتجت اي مساعدة انا تحت امرك

[Mohamed Abd El-Hamid]

المشاركة الأصلية كتبت بواسطة bebeto

يا باشا اذا كان التجار بيبيعوا الكرال هنا من 1300 .... 1500
علي حسب البندقية من حيث الدبشك
خليك مع التجار هتكسب دهب
و علي فكرة انا برضه من اسكندرية و هجيب رماية من الشيخ كريم عشان ببيع الفايبر اللي معايا دلوقتي و لو احتجت اي مساعدة انا تحت امرك

يا باشا و الله نورت الموضوع
بس انت قصدك ان انت حتبيع الكرال الفايبر و تشترى كرال رماية؟
و تنصحنى بانى نوع كرال؟
و لو فيه نوع تانى بنفس السعر قولى عشان انا الصراحة مش فاهم حاجة و خايف اجيب حاجة وحشة و اتعقد من الصيد
و كمان قولى على اسم التجار الكويسين اللى فى المنتدى و يبقى ليك جزيل الشكر

[M.O.R]

والله يا جماعه الواحد بيضايق جدا جدا جدا لما يلاقى محل بيع اسلحه صيد و مغلوانى . بصراحه انا من وجهة نظرى المفروض كل اللى بيشتغل فى بيع اسلحه الصيد يكون راجل جد و محترم ولا يغلى ولا يبيع حاجه وحشه .

[Mohamed Abd El-Hamid]

الصدمة الكبرى

محل السجلابى للاسلحة و ادوات الصيد بيبيع البندقية الكرال دبشك خشب ب 2000 جنيه
لسة سائل عنده انهردة