الحمامة والثار

[القناص فليفل]

صباح الفل على كل قناصى المنتدى العظماء خرجت من بيتى صباحا متوجها الى بنك الاهلى جنرال سوستية على ناصية شارع العريش مع شارع فيصل للاجراء بعض المعاملات البنكية ودخلت الى مدير البنك الذى يتاع اخبار منتدانا اول باول لما سمعة منى عن هذا المنتدى وكنت مستعجل جدااااا للان يوم الخميس عندى يوم عمل شاق الا اننى فوجئت باننى نسيت بعض الاوراق بالسيارة فخرجت على على عجل للاحضارها وما ان احضرتها على وقع نظرى على عدة حمامات تقف على يافطة البنك وطبعا لم اتمالك نفسى كالعادة وبدون تفكير اخرجت البندقية من شنطة السيارة وبدات اضرب على الحمام اعلى يافطة البنك و واسقطت ثلاثة حمامات دون ممانعة من الامن وسقط الحمام الواحدة تلو الاخرى على الباعة الذين يفترشون الارض الان احد تلك الحمامات وقعت اعلى التندة الخاصة بالبنك فتطوع احد البائعين للاحضارها فاحضر كرسى ومقشة محاولا اسقاطها الا انها طارت وارتمت على تندة اخرى فضربت عليها واصبتها وما ان تسلق البائع التندة للاحضارها الا انها طارت مرة اخرة ووقفت على احد اليافطات العالية فضربتها الا انها طارت مترنحة وهذة المرة وقفت على كابينة سيارة نقل وكانت السيارة تمشى ببطء فاطلقت عليها طلقة عسى ان انهى تلك المطاردة لها الا اننى فوجئت بسائق السيارة ينزل مسرعا يحاول الهرب وكانت تبدو علية علامات الفزع وترك سيارتة بالطرق وصعد البائع اعلى السيارة واحضر الحمامة وعقب ذلك ظهر السائق مرة اخرى وقال كل دة علشان الحمامة يا نهار اسود يعنى انتوا مش ولاد ابو صميدة قلت لة صميدة مين قال انا افتكرتكم اولاد ابو صميدة من اسيوط وجايين تاخدوا بالتار وتقتلونى فقلت لة انا كنا عايزين الحمامة قال ينعل الحمام على ابو الحمام قلت لة شكلك عاوز تدخل الحمام ههههههههه واعطيت الحمام للبائع الفدائى ودخلت الى البنك وكان مدير البنك يشاهد ضرب الحمام عبر كاميرات البنك وقالى واللة انت مجنون صيد دا واحد من الامن قالى دافية حد معاة سلاح خارج البنك بلغ الشرطة ولما شاهدتك فى كاميرات المراقبة قلت لة دا واحد بيصطاد عصافير وذهبت الى عملى واثناء سيرى عند خير زمان باكتوبر شاهدت عدة حمامات فتعاملت وفى النهاية وجدت نفسى احيا لكى اصطاد فالصيد عندى مقدم حتى على عملى ولا اهتم باى مخاطر انة الادمان هههههههههههههههههه

[M.Hatem]

هههههههههههههههه موفق يا فندم فعلا حضرتك مجنون صيد

[رامز ياسر]

ربنا يكرمك وحضرتك صياد بالفطرة وانا باستمتع جدا بمواضيع حضرتك ...اوعى تحرمنا منها ...تسلم ايدك..تقبل تحياتى واحلى تقييم

[darkshaft]

يا سلام يا سلام، الله عليك يا سياده المستشار.

[مصطفى ابواسماعيل]

الله الله عليك يا استاذ محمود

[samraghost]

يا نهار ابيض والله العظيم بحسدك على عشقك الجامد جدا للهوايه ده شكله عندك عامل زى الميه والهوا بس فعلا الواحد بيحس بمتعه غريبه وهو بيصطاد

[وليد سعد زغلول]

بسم الله ما شاء الله عليك قناص كبير

[jimmy_awad]

هههههههههههههه

[tito]

انت مش جرئ انت متهورجداااااااااااااا بتضرب فى شارع فيصل دانت تلاقى امه لاا اله الا الله اتلمت عليك وربنا يسترها عليك ونصيحة من اخوك الصغير بلاش تصطاد فى مكان مكتظ بالسكان كدة وخد بالك العيون كلها بعد الشو الجميل ده هتكون على سلاحك وهيشفوه وانت بتحطة فى السيارة ومفيش اسهل من كسر الزجاج وربنا يسترها علينا كلنا انشا الله وعلى فكرة انا كمان بخلص شغل فى الفرع دة

[salas0010]

يا فندم اولا ربنا يبارك لك فى صيدك
ثانيا انت قلبك جامد واما بالنسبه لادمان الصيد فهو هوايه فى الدم ولو ايه حصل هتصطاد يعنى هتصطاد المهم تاخد بالك حتى لا تصيب احد بالخطأ

[Karim Eid]

طول عمرك قناص يا باشا
وانا والله نفسي اقابل حضرتك
ولو حضرتك بتيجي العريش والهرم كتير انا من ناحية العريش عسى ان اشوف القناص الحاصل على المركز الاول في المسابقة

[fadeel79]

السلام عليكم ، مع احترامى الكبير لشخصك الكريم من الخطأ كل الخطأ ان يتم الصيد فى مكان به اناس بالشكل الى حضرتك بتقول عليه كده ، فيه اعتبارات امن كتير جدا ومش انا الى هقول لحضرتك عليها ، وجب التذكير لأن حضرتك اصبحت قدوه لصيادين كتير ولا يجب ان تقع منك اخطاء بالشكل ده .

تقبل كلامى بسعه صدر لانى لا اريد إلا المصلحة

[eng.amg]

والله هيا مغامرة حلوة جدا.. أنا فضلت أضحك علي الراجل السواق إلي جري منك...
بس أنا مع الناس إن الصيد في الأماكن السكنية غلط.. لأن في إحتمال كبير للإحتكاك مع السكان ومعظمهم جهلة بالبنادق والصيد (مع إحترامي طبعا) لكن الجهل أنواع طبعا
وأنا شخصيا بتجنب الكلام دا لأني مبستحملش كلمة من حد

[القبطان المصرى 77]

المشكله كلها ان حضرتك ممكن ينضرب عليك نار فى الوقت ده بمنتهى السهوله من الامن
لأنك مش ضامن رد فعل الامن بتاع البنك هايكون ايه لما يشوفو واحد طالع عليهم وماسك بندقيه
وساعتها محدش هايلوم بتاع الامن
ربنا يستر على حضرتك ياسيادة المستشار فى المرات القادمه
وانا اتعرضت لموقف مشابه قبل كده
كنت داخل على جناين وعليها غفير بسلاح لان كان فيه فيلا فى الجناين دى
واول ماشافنى ماسك بندقيه من بعيد جه جرى عليا وهو رافع الخرطوش فى وشى
وبعد ماعرف انى باصطاد قاللى انا كان فاضلى شويه واضرب عليك فى المليان عشان افتكرتك حرامى

[ابو مروان]

هههههههههههههه_ولاد ابو صميدة _زمان الراجل قطع الخلف هو كان احق بالحمام_هههههههههه_عشان ينعنشة شويه_يا باشا ربنا يسترها من الصيد فى الايام دى وسط الناس من الناحيه الامنية اولا وان ممكن الرشايه لا قدر الله تعمل سيكترما ودى بتحصل مع افضل القناصين_ولو معاليك شفت مكان فية حمام ممكن تروحلة يوم الجمعة _السبت اى وقت تكون حركة المارة قليله _الحمام البرى دة موش هايطير هايفضل فى مكانة_ربنا يسترها وولاد ابو صميدة ما يكونوش بيدخلوا على المنتدى هنا_هههههههههه

[القناص فليفل]

المشاركة الأصلية كتبت بواسطة fadeel79

السلام عليكم ، مع احترامى الكبير لشخصك الكريم من الخطأ كل الخطأ ان يتم الصيد فى مكان به اناس بالشكل الى حضرتك بتقول عليه كده ، فيه اعتبارات امن كتير جدا ومش انا الى هقول لحضرتك عليها ، وجب التذكير لأن حضرتك اصبحت قدوه لصيادين كتير ولا يجب ان تقع منك اخطاء بالشكل ده .

تقبل كلامى بسعه صدر لانى لا اريد إلا المصلحة

اشكرك على رايك وااحترمة بستاكدى يا اخى العزيز انة بالرغم من حبى للصيد الا اننى اعرف ما افعلة جيدا وطول عمرى اصددت الاف المرات لم اصب احد او لم احدث تلفيات الاحد وانا با اعتبر نفسى زى الحراح الذى يضع المشرط فى المكان الصحيح حتى اننى الف حول الهدف عدة مرات حتى اجد زاوية مناسبة للضرب وكثيرا ما اعزف عن اهداف وامتنع عن ضربها بسبب ما قد تصيبة الرشاية فى حالة اخطائها للهدف او اختراقها الهدف شكرا ليك

[القناص فليفل]

المشاركة الأصلية كتبت بواسطة القبطان المصرى22

المشكله كلها ان حضرتك ممكن ينضرب عليك نار فى الوقت ده بمنتهى السهوله من الامن
لأنك مش ضامن رد فعل الامن بتاع البنك هايكون ايه لما يشوفو واحد طالع عليهم وماسك بندقيه
وساعتها محدش هايلوم بتاع الامن
ربنا يستر على حضرتك ياسيادة المستشار فى المرات القادمه
وانا اتعرضت لموقف مشابه قبل كده
كنت داخل على جناين وعليها غفير بسلاح لان كان فيه فيلا فى الجناين دى
واول ماشافنى ماسك بندقيه من بعيد جه جرى عليا وهو رافع الخرطوش فى وشى
وبعد ماعرف انى باصطاد قاللى انا كان فاضلى شويه واضرب عليك فى المليان عشان افتكرتك حرامى

اشكر حضرتك على تعليقك الجميل بس تاكد اننى قد علمتنى الحياة حساب المخاطر واعشق المخاطرة المحسوبة فلو لم يكن لى علاقة بمدير البنك لما فعلت ذلك بالاضافة الى انى استاذن رجال الامن قبل بدء الصيد تحياتى لك

[القناص فليفل]

المشاركة الأصلية كتبت بواسطة karim eid

طول عمرك قناص يا باشا
وانا والله نفسي اقابل حضرتك
ولو حضرتك بتيجي العريش والهرم كتير انا من ناحية العريش عسى ان اشوف القناص الحاصل على المركز الاول في المسابقة

انا تحت امرك يا معالى الباشا وتشرفنى معرفتك وان شاء اللة نتقابل على خير ودة تليفونى 01000967744

[القناص فليفل]

المشاركة الأصلية كتبت بواسطة ابو مروان

هههههههههههههه_ولاد ابو صميدة _زمان الراجل قطع الخلف هو كان احق بالحمام_هههههههههه_عشان ينعنشة شويه_يا باشا ربنا يسترها من الصيد فى الايام دى وسط الناس من الناحيه الامنية اولا وان ممكن الرشايه لا قدر الله تعمل سيكترما ودى بتحصل مع افضل القناصين_ولو معاليك شفت مكان فية حمام ممكن تروحلة يوم الجمعة _السبت اى وقت تكون حركة المارة قليله _الحمام البرى دة موش هايطير هايفضل فى مكانة_ربنا يسترها وولاد ابو صميدة ما يكونوش بيدخلوا على المنتدى هنا_هههههههههه

ابو مروان تقبل تحياتى الخاصة لشخصك الكريم وتاكد اننى حريص فى ضرب الاهداف جداااااااااااا والحمد للة لم تحدث معى اى مشكلة الاننى باحاول اختيار احسن زاوية للضرب للاحتمال الخطا وتلافية ومن الممكن ان اعدل عن ضرب اى هدف بسبب المخاطر سلامى لمروان ولشخصك الكريم

[ابو مروان]

تحياتى لحضرتك ومروان بيقول ربنا يسترها معانا كلنا وتحياتى لولاد ابو اسماعيل_قصدى ولاد ابو صميدة الراجل زمانة ساب القاهرة وراح بلد تانيه_هههههههه

[fadeel79]

السلام عليكم ، اعتقد ان كلامنا كله نابع من خوفنا على حضرتك وليس الحجر على احد ويا رب ديما استرها معانا كلنا

[قناص المنوفيه]

ههههههههههههههههههههههه
والله العظيم يا عمو انت لاسع كبيييييييييييييييييييير

[عادل عبده]

بعد تحياتى وبغض النظر عن انك فعلا ادمن الصيد
وبعد تسلم ايدك
حاول تراعى فزع الناس فالصيادين نوعان من يخاف الناس ومن يخاف على الناس
احيك على فدائيتك وانا عاشق الفدائيه ولو ضربت فرد بجرى وراهه بالمشوار حتى لو هتسلق سور ولا حاجه

[العملاق المصرى]

انا بصراحة مستغرب معقولة انت بتحب الصيد اوى كدة يا استاذ محمود

[Champion]

ممكن اعرف نوع البندقيه بتاعت عملية الأغتيال ايه ؟ ههههههه

[أحمد عطاالله إبراهيم]

الله ينور يا سيادة المستشار .. شغل قناصين بجد .. واكتر حاجتين عجبونى ان حضرتك مدمن صيد .. والسواق بتاع ولاد ابو صميدة هههههههههههههههههه

[hogan]

هههههههههههههههههههههههه احنلا ولاد ابو اسمعيل