مش معاه بندقيه ..ولا هو صياد ..واصطااااااد يمامه .

[rock]

السلام عليكم ..... ازيكم يا صيادين ...

ليا واحد صحبى عايش فى منطقه اسمها (اوسيم ) واول امبارح الساعه 11 بالليل سمع صوت غريب على السلم .. فتح الباب وشاف يمامه مش لقيه مخرج من العماره ورايحه جايه على السلم .. قام فاتح الباب على آخره وراحت داخله وقعد وراها فى الشقه حوالى نص ساعه لغاية
ما مسكها .. وبالهنا والشفا ... وبعد ماصورها جه جرى عليا عشان يورينى الصور ... قلت لازم اكتب موضوع واحكى على الصدفه الغريبه دى ... تحياتى .

[hoka]

ههههههههههههههههههه
بجد قصه تضحك وفى نفس الوقت تخلينا نقول سبحان الله انه ساق الرزق لصديقك حتى باب شقته
وفعلا الصيد رزق حتى لو الانسان فى قاع الارض هايجيله رزقه لحد عنده
ربنا يرحمنا ويرزقنا من واسع رزقه

[ahmed tawfik]

ربنا كتب لة رزق فى اليمامة
يبقى لازم تيجى لة لحد عندة
سبحان اللة.

[abosamer]

رب رمية من غير رامي تحياتي

[monje]

بسم الله اخى احمد صحبك غلط غلطة كبيرة اليمامة الجميلة دى متدبحش لان المعروف عن اليمام انة طائر قلق واليمامة دى فى الصورة ثابتة على ايدة وغير قلقة ودة شئ نادر فى اليمام دى كان المفروض خرط جناح واثتأنثها خسارة فرصة لاتتكرر من هذا الطائر القلق الف خسارة

[egyptian coptic]

مشكور يا غالي على الموضوع

تصدق انها حصلت معايا في يوم مرتين يعني لقيت يمامتين في يوم واحد مرة و انا نازل السلم و مرة وانا طالع الاولانيه ادتها لابن جاري هدية اما التانية كونت بخوف بيها اختي الصغيرة هههههههههههههه

لا ننحرم جديدك الرائع

دمت اخي بود

[Consul]

( بسم الله اخى احمد صحبك غلط غلطة كبيرة اليمامة الجميلة دى متدبحش لان المعروف عن اليمام انة طائر قلق واليمامة دى فى الصورة ثابتة على ايدة وغير قلقة ودة شئ نادر فى اليمام دى كان المفروض خرط جناح واثتأنثها خسارة فرصة لاتتكرر من هذا الطائر القلق الف خسارة )...

أخي العزيز الأستاذ أحمد عبد الغني...بصراحة لا تسعفني الكلمات ولا أجد ما أقول بعد كلام أخي الحبيب والعزيز بالله الحاج عرفة...وأرجو وأتمني من الله أن تكون هذه اليمامة قد أشبعت صاحبك وسدت جوعه...لا تغضب مني أخي...أنا حزين...خالص تحياتي واحترامي للجميع...

[rock]

والله يا جماعه ..... (لكل المعترضين والغاضبين ) اليمامه قلوقه جدا وانا قايل ان صحبى قعد نص ساعه لحد مامسكها وبعد مامسكها قصقص ريشها عشان ماتطيرش ..... هى قلوقه ولكن بعد نتف ريش الجناحين مفيش مكان تانى تروحه ..... تحياتى .

[momo44]

يعنى لو انا اشتريت خروف للعيد
ولعبت معاه ولقيته لذيذ وهادى وحنين مدبحوش
لأ طبعا
مادام الموضوع ده حلال يبقى الراجل معملش حاجة غلط يبقى مش لازم نهاجمه
تقبلو مرورى

[NewSomeBody]

السلام عليكم ,,
انا مش مع فكرة انها رزق واتبعتله
مفيش رزق هييجي لحد وهو قاعد
لازم السعي للرزق
واكيد الموقف ده له معاني ونتائج لمن يتأمل

والراجل مغلطش لما دبح اليمامة هو ادري بمصلحته
ده يمام بري واليمام البري لا يستأنس
فى انواع يمام اخري تستأنس بيكون لونها ابيص رمادي وليها طوق اسود حول رقبتها زى الى عندي


(( لو إنكم تتوكلون علي الله حق توكله لرزقكم كما يرزق الطير، تغدوا خماصا وتروح بطانا))


اقْنَعْ بعَيشٍ بأمْرِ اللهِ في قـَدْرِ

فالرِّزْقُ مَقْسُومٌ مِنْ حَيثُ لا تَدري


والسعيُ مطلوبٌ في كلِّ أوقاتٍ

إنْ شِئْتَ تأكيداً, فانْظرْ إلى الطَّيرِ


تغْدو خِماصاً بآمالٍ على سَعْيٍ

مِنْ باكرٍ صَوتُها بالحَمْدِ والشُّكـْرِ


في آخر اليومِ تأوي في مساكنها

هَلْ ياتُرى قُوتُها يأتي بلا هَجْرِ ؟


ما أرْوعَ الفارُوقَ في عَدالَتهِ

قولاً بحِكمَتهِ(لا رزْقَ كالقـَطْرِ)


ضَرْباً بدُرَّتهِ,نـَهـْيـَاً بحِكْمَتـِهِ

أعْطَى دُرُوسَاً لخَيرٍ في مَدَى الدَّهْرِ


يا وَيـْلَ مـُتـَّكِلٍ ,في حلْمِ مُتَّكِىءٍ

يَرْنُو بلا سَعْيٍ للرِّزْقِ بالبـِشْرِِ


رَبٌّ كريمٌ هَدانا هَدْيَ رَزَّاقٍ

والرِّزقُ مَوجُودٌ في البـَرِّ والبـَحْرِ


فالحَقُّ أوصَانــا سَعْياً لأرْزاقٍ

فاسْعَوا كأطْيارٍ , بَحْثاً عَنِ الخَيـْرِ


دمتم بود..

[tito]

[b]من الواضح ان اليمامة دى اثارت الكثير من المشاعر لدى الاعضاء وفتحت مجال للحديث عن التفرقة بين الرحمة فى الذبح والصيد وحلال او حرمانية هذا الصيد والصيد كلنا عارفين انه حلال لقول الله تعالى : (أُحِلَّ لَكُمْ صَيْدُ الْبَحْرِ وَطَعَامُهُ مَتَاعاً لَكُمْ وَلِلسَّيَّارَةِ وَحُرِّمَ عَلَيْكُمْ صَيْدُ الْبَرِّ مَا دُمْتُمْ حُرُماً ) ولكن بعض الناس ودى اختلافات فردية قلوبهم لااقول ضعيفة ولكنها رحيمة تنظر للصيد على انه لاداعى له مادام متوافر لك سبيل اخر للاكل واحيانا كتير ممكن وانت بتصطاد تقابل الموقف دة ناس تقوالك حرام عليك تساله ايه الحرمانية هل الصيد حرام ؟ وبعض الناس تعتقد ان صيد اليمام خصوصا حرام فلو حاولت ترضى كل الناس دى هتتعب ولن ترضى الناس فافعل ماهو حلال لك /b]

[أحمد شلبى]

يرزق من يشاء بغير حساب