صدقنى مش هتندم ابدا ادخل بس

هشام سمير · 13-10-31, 09:28 PM

فى قعده صفا كده وروقان بال
بدأت فى استرجاع ذكريات كتير من ملفات الماضي اللعين
ذكريات فى مجالات كتير مبيربطهاش ببعض غير انها كانت فمرحله زمنيه
اتولدت فيها وانتهت بسرعه جدا ومانتقلتش للاجيال المعاصره حاليا ..
وبما ان الموضوع متشعب لمجالات كتير جدا فهناخدهم واحده واحده كده ونفتكر سوا
فاكر اول عجله جبتها كانت بضهر وسنادات والكاوتشات بتاعتها بلاستيك وصغيره جدا ..
كان ابويا جابهالى معاه من السعوديه
فاكر لما عيل حاول ياخدها مني فى الشارع واديته عضه قعد يعيط نص ساعه لما الناس انقذته من فكي المفترس !
طلعت موضه بعدها الجرس بتاع العجل وبعديه السرينه والفانوس اللى بينور بمولد فى الكاوتش ..
وطبعا كان كل العجل بسبت قدام وسناده فى الجنب وشبكه ورا لو حد حب ياخد توصيله

وبعدين نزل العجل ابو زمزميه السرعات .. ده كان اختراع من اختراعات الزمن

طلع بعديه الاسكوتر .. وده كان بينزل هديه على الايس كريم تقريبا ..
ندخل بقى على الفن والغنا .. من اول الراديو واذاعة الاغاني والبرنامج الموسيقي
وياه بقى لو صوت الراديو ضعيف ونقعد نربط السلوك فى الايريال بتاع الراديو

حد فك الراديو ولعب فى الفتله بتاعه الموجه اللى بتلف دي ؟
فين ايام راديو سوا .. قبل اختراع نجوم اف ام ..
ولما كنا بنستنى حفلة ثومه كل اسبوع

والحجاره العريضه بتاعه الراديو القديم !!
وايام الكاسيت اللعينه … حد فاكر اختراع الكاسيت ابو بابين
كام واحد كان بيسجل من الراديو على الشرايط
فاكرين لما البلاستيكايه اللى بتبقى تحت الشريط بتتكسر
والكاسيت مكانش بيرضى يسجل على الشريط لو مكانتش موجوده
كام واحد حط ورقه فى المنطقه الحساسه دي من الشريط

كام واحد داس بالغلط على الزرار الاحمر اللى جوه زرار البلاي ومسح كام ثانيه من شريط
سالفه من واحد صاحبه ودعى ربنا انه ميكتشفش الجريمه دي !
حد فاكر الكاسيت ابو بابين اللى كان بيسجل من شريط لشريط !
ولا الكاسيت اللى كان بيقلب الوش لوحده من غير ما نفتح الباب اللى كان بيشلنا علشان يطلع الشريط اصلاً !!
كام واحد كان بيشتري شرايط مضروبه من ام تلاته جنيه .. انا كان عندي درج فيه كميه شرايط .. مين فاكر البوم اليسا بدي ادوب
ولا وائل كفوري انا رايح عالجيش !!!!
مين بقى خد باباه وقعد يزن على دماغه علشان يشتريله ووكمان .. وقال ايه علشان يسجل بيه المحاضرات فى الجامعه !!!
انا لما دخلت الجامعه كان الووكمان انقرض اساسا .. انا فاكر اني خليت والدي يشتريلي ووكمان سوني بحوالى 400 جنيه مصري
وكان قمة الانحراف ان الواحد يحط شريط ويسمع فى السماعات الصغيره .. وياه بقى لو الووكمان فيه راديو !!
كام واحد كان جايب حجاره من اللى بتتشحن بمبلغ وقدره
وجايب شاحن بطاريات قد كده بيشحن خمسين نوع ومقاس من بطاريات النيكل المأسوف على امرها !
فاكر كمان اول كمبيوتر والدي جابه كان ويندوز 3.11
كان بيفتح شاشه دوس اكتب فيها win علشان الويندوز يشتغل اللى كان عباره عن ماوس وايقونتين !
ومكانش عليه غير لعبه علاء الدين …
فاكرين بقى الماوسات اللى فيها بليه من تحت اللى مكانتش بتشتغل الا بالباده ..
اوف انا فاكر ان السكرول وزرارين الباك والفورارد دول كانو اختراع عظيم
حد فاكر الاسطوانات اللى كانت بتتوزع مع مجله عالم الكمبيوتر
انا فاكر اني مره انا وصحابي قلبنا فلوس الدرس علشان نشتريها
علشان كان معاها فيلم الساحر بتاع منه شلبي

والنت الدايل اب ورقم 07770777 وقبليه كروت الاشتراك
وكارت الفاكس وتعريفاته ودفع فاتوره انترنت بنت كلب وابوه قفله الخدمه من السنترال !!
كام واحد هنا استخدم الفلوبي ديسك اللى كان 1.4 ميجا بايت !!!!!!
يدوب يشيل صورتين

ولا الفلوبي اللى كان 4 ميجا باين .. كان موجود فاجهزه المدرسه اللى مكانتش بتشتغل اساسا
كام واحد شاف الطابعه اللى بتطبع نقط فى المدرسه ؟
ولا الاسكانر اللى كان بيبقى معجزه القرن ويقعد نص ساعه يسحب فى الصوره ووزنه كان حوالى 4 كيلو !!
كام واحد كان حاسس ان مكنه التصوير الشارب معجزه من معجزات الزمن مع العلم بانها كانت دايما بتحشر الورق جواها !!
مين بقى فاكر الكاميرات اللى بالفيلم .. وراح حمض الفيلم فى الاستوديو وطبع الصور بمبلغ وقدره
وجاب البوم حط الصور ولزقت فيه وباظت !!
فاكرين كمبيوتر صخر .. والاتاري “الفاميلي – العائله” اللى كان فيه خمس لعب
على كل الشرايط بتاعته .. الكوره وماريو والدبابات وصياد البط والعربيات !
كام واحد فاكر المسدس بتاع البط .. اللعنه !!

انا فاكر اني لما كنت بشغل الاتاري الجيران كان بيروح من عندهم القناه الاولى
ويقعدو يتفرجو على ماريو طول اليوم اجباري

وكان طلع جهاز اسود كده مش فاكر اسمه حالياً

فاكرين البلايستيشن الكبير قوي ده اللى كان شبه الصندوق ..
كام واحد هنا اشترى اسطوانات مضروبه

ولما نزل البلايستيشن ون .. انا كنت بعشق نيد فور سبيد ..
فاكرين الكروت بتاعه الميموري ؟؟
فاكرين التليفزيونات اللى قبل اختراع البحث الالي !!
ونقعد نلف البكره لما ايدينا تورم .. سحقاً
ولا الدش اللى كان بيلف الطبق بالريموت كنترول هع
الدش فحد ذاته كان اختراع .. ده كان فى حرامي الدش !!
فين كل ده قبل اختراع وصلات الدش .. مش دلوقتي كل واحد مركب دش فى الشباك !
جت فتره كده كان كل منطقه فيها بلياردو .. بعدين سيبرات نت .. بعدين محلات اتصالات ..
سحقا لعدوى التقليد اللى فدم المجتمع ده !
مين فاكر “البخت” اللى كان عند البقالين
اللى هوه عباره عن ورقه ملزوق فيها بدبابيس لبان وفلوس وارقام بتبقى هدايا فجدول مستقل
فاكرين الطيارات البلاستيك اللى كانت بتتباع عند البقال
والبمب اللى كان بنجيبه فى العيد .. كام واحد عمل قنبله من البمب ورماها فبير السلم
وخد علقه موت علشان يكنس المدخل من الظلط الصغير

كام واحد فاكر ريحة الكبريت اللى بيبقى جوه البمب ؟
فاكرين النحل الخشب .. بكافه انواعه واحجامه .. والكُتّم

ولا البلي بكل الوانه .. والبلي القزاز الصافي .. والبليه الكبيره

ياما قعدنا بالساعات نلعب فى الشارع وانضربنا بما فيه الكفايه !
ولا سلك المواعين لما كنا بنولع فيه ويخرم الهدوم وناخد علقه للصبح

كام واحد اتشعلق على العربيات النص نقل بعد المدرسه وكان بينزل عند المطب
وياويله لو السواق خد المطب بسرعه .. احييييييييييييييه !
مره وقعت وكنت لابس اكتر من بنطلون فوق بعض علشان كنا فى الشتا
والبناطيل كلها اتفرتكت من عند الركبه .. ستي خدتني حته دين علقه !
انا فاكر اني خبيت البناطيل .. ومعرفش جابتهم منين !!!
كام واحد حط شريط فى سلوك العجله .. وحط علبه ميه معدنيه فاضيه وعمل ازعاج للمنطقه كلها

انا كنت عيل سيس

فاكرين القطر اللى كان بيمشي على قضبان بلاستيك
والعربيات اللى بالريموت اللى كانت بسلك .. بتتحرك قدام وورا بس
اللعنه كنا بنضطر نجري وراها فشخ !
كنت كييف اخبطها فى الحيطه ..
مين فاكر السمك اللى بيقعد يلف ونصطاده بالسناره المغناطيس

كام واحد جاب براده حديد وحركها بالمغناطيس من تحت الورقه
وحط معدن فعلبه الكبريت وحركه من تحت الطرابيزه
حط فاكر الطين الصلصاال .. اللى كان بيشلني واعرف لونه بيتغير ليه !!
كام واحد فك ماتور العربيه اللعبه وشغله على الحجاره وركبله مروحه وحاول يطيره

انا فاكر اني وصلته على بطاريه العربيه الـ 12 فولت وحرقلي ايدي

فاكرين الطاقيه اللى كان فيها مروحه ؟؟؟
والنضاره اللى باربع عدسات بتتفتح لفوق !
وكوتشي اميجو اللى بالبوصله واللى بينور فى الضلمه
مين فاكر التليفونات اللعبه اللى كانت بتقول الو مرحبا
انا فاكر ايام ما كان التليفون لونه رصاصي كده وفيه بكره للارقام
افتكر وقتها اننا جبنا تليفون من السعوديه كان بيسجل ارقام وكان فيه زراير كتير فوق
والواد ابن عمي حطه في فيشه الكهربا وفرقع

ولا التليفون الباناسوينك اللى كان لاسلكي بانتنه كبيره كده وفيه اربع قنوات
ياما قعدت اسمع مكالمات عليه لناس معرفهمش وحب بقى وحكاوي طول الليل

ده قبل اجهزه السيناو اللى بيبقى ليه ايريال كبير كده بيتحط عالسطح ..
كل الاختراعات دي قبل الموبايل .. مين عاصر عده الموبايل اللى مبتقراش رسايل عربي
والموبايل النوكيا 3300 الاكثر شهره ولعبه التعبان !

فاكرين اول ما الكانز نزل مصر .. انا فاكر ان البقال كان بيحط اربع علب منظر كده عالرف !
وكان بيبقى متعبي فى السعوديه .. كانز مستورد …
كام واحد لسع اصحابه بالعدسه تحت نور الشمس ؟
كام واحد كهرب اصحابه بالسلك بتاع الولاعات الفاضيه ..
فاكرين الولاعه اللى كانت بتولع بدايره كده بتعمل شراره ؟
ومجله ماجد.. كام واحد طلع عينه وهوه بيبحث عن فضولي

ورجل المستحيل “ادهم صبري”
كفايه كده .. ياريت اي حد عنده ذكريات من المرحله العمريه دي ..
خصوصا مواليد التمانينات يكتبها .. بجد الحاجات دي مش سهل ان الواحد يفتكرها
فوسط الزخم والتطور اللى احنا فيه اليومين دول !!!
هنييجي هنا بعد عشر سنين نقرا الكلام ده .. ونكتب عن الايبود الـ 160 جيجا على انه كائن منقرض

ابن الوطن · 13-10-31, 09:40 PM

انا فية موسيقى كانت بتيجى تتر برنامج كان بيجى فى التمانييات اسمة خمسة لصحتك الموسيقى دية جامدة جدا ولو تعرف اسمها اية يا هشام تبقى خدمتنى جدا عشان انا القبت عليها النت كلة وملقتهاش خالص
ولو عايز تسمع حتة منها هى فية حلقة للبرنامج على اليوتيوب وللاسف الموسيقى مش كاملة
اكتب فى خانة البحث على اليوتيوب
برنامج خمسة لصحتك
وللعلم اللى عمل الموسيقى دية الموسيقار جان ميشيل جارا

big man · 13-10-31, 10:24 PM

على فكره انا عملت نص الحجات دي :]

القبطان المصرى 77 · 13-11-01, 12:43 PM

هههههههههههههههههههههههههههههههههه
ياااااااااااااااااااااااااااه
ده انت رجعتنا يجى 20 سنه لورا ياريس
وقصص العجل
والنحله
والبلايستيشن
والكمبيوتر
والاتارى
وحجات كتيييييييييييييييير اوى من اللى انت حكيتها ليها ذكريات معايا
وعلى فكره
الماوس ابو بليه ده لسه عندى منو واحد لغاية دلوقت
شايلو للذكرى عشان انقرض خلاص
هههههههههههههههههههههههه
بس تسلم ايدك والله يابرنس

TheLegnedkiller · 13-11-01, 12:47 PM

والله يا عم هشام رجعتنا للايام الجميله

ايام الطفوله والبرائه الي احنا كنا فيها

بس المشكله دلوقتي الاطفال مبقاش فيها برائه خالص

دلوقتي عيل صغير يشتم ويسب ويلعن وكلام تاني

قول للزمان ارجع يا زمااااااااااااااااان

اجمل تقييم للموضوع تسلم يا ريس

هشام سمير · 13-11-01, 12:54 PM

اقتباس:

المشاركة الأصلية كتبت بواسطة ابن الوطن

انا فية موسيقى كانت بتيجى تتر برنامج كان بيجى فى التمانييات اسمة خمسة لصحتك الموسيقى دية جامدة جدا ولو تعرف اسمها اية يا هشام تبقى خدمتنى جدا عشان انا القبت عليها النت كلة وملقتهاش خالص
ولو عايز تسمع حتة منها هى فية حلقة للبرنامج على اليوتيوب وللاسف الموسيقى مش كاملة
اكتب فى خانة البحث على اليوتيوب
برنامج خمسة لصحتك
وللعلم اللى عمل الموسيقى دية الموسيقار جان ميشيل جارا

معرفهاش والله
بس اعتقد ان البرنامج ده كان بيجى فى الراديو

هشام سمير · 13-11-01, 12:54 PM

اقتباس:

المشاركة الأصلية كتبت بواسطة big man

على فكره انا عملت نص الحجات دي :]

كلنا هذا الرجل يا كيروو

هشام سمير · 13-11-01, 12:56 PM

اقتباس:

المشاركة الأصلية كتبت بواسطة القبطان المصرى 77

هههههههههههههههههههههههههههههههههه
ياااااااااااااااااااااااااااه
ده انت رجعتنا يجى 20 سنه لورا ياريس
وقصص العجل
والنحله
والبلايستيشن
والكمبيوتر
والاتارى
وحجات كتيييييييييييييييير اوى من اللى انت حكيتها ليها ذكريات معايا
وعلى فكره
الماوس ابو بليه ده لسه عندى منو واحد لغاية دلوقت
شايلو للذكرى عشان انقرض خلاص
هههههههههههههههههههههههه
بس تسلم ايدك والله يابرنس

هانى باشا قبطنا الجميل
الطريف اننا كمصرين طفولتنا كلنا تعتبر واحده الفتره دى كانت اعظم فتره مرة علينا فى حيتنا ايام اللعب فى الشوارع وكلنا نتجمع علشان حلقة الشيخ الشعراوى وعالم الحيوووان بجد نفسى الايام دى والروح دى تسود مجتمعنا مره تانيه

هشام سمير · 13-11-01, 01:00 PM

اقتباس:

المشاركة الأصلية كتبت بواسطة TheLegnedkiller

والله يا عم هشام رجعتنا للايام الجميله

ايام الطفوله والبرائه الي احنا كنا فيها

بس المشكله دلوقتي الاطفال مبقاش فيها برائه خالص

دلوقتي عيل صغير يشتم ويسب ويلعن وكلام تاني

قول للزمان ارجع يا زمااااااااااااااااان

اجمل تقييم للموضوع تسلم يا ريس

الطفوله اتقتلت يا لجند خلاص الله يرحمهااااااا

TheLegnedkiller · 13-11-01, 01:04 PM

اقتباس:

المشاركة الأصلية كتبت بواسطة هشام سمير

الطفوله اتقتلت يا لجند خلاص الله يرحمهااااااا

فعلا والله يا عم هشام

الله يرحمها

big man · 13-11-01, 01:52 PM

على فكره انا طلعت الاتاري القدييم اوي ولعبت عليه النهارده استرجاعا للزكريات وقعدت اصطاد بط لما شبعت والزناد باظ هههه

هشام سمير · 13-11-02, 12:14 AM

اقتباس:

المشاركة الأصلية كتبت بواسطة big man

على فكره انا طلعت الاتاري القدييم اوي ولعبت عليه النهارده استرجاعا للزكريات وقعدت اصطاد بط لما شبعت والزناد باظ هههه

هههههههههههههههههههههههههههههههههه
جدع والله بوظته يا فقر
الكلب ضحك عليك كام مره بصراحه

big man · 14-02-13, 01:28 AM

اقتباس:

المشاركة الأصلية كتبت بواسطة هشام سمير

هههههههههههههههههههههههههههههههههه
جدع والله بوظته يا فقر
الكلب ضحك عليك كام مره بصراحه

متحرجناش بقا يا اتش

فكرى الفساخ · 14-02-15, 06:03 PM

يا بختكم . انتم بالنسبة لجيلنا اثرياء . نحن كنا نشترى الحذاء ب99 قرش ومع ذلك كنا نركب له نصف نعل كاوتش لما يتخرم.
وكانت عائلة تسكن فى حجرة واحدة . ويدوب كان الراديو الكهرباء ابو لمبات . ونادر وجوده عند الناس . وطلع التلفزيون اسود وابيض
وكان عبد الناصر رحمه الله يضعه فى الميادين ليشاهده الغلابة امثالنا . تقبلوا تحياتى .

13-10-31, 09:28 PM	#1
هشام سمير قنـــاص من الدرجه الاولى اوسمتي مجموع الاوسمة: 2 تاريخ التسجيل: Feb 2008 المدينه: البحيره- القاهره- الاسكندريه المشاركات: 6,252 معدل تقييم المستوى: 598	صدقنى مش هتندم ابدا ادخل بس فى قعده صفا كده وروقان بال بدأت فى استرجاع ذكريات كتير من ملفات الماضي اللعين ذكريات فى مجالات كتير مبيربطهاش ببعض غير انها كانت فمرحله زمنيه اتولدت فيها وانتهت بسرعه جدا ومانتقلتش للاجيال المعاصره حاليا .. وبما ان الموضوع متشعب لمجالات كتير جدا فهناخدهم واحده واحده كده ونفتكر سوا فاكر اول عجله جبتها كانت بضهر وسنادات والكاوتشات بتاعتها بلاستيك وصغيره جدا .. كان ابويا جابهالى معاه من السعوديه فاكر لما عيل حاول ياخدها مني فى الشارع واديته عضه قعد يعيط نص ساعه لما الناس انقذته من فكي المفترس ! طلعت موضه بعدها الجرس بتاع العجل وبعديه السرينه والفانوس اللى بينور بمولد فى الكاوتش .. وطبعا كان كل العجل بسبت قدام وسناده فى الجنب وشبكه ورا لو حد حب ياخد توصيله وبعدين نزل العجل ابو زمزميه السرعات .. ده كان اختراع من اختراعات الزمن طلع بعديه الاسكوتر .. وده كان بينزل هديه على الايس كريم تقريبا .. ندخل بقى على الفن والغنا .. من اول الراديو واذاعة الاغاني والبرنامج الموسيقي وياه بقى لو صوت الراديو ضعيف ونقعد نربط السلوك فى الايريال بتاع الراديو حد فك الراديو ولعب فى الفتله بتاعه الموجه اللى بتلف دي ؟ فين ايام راديو سوا .. قبل اختراع نجوم اف ام .. ولما كنا بنستنى حفلة ثومه كل اسبوع والحجاره العريضه بتاعه الراديو القديم !! وايام الكاسيت اللعينه … حد فاكر اختراع الكاسيت ابو بابين كام واحد كان بيسجل من الراديو على الشرايط فاكرين لما البلاستيكايه اللى بتبقى تحت الشريط بتتكسر والكاسيت مكانش بيرضى يسجل على الشريط لو مكانتش موجوده كام واحد حط ورقه فى المنطقه الحساسه دي من الشريط كام واحد داس بالغلط على الزرار الاحمر اللى جوه زرار البلاي ومسح كام ثانيه من شريط سالفه من واحد صاحبه ودعى ربنا انه ميكتشفش الجريمه دي ! حد فاكر الكاسيت ابو بابين اللى كان بيسجل من شريط لشريط ! ولا الكاسيت اللى كان بيقلب الوش لوحده من غير ما نفتح الباب اللى كان بيشلنا علشان يطلع الشريط اصلاً !! كام واحد كان بيشتري شرايط مضروبه من ام تلاته جنيه .. انا كان عندي درج فيه كميه شرايط .. مين فاكر البوم اليسا بدي ادوب ولا وائل كفوري انا رايح عالجيش !!!! مين بقى خد باباه وقعد يزن على دماغه علشان يشتريله ووكمان .. وقال ايه علشان يسجل بيه المحاضرات فى الجامعه !!! انا لما دخلت الجامعه كان الووكمان انقرض اساسا .. انا فاكر اني خليت والدي يشتريلي ووكمان سوني بحوالى 400 جنيه مصري وكان قمة الانحراف ان الواحد يحط شريط ويسمع فى السماعات الصغيره .. وياه بقى لو الووكمان فيه راديو !! كام واحد كان جايب حجاره من اللى بتتشحن بمبلغ وقدره وجايب شاحن بطاريات قد كده بيشحن خمسين نوع ومقاس من بطاريات النيكل المأسوف على امرها ! فاكر كمان اول كمبيوتر والدي جابه كان ويندوز 3.11 كان بيفتح شاشه دوس اكتب فيها win علشان الويندوز يشتغل اللى كان عباره عن ماوس وايقونتين ! ومكانش عليه غير لعبه علاء الدين … فاكرين بقى الماوسات اللى فيها بليه من تحت اللى مكانتش بتشتغل الا بالباده .. اوف انا فاكر ان السكرول وزرارين الباك والفورارد دول كانو اختراع عظيم حد فاكر الاسطوانات اللى كانت بتتوزع مع مجله عالم الكمبيوتر انا فاكر اني مره انا وصحابي قلبنا فلوس الدرس علشان نشتريها علشان كان معاها فيلم الساحر بتاع منه شلبي والنت الدايل اب ورقم 07770777 وقبليه كروت الاشتراك وكارت الفاكس وتعريفاته ودفع فاتوره انترنت بنت كلب وابوه قفله الخدمه من السنترال !! كام واحد هنا استخدم الفلوبي ديسك اللى كان 1.4 ميجا بايت !!!!!! يدوب يشيل صورتين ولا الفلوبي اللى كان 4 ميجا باين .. كان موجود فاجهزه المدرسه اللى مكانتش بتشتغل اساسا كام واحد شاف الطابعه اللى بتطبع نقط فى المدرسه ؟ ولا الاسكانر اللى كان بيبقى معجزه القرن ويقعد نص ساعه يسحب فى الصوره ووزنه كان حوالى 4 كيلو !! كام واحد كان حاسس ان مكنه التصوير الشارب معجزه من معجزات الزمن مع العلم بانها كانت دايما بتحشر الورق جواها !! مين بقى فاكر الكاميرات اللى بالفيلم .. وراح حمض الفيلم فى الاستوديو وطبع الصور بمبلغ وقدره وجاب البوم حط الصور ولزقت فيه وباظت !! فاكرين كمبيوتر صخر .. والاتاري “الفاميلي – العائله” اللى كان فيه خمس لعب على كل الشرايط بتاعته .. الكوره وماريو والدبابات وصياد البط والعربيات ! كام واحد فاكر المسدس بتاع البط .. اللعنه !! انا فاكر اني لما كنت بشغل الاتاري الجيران كان بيروح من عندهم القناه الاولى ويقعدو يتفرجو على ماريو طول اليوم اجباري وكان طلع جهاز اسود كده مش فاكر اسمه حالياً فاكرين البلايستيشن الكبير قوي ده اللى كان شبه الصندوق .. كام واحد هنا اشترى اسطوانات مضروبه ولما نزل البلايستيشن ون .. انا كنت بعشق نيد فور سبيد .. فاكرين الكروت بتاعه الميموري ؟؟ فاكرين التليفزيونات اللى قبل اختراع البحث الالي !! ونقعد نلف البكره لما ايدينا تورم .. سحقاً ولا الدش اللى كان بيلف الطبق بالريموت كنترول هع الدش فحد ذاته كان اختراع .. ده كان فى حرامي الدش !! فين كل ده قبل اختراع وصلات الدش .. مش دلوقتي كل واحد مركب دش فى الشباك ! جت فتره كده كان كل منطقه فيها بلياردو .. بعدين سيبرات نت .. بعدين محلات اتصالات .. سحقا لعدوى التقليد اللى فدم المجتمع ده ! مين فاكر “البخت” اللى كان عند البقالين اللى هوه عباره عن ورقه ملزوق فيها بدبابيس لبان وفلوس وارقام بتبقى هدايا فجدول مستقل فاكرين الطيارات البلاستيك اللى كانت بتتباع عند البقال والبمب اللى كان بنجيبه فى العيد .. كام واحد عمل قنبله من البمب ورماها فبير السلم وخد علقه موت علشان يكنس المدخل من الظلط الصغير كام واحد فاكر ريحة الكبريت اللى بيبقى جوه البمب ؟ فاكرين النحل الخشب .. بكافه انواعه واحجامه .. والكُتّم ولا البلي بكل الوانه .. والبلي القزاز الصافي .. والبليه الكبيره ياما قعدنا بالساعات نلعب فى الشارع وانضربنا بما فيه الكفايه ! ولا سلك المواعين لما كنا بنولع فيه ويخرم الهدوم وناخد علقه للصبح كام واحد اتشعلق على العربيات النص نقل بعد المدرسه وكان بينزل عند المطب وياويله لو السواق خد المطب بسرعه .. احييييييييييييييه ! مره وقعت وكنت لابس اكتر من بنطلون فوق بعض علشان كنا فى الشتا والبناطيل كلها اتفرتكت من عند الركبه .. ستي خدتني حته دين علقه ! انا فاكر اني خبيت البناطيل .. ومعرفش جابتهم منين !!! كام واحد حط شريط فى سلوك العجله .. وحط علبه ميه معدنيه فاضيه وعمل ازعاج للمنطقه كلها انا كنت عيل سيس فاكرين القطر اللى كان بيمشي على قضبان بلاستيك والعربيات اللى بالريموت اللى كانت بسلك .. بتتحرك قدام وورا بس اللعنه كنا بنضطر نجري وراها فشخ ! كنت كييف اخبطها فى الحيطه .. مين فاكر السمك اللى بيقعد يلف ونصطاده بالسناره المغناطيس كام واحد جاب براده حديد وحركها بالمغناطيس من تحت الورقه وحط معدن فعلبه الكبريت وحركه من تحت الطرابيزه حط فاكر الطين الصلصاال .. اللى كان بيشلني واعرف لونه بيتغير ليه !! كام واحد فك ماتور العربيه اللعبه وشغله على الحجاره وركبله مروحه وحاول يطيره انا فاكر اني وصلته على بطاريه العربيه الـ 12 فولت وحرقلي ايدي فاكرين الطاقيه اللى كان فيها مروحه ؟؟؟ والنضاره اللى باربع عدسات بتتفتح لفوق ! وكوتشي اميجو اللى بالبوصله واللى بينور فى الضلمه مين فاكر التليفونات اللعبه اللى كانت بتقول الو مرحبا انا فاكر ايام ما كان التليفون لونه رصاصي كده وفيه بكره للارقام افتكر وقتها اننا جبنا تليفون من السعوديه كان بيسجل ارقام وكان فيه زراير كتير فوق والواد ابن عمي حطه في فيشه الكهربا وفرقع ولا التليفون الباناسوينك اللى كان لاسلكي بانتنه كبيره كده وفيه اربع قنوات ياما قعدت اسمع مكالمات عليه لناس معرفهمش وحب بقى وحكاوي طول الليل ده قبل اجهزه السيناو اللى بيبقى ليه ايريال كبير كده بيتحط عالسطح .. كل الاختراعات دي قبل الموبايل .. مين عاصر عده الموبايل اللى مبتقراش رسايل عربي والموبايل النوكيا 3300 الاكثر شهره ولعبه التعبان ! فاكرين اول ما الكانز نزل مصر .. انا فاكر ان البقال كان بيحط اربع علب منظر كده عالرف ! وكان بيبقى متعبي فى السعوديه .. كانز مستورد … كام واحد لسع اصحابه بالعدسه تحت نور الشمس ؟ كام واحد كهرب اصحابه بالسلك بتاع الولاعات الفاضيه .. فاكرين الولاعه اللى كانت بتولع بدايره كده بتعمل شراره ؟ ومجله ماجد.. كام واحد طلع عينه وهوه بيبحث عن فضولي ورجل المستحيل “ادهم صبري” كفايه كده .. ياريت اي حد عنده ذكريات من المرحله العمريه دي .. خصوصا مواليد التمانينات يكتبها .. بجد الحاجات دي مش سهل ان الواحد يفتكرها فوسط الزخم والتطور اللى احنا فيه اليومين دول !!! هنييجي هنا بعد عشر سنين نقرا الكلام ده .. ونكتب عن الايبود الـ 160 جيجا على انه كائن منقرض __________________

13-10-31, 09:40 PM	#2
ابن الوطن صياد متفاعل تاريخ التسجيل: Jul 2013 المشاركات: 175 معدل تقييم المستوى: 9	رد: صدقنى مش هتندم ابدا ادخل بس انا فية موسيقى كانت بتيجى تتر برنامج كان بيجى فى التمانييات اسمة خمسة لصحتك الموسيقى دية جامدة جدا ولو تعرف اسمها اية يا هشام تبقى خدمتنى جدا عشان انا القبت عليها النت كلة وملقتهاش خالص ولو عايز تسمع حتة منها هى فية حلقة للبرنامج على اليوتيوب وللاسف الموسيقى مش كاملة اكتب فى خانة البحث على اليوتيوب برنامج خمسة لصحتك وللعلم اللى عمل الموسيقى دية الموسيقار جان ميشيل جارا

13-10-31, 10:24 PM	#3
big man صياد قديم تاريخ التسجيل: Nov 2011 المدينه: تحت الارض المشاركات: 1,854 معدل تقييم المستوى: 64	رد: صدقنى مش هتندم ابدا ادخل بس على فكره انا عملت نص الحجات دي :] __________________ القوة الحقيقية في العقل وليس في العضلات

13-11-01, 12:43 PM	#4
القبطان المصرى 77 صيــــــــاد محتـــــــــرف اوسمتي مجموع الاوسمة: 3 تاريخ التسجيل: Feb 2012 المدينه: الاسكندريه المشاركات: 2,659 معدل تقييم المستوى: 141	رد: صدقنى مش هتندم ابدا ادخل بس هههههههههههههههههههههههههههههههههه ياااااااااااااااااااااااااااه ده انت رجعتنا يجى 20 سنه لورا ياريس وقصص العجل والنحله والبلايستيشن والكمبيوتر والاتارى وحجات كتيييييييييييييييير اوى من اللى انت حكيتها ليها ذكريات معايا وعلى فكره الماوس ابو بليه ده لسه عندى منو واحد لغاية دلوقت شايلو للذكرى عشان انقرض خلاص هههههههههههههههههههههههه بس تسلم ايدك والله يابرنس __________________ لـيس كـل مـن حــمـل السلاح كـان صيـادا ولكن كل من كان صياداً كان للأخلاق عنوانا

13-11-01, 12:47 PM	#5
TheLegnedkiller مشرف الاقسام العامه&القسم الاسلامى اوسمتي مجموع الاوسمة: 2 تاريخ التسجيل: Apr 2012 المدينه: ارض الله الواسعه المشاركات: 3,918 معدل تقييم المستوى: 86	رد: صدقنى مش هتندم ابدا ادخل بس والله يا عم هشام رجعتنا للايام الجميله ايام الطفوله والبرائه الي احنا كنا فيها بس المشكله دلوقتي الاطفال مبقاش فيها برائه خالص دلوقتي عيل صغير يشتم ويسب ويلعن وكلام تاني قول للزمان ارجع يا زمااااااااااااااااان اجمل تقييم للموضوع تسلم يا ريس __________________

13-11-01, 01:52 PM	#11
big man صياد قديم تاريخ التسجيل: Nov 2011 المدينه: تحت الارض المشاركات: 1,854 معدل تقييم المستوى: 64	رد: صدقنى مش هتندم ابدا ادخل بس على فكره انا طلعت الاتاري القدييم اوي ولعبت عليه النهارده استرجاعا للزكريات وقعدت اصطاد بط لما شبعت والزناد باظ هههه __________________ القوة الحقيقية في العقل وليس في العضلات

14-02-15, 06:03 PM	#14
فكرى الفساخ صياد متقدم تاريخ التسجيل: Oct 2013 المدينه: القاهرة - الاميرية المشاركات: 722 معدل تقييم المستوى: 9	رد: صدقنى مش هتندم ابدا ادخل بس يا بختكم . انتم بالنسبة لجيلنا اثرياء . نحن كنا نشترى الحذاء ب99 قرش ومع ذلك كنا نركب له نصف نعل كاوتش لما يتخرم. وكانت عائلة تسكن فى حجرة واحدة . ويدوب كان الراديو الكهرباء ابو لمبات . ونادر وجوده عند الناس . وطلع التلفزيون اسود وابيض وكان عبد الناصر رحمه الله يضعه فى الميادين ليشاهده الغلابة امثالنا . تقبلوا تحياتى .