محتاج المشورة من أهل الخبرة

[abomalk link]

السلام عليكم ورحمة الله وبركاته
انا عضو جديد بالمنتدى مع اني متابع ليه من زمان كنت عايز اسأل الأعضاء المحترمين الطرائد عندنا كبيرة بتبدأ من يمام لحد البط والبجع والمسافة اللي هصطاد منها من 15 الى 50 متر وطبعا أنا معايا بندقية معادي أي كلامي يدوب تجيب ديوك بردي ومن مسافة قريبة كمان فكنت عايز اعرف هل البندقية السلافيا 631 تنفع هي أو التل مجري ولو تنفع تعمل كام لو مستعملة وحالتها كويسة مع العلم إن اننا عارف ان السلافيا رقم 1 بس وأنا بفضل التل المجري لعراقتها فياريت تفيدوني الله يبارك فيكم

[ابو مروان]

اولا ...اهلا بيك بين اصدقاءك واخواتك من محبى الصيد......ثانيا احب اقول لحضرتك ان التل والسلافيا من البنادق متوسطة وفوق متوسطة القوة يعنى لو المعادى حالتها كويسة وسوستتها وجلبتها سليمة يبقى موش هاتحس بفرق كبير لو استعملت التل والسلافيا......الطيور الكبيرة محتاجة هاى باور يعنى ممكن لو حضرتك متيسر ...يبقى الديانا .....والاقل منها شوية البام الصينى...وممكن اللى تبقى مناسبة لحضرتك جدا ...النوريكا الجيت نمرة 2 وانا بارشحها لحضرتك لغاية البط والعنز والبجع ممكن تصتاد بيها

[ابومسلم2005]

بص يا باشا اولا اهلا بك ومنور المنتدي واليوم الصيادين المحترمين زادوا واحد ثانيا انت منين عشان الطرائد الكبيرة دي مينفعش حد يصطادها لوحده انت عارف اللي ياكل لوحده ايييييييييه ثالثا كله حسب امكانيات حضرتكفي السيولة انت ناوي علي كام عشان الصراحة البنادق اللي انت قلت عليها دي لا تصلح لمثل هذه الطرائد-

[abomalk link]

أولا شكرا لمشرفنا الغالي أبو مروان
ثانيا أخي (( أبو مسلم 2005 )) أنا في الشرقية مركز الحسينية الطرائد دي احيانا بتنزل في المزرعة بتاعتنا ( سمكية على مساحة 10 فدان ) والمزارع اللي جنبها وأنت تنورني أنت أو أي عضو من المنتدى
وبالنسبة لمشرفنا كنت عايز أسأله أنا عايز أعمل تعديل على الرمسيس 1 بتبديل السوستة بوحدة جاز رام قوية ( مساعدين الشنطة لعربية هاتش باك ) وعمل تزويد للماسورة من تحت بقطعة حديد صلب حتى لا تنثني الماسورة من شدة الضغط أثناء التعمير وأيضا عمل قاعدة للتلسكوب
طبعا ده اللي في دماغي أنا عملت اعلان علشان أحصل على رمسيس تصلح لهذا اﻷمر ووجدت واحدة لكن إلى اﻵن لم يتم عرض الصور ولا أعرف أين هو المكان فلو فيه حد عنده رمسيس هلكانة تصلح لهذا اﻷمر ياريت يقولي عليها وأيضا يكون السعر حنين ويا ريت تكون في الشرقية ﻷن أنا ملتحي وطبعا اليومين دول أي كمين هيخلي الرمسيس تبقى ار بي حى

[abomalk link]

وبالمناسبة أنا كان فيه عند واحد صاحبي رمسيس محترمة كنت بجيب بيها الطرائد دي بس طبعا من مسافة قريبة كنت بعمل خص ( عشة صغيرة ) واختبئ فيها لحد ما الطير يقرب وبعدين يخدها بعد كدة هد شوت لكن المعادي اللي معايا أنا مبحبهاش ولا بحب عيار نمرة 2 أصلا كمان مش بتاعتي بتاعت جوز اختي وأنا مستخسر أصرف عليها فلوس

أما بالنسبة للمبلغ فمحدش يكلمني في فلوس أنا لسه طالع من جواز وربنا أعلم بيا

[ابومسلم2005]

ربنا يوفقك
وابقى اشرحلنا انت عملت ايه عشان الكل يستفاد وعلى فكرة انا برضو زيك وعندى نفس المشكلة ملتحى وكنت ناوى اجيب ديانا 56 بس اجلت الشراء شوية لانه صادف فض رابعة وكمان زيك متزوج جديد من شهرين والميزانية مريحة وبرضو اصلى من الشرقية من منيا القمح جدودى واخوالى

[abomalk link]

الله يبارك فيك
بس الاقي الرمسيس اﻷول علشان أجرب عليها وإن شاء الله هصور كل حاجة صور وفيديو بس اتلايم على الجثة