موضوع للنقاش مهم جدا

[ابن الوطن]

مساء الفل والورد عليكم جميعا اعضاء المنتدى حبايبنا واصحابنا

وعايز اتكلم معاكم فى موضوع وياريت كل حد يقول راية

وهو ان انا ملاحظ ان الشعب المصرى قام بثورتين علشان يتحققلة مكاسب ومنافع على ارض الواقع بما يعود علية بالنفع هل انتوا كشباب مصرى شايفين ان فية حاجة اتحققت ولا اى حاجة خالص ومش هيتحقق حاجة نهائيا لان اساسا واللى لازم نعرفة ونتاكد منة ان المنفعة كلها بتعود على رجال الاعمال والسياسين والكبار فى البلد والتجار وفقط يعنى مثلا هل الاسعار بقت كويسية ابدا دة حتى كيلو الليمون ب10 جنية والبامية 25 جنية يعنى انا بضرب مثل ومش عارف لية حاسس ان المواطن البسيط هو اللى بياخد على قفاة كل لما ينزل ويشارك بثورة
واللى مضايقانى اوى ان كل السياسين ورجال الاعمال بيضحكوا على الشعب ويقعدوا يسخنوة وانة لازم يشارك ويتفاعل طب وبعد كدة اية النتيجة ولا حاجة المنفعة كلها بتعود ليهم هما وفقط وانا بتكلم كدة لانى كنت مشارك فى ثورة 30 يونية وسمعت واقتنعت بكلام محمد ابو الغار وكلام توفيق عكاشة ودلوقتى هل فية منفعة عادت علينا ولا اى حاجة
يعنى مثلا لية ميتمش تعيين الشباب كلهم لغايت سن 40 سنة سواء اللى معاة موهل عالى او متوسط فى المصالح الحكومية فى الدولة
لية ميتعملش شوادر لبيع السلع الغذائية باسعار مخفضة
طب انا عايز اى حد منكم كدة يطالب بواحد من الشخصيات العامة اللى بيظهروا على التليفزيون وقالبين دماغنا امثال توفيق عكاشة بتاع مصلحتة او ابو الغار او وحيد عبد المجيد او مصطفى بكرى ولا هيتكلموا لانهم ميهموش الا مصلحتهم وفقط

[abo amar]

باشا معلش سيتم غلق الموضوع ده علشان هيفتح لغط ملهوش لزمه دلوقتي