يمام حلال حمام حرام

[عاطف الشاذلى]

السلام عليكم ورحمة الله اليوم صباحا خرجت واثنين من اصدقائى للصيد بالغيطان وﻻحظت ان واحد منهم وقع 2 (حمامة ) فاتكلمت معاه ان ده حرام وﻻ يجوز ﻻن الحمام ده مملوك ﻻشخاص والمفروض انك تركز على اليمام او حتى العصافير يأخى ههههه ﻻن الصيد ده انت هتأكله وما ينفعش تاكل حرام والحمد لله اقتنع وعزم انه ما ينشنش على حمام تانى وقلت اكتب الموضوع ده ﻻن اكيد فيه كتير من اﻻخوة الصيادين ما بتفرقش معاهم يمام او حمام فكان لزاما علينا ان نتقدم بالنصيحة المتواضعة للاخوة اﻻفاضل لتعم الفائدة ،،،، اسأل الله ان يطعمنا واياكم حلالا""""""

[ابو مروان]

اصعب شىء يا غالى انك تقول حرام فى المطلق....الحمام البرى حلال صيدة حتى ولو كان عايش فى ابراج وياريت تقرا في الصيد المباح وفق الشريعة لان الحمام البرى فى الاساس هو حمام غير مستانس ومجرد وجودة فى البرج لا يعنى ملكية صاحب البرج لية ...وان اراد ان يمتلكة فعلية الا يجعلة يطير خارج البرج وبالتالى فان اخذة او صيدة من داخل البرج يعتبر سرقة...التفريق بين البرى والبلدى يحتاج خبرة ........واستفتى قلبك ولو انت شاكك يبقى الاولى عدم صيدة ...والله اعلم

[عاطف الشاذلى]

اهلا بيك حبيبنا ابو مروان اولا جزيل الشكر ليك على هذه الملاحظة الخاصة بالحمام البرى هى فعلا فاتتنى لكن انت تداركت ده بس اللى اقصده الحمام المستأنس المملوك للناس ونظرا لما اشرت حضرتك اليه من صعوبة التفرقة بين البلدى والبرى فانا رايى المتواضع الامتناع عن ضرب الحمام عموما الا بالنسبة للصيادين اللى يقدروا يفرقوا بين ده وده ، ويا رب دايما نستفيد من تعليقاتكم القيمة

[ابو مروان]

عاطف الشاذلى....منور المنتدى واحنا هنا عشان نستفاد من بعض

[عاطف الشاذلى]

يا باشا المنتدى منور برجالته وربنا يخليكو لينا ونتعلم منكم دايما ويجزيكم كل الخير انشاء الله """"" تحياتى

[هشام سمير]

مؤيد تماما لكلام اخونا ايو مروان
واهلاً بحضرتك استاذ عاطف الشاذلى

[عاطف الشاذلى]

هشام باشا بنفسه !!!!!! نورت الموضوع والله واهلا بحضرتك """

[ابو مروان]

منور يا اتش

[Mohamed sh]

والله إن كنت تملك الخبرة الكافية لمعرفة الحمام البرى من المستأنس فأفعل وإن لم تملك هذه القدرة فلا تفعل لأن القاعدة الشرعية تقول « درء المفاسد مقدم على جلب المصالح » وكل إنسان سوف يحاسب على كل شئ يفعله فأتقوا النار والله سوف يبارك فى الرزق ولو كان قليل