قرار منع الأستيراد

[umarex]

السلام عليكم
اخوتى كيف الحال
سمعت كتير اوى جملة (قرار منع الأستيراد) مع الاسف الشديد هذه ليس لها اصل من الصحه
هم التجار عملين كده لعدة اسباب
1-صعوبه الاجرائات
2-اخذ الموافقات من جهات عده مثال وزارة الدخليه وامن الدوله العليا وموافقه وزارة الدفاع + كمان لما البضاعة لما بتيجى من الخارج بيسيبوها فى الباضايع فتره طويله جدا علشان بيتضاعف ارضيه الايجار فى الباضايع بيقف عليهم اليوم فى حدود 100$ واخذ عينه من البنادق للفحص وهل هى مطابقه للمواصفات او لاء يعنى فى حدود المسموح بيهم
علشان كده التجار بيعلو السعر جدا وبيدعو ان فى قرار منع الأستيراد حسبى الله ونعم الوكيل فى الطمع . :mad:
السؤال
من اين عرفت هذه المعلومات
الاجابه
من صديق ظابط فى جهاز ما وتاجر سلاح بعد فتره طويله


ولكم منى كل الاحترام والتقدير

[salahfareed]

عجيبه جدااااا الحكايه دى بس انا كان عندى معلومه انهم اوقفوا استيراد الديانا بدء من موديل 54 و56 بسبب قوتها المفرطه وان الصيد بها فى نفس اماكن صيد بنادق الرش العاديه يشكل خطورة كبيرة لان مداها اكبر من المسموح به
وهذة مجرد معلومه غير متاكد من صحتها

[طلعت بخيت بسكالس]

أرجو من السيد الأستاذ محمد أنور أن يتحفنا بموضوعه الرائع عن الفيرجن f لكي تنجلي الصورة الخاصة بقوة بنادق ضغط الهواء وله جزيل الشكر مقدما

[umarex]

طلعت باشا انت ديما منور وعليك صور سلاح عشرة على عشرة

[walther]

بسم الله الرحمن الرحيم
انا اصدق ان التجار مالفين موضوع منع الاستيراد ده بس همه عندهم حق لان الاجراءات فعلا صعبه والتهريب اصعب هههههههه
اما موضوع القوه والفيرجن f ده صحيح ان مصر بدءت تتاثر بيه لاني سمعت الكلام ده في بعص محلات السلاح

[shind]

انا بعت لشركه ديانا لسببين اولا لانهم غيروا في السرعات يعني مثلا الديانا 54 نمره اتنين اتغيرت من 890 الي 850 وسالتهم ازاي بعد السنين دي مش عارفين يكتبوا السرعات مظبوط اما السبب التاني فهو في حكايه التصدير وكان الرد من مس لورنز علي السبب الاول انهم في احتفاليه مرور 120 سنه اعادوا التقدير مره اخري ليكون التقدير الحقيقي وارسلت لي السرعات الجديده المثبته في الموقع اما الاستفسار الثاني بشان التصدير لمصر فرد مستر فيركوف واقر بانه لا يوجد تصدير لان الحكومه المصريه ترفض هذا البيزنس تماما بل واقر ان التصدير للسوق العربي بصفه عامه صعب لان هناك دولا تنتهج نهج مصر وعن الديلر في مصر فتح الله وميشيل عازر قال ان الشركه بعد اخر مؤتمر ارسلت لهم الاثنين لتستفسر عن حاله الاستيراد في مصر ولم يرد للان كلا الدليرز فتح الله وعازر والي عاوز يتاكد من كلامي يدخل علي موقع الشركه ويدخل علي الكونتاكت فورم ويرسل اي استفسار وهم منظمين جدا ويردوا خلال يومين علي الاكثر

[احمد عزيز]

طيب ما 350 ماجنوم اقوى من الديانا 54 و56 ممنعوش استيرادهم ليه؟