|
| الإعلانات |
|
|||||||
| الورشة صيانه البنادق واصلاح مشاكلها الفنيه. |
 |
| أدوات الموضوع | إبحث في الموضوع | انواع عرض الموضوع |
11-04-11, 01:27 AM
|
#1 |
|
صياد متفاعل
تاريخ التسجيل: Mar 2011
المشاركات: 71
معدل تقييم المستوى: 6  |
فكيت الكرال التركى لكن فيه مشكلة
السلام عليكم ورحمة الله وبركاته
انهردة عملت مغامرة والحمد لله جت سليمة فكيت الكرال التركى كانت المشكلة بدأت لما لقيت البندقية تقيلة اوى وانا بعمرها وحاجات بتحك جوة جامد اووووووى وصوت السوستة عالى اوى فى التعمير وجت كمان من يومين لما اجى اعمر البندقية واشد الماسورة الاقيها وقفت فى نص المسافة ومش راضية تكمل تعميرة اكن فيه حاجة حايشة من جوة فقولت مبدهاش دخلت على اليوتيوب وقعدت بتاع 5 ساعات اتفرج على فيديوهات مختلفة لفك البنادق وتجميعها لغاية ما عرفت الفكرة العامة شكلها ايه وتوكلت على الله المهم فكيتها وكل ما افك مسمار او اى قطعة اكتب فى ورقة فكتها ازاى وحركبها ازاى المهم فكيت الدبشك وهو خشب على فكرة وبعد كدة فكيت دراع التعمير والماسورة بس واجهتنى مشكلة مش عارف افك مجموعة الزناد يعنى فيها مسمار من ورا كبير فكيته بمفك فرنساوى صغير عندى لانو زى الصامولة كدة وبعد كدة المجموعة مش راضية تتحرك من مكانها وكمان معرفتش اطلع السوستة باى طريقة المهم لقيت فتحة بالطول فى جسم البندقية الحديد والسوستة باينة منو قمت عامل حاجة مش عارف صح ولا غلط قمت حطيت فى الفتحة دى حتت شحم على السوستة وكمان زيت موتور عربيات موبيل وحطيت زيت كمان على المفصلات بتاعة دراع التعمير المهم فى الاخر جمعتها وقولت اجربها اخدت البندقية فوق السطوح علشان لو حصلت كارثة ولا حاجة محدش يتصاب ههههههههههههههههههههههههههههههههه المهم كسرت البندقية وقولت احط زيت برضة جوة الماسورة بس اخدت بالى علشان متجيش على الجلدة الى من ورا يعنى حطيت زيت من الناحية الى بتتحط منها الرشة وبعدها حطيت الرشة وقفلتها البندقية فى الفتح والقفل بقت مهلبية خفيفة اوى وناعمة اوووووووووووووى ومفيش صوت التكسير الى كان عمال يحصل جوة والى كان مشككنى ان السوستة اتقطمت المهم عندى فوق السطوح مولة سرير بضرب عليها هههههههههههههههههههه كنت بضرب من على بعد 10 متر والرشة كانت بتدخل جوة المولة الاول بعمق اد الرشة مرتين بس بعد التزييت والتشحيم قولت اضرب واشوف وذهلت لما لقيت الرشة اخترقت المولة وكمان علمت فى الخشبة الى كانت مسنودة عليها بجد البندقية بقت مدفع ورهيييييييبة بس صوتها بقى عالى فى الضرب يعنى بقى فيه فرقعة زى صوت مسدسات الصوت بس على خفيف بس الصوت واضح اوى يا ريت بقى اعرف هل الشحم وزيت الموتور الى حطيته من الفتحة الى مبينة السوستة ده غلط وكان لازم افكها واشحم او ازيت السوستة لوحدها؟ تانى حاجة يا ريت اى خبير يقولى مجموعة الزناد بتتفك ازاى فى الكرال ماجنوم تالت حاجة انا بصراحة قلقان من الصوت العالى ده لانى خايف تكون حاجة بتخبط جوة جامد اوى مع الضرب بسبب الزيت والشحم وممكن من كتر القوة الحاجة دى تتكسر واسف على الاطالة بس قولت اشارككو المغامرة بتاعتى وشكرا |
|
|
|
11-04-11, 05:56 AM
|
#2 |
|
صياد متفاعل
تاريخ التسجيل: Oct 2010
المشاركات: 72
معدل تقييم المستوى: 6 |
رد: فكيت الكرال التركى لكن فيه مشكلة
لا متقلقش هيا كده بقت تمام و زى الفل و الفرقعه دى هيا الصوت الصح بتاع البندقيه دى و ده نتيجه سهوله حركه السوسته جوا بسبب الزيت و الشحم بس هتحتاج تعمل الموضوع ده كل ما تحس انها تقلت و ربنا يباركلك فيها
|
|
|
|
|
11-04-11, 05:21 PM
|
#3 |
|
صياد متفاعل
تاريخ التسجيل: Mar 2011
المشاركات: 71
معدل تقييم المستوى: 6 |
رد: فكيت الكرال التركى لكن فيه مشكلة
حضرتك كدة طمنتنى بس دلوقتى برضو عاوز اعرف ازاى افك السوستة ومجموعة الزناد لانى خايف افكها من غير ما اعرف فأبوظ حاجة فيها يا ريت حد يعرفنى
|
|
|
|
|
11-04-11, 06:31 PM
|
#4 |
|
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: فكيت الكرال التركى لكن فيه مشكلة
على فكره صوت الفرقعه ده بسبب ضغط و احتراق الزيت و اسمه "dieseling" و ده بيرفع سرعه الرشه كتير بس على ماعتقد انه كترته بيضر..و ياريت لو لقيت طريقه تفك بيها السوسته من غير منجله تقولنا...و على فكره الموضوع ده اكيد هيساعدك كتير ياريت تشوفو http://www.egypthunt.net/showthread.php?t=5535
تحياتى |
|
|
|
|
11-04-11, 10:05 PM
|
#5 |
|
صياد متفاعل
تاريخ التسجيل: Mar 2011
المشاركات: 71
معدل تقييم المستوى: 6 |
رد: فكيت الكرال التركى لكن فيه مشكلة
ازيك يا استاذ باسم يا ريت حضرتك توضحلى ايه الضرر بالظبط علشان اقدر اخد احتياطاتى وشكرا على الفيديو اكيد استفدت منو كتير
|
|
|
|
|
11-04-15, 12:15 AM
|
#6 |
|
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: فكيت الكرال التركى لكن فيه مشكلة
بص ياسيدى الفاضل ...بعد الصيانه العاديه بتاعتك بيبقى فيه صوت الفرقعه ده بيفضل لحد 3 او 4 رشات و ده عادى يعنى انا اول مأشتريت بندقيتى حصل كده و معظم البنادق الجديده بتعمل كده لو فيها بواقى زيت المصنع و بعد الصيانه برده و الافضل ان ميحصلش كتير عشان ممكن يكسر السوسته و يضر البندقيه بشكل عام لأنها غير مصممه للشغل فى الظروف دى ...بس احب اؤكد ان ده عادى انه يحصل بعد الصيانه و التزييت و حضرتك عارف ان الصيانه الكامله بتبقى بعد كل فتره ليست بقليله و كمان فيه زيت البنادق بيبقى مصنع عشان ميحصلهوش احتراق بيقولو عليه "Silicone Based Oil او Organic Oil"....لكن اللى يضر بقى ان كل شويه تحط زيت عشان يسرع الرشه و يعمل الصوت ده يعنى مثلا بص الفيديو ده
وده كده اكيد هيضر البندقيه واعتقد ان اللينكين دول هايساعدوك و هما بيقولو نفس الكلام اللى بقوله و زياده شويه http://www.air-rifle.net/cleaning/cleaning.html وده من بيراميد اير http://www.pyramydair.com/blog/2007/...an-part-2.html تحياتى |
|
|
|
|
11-04-15, 02:05 PM
|
#7 |
|
صياد متفاعل
تاريخ التسجيل: Mar 2011
المشاركات: 71
معدل تقييم المستوى: 6 |
رد: فكيت الكرال التركى لكن فيه مشكلة
شكرا يا استاذ باسم على الاهتمام
وشكرا على العلومات المهمة والفيديوهات الى حضرتك حطيتها انا استفدت من مشاركتك كتير |
|
|
|
|
11-04-15, 03:10 PM
|
#8 |
|
صياد متفاعل
تاريخ التسجيل: Nov 2009
المدينه: الاسكندرية
المشاركات: 219
معدل تقييم المستوى: 7 |
رد: فكيت الكرال التركى لكن فيه مشكلة
العفو يا أخى و انا سعيد جدا انى قدرت افيدك بمعلوماتى المتواضعه...
|
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كل ما تريد معرفته عن الكرال التركى | adel152 | بنادق ضغط الهواء ومتعلقاتها | 225 | 17-11-05 09:36 AM |
| البندقيه الكرال التركي | adel_7768 | البنادق الهوائيه | 27 | 16-02-16 09:58 PM |
| أسئلة عن الكرال التركي .. | braveheart | الصيد العام | 16 | 11-03-31 11:01 AM |
| بخصوص الكرال التركي | BASiC | بنادق ضغط الهواء ومتعلقاتها | 1 | 11-03-19 10:52 PM |
| سؤال عن الكرال التركي | amer ibrahim | بنادق ضغط الهواء ومتعلقاتها | 26 | 11-03-08 07:10 AM |
العرض العادي
