شراء سلاح من الخارج

[magellan2012]

السلام عليكم,
الحمد لله أنا خلصت في إجراءات الترخيص و بأفكر أشتري السلاح من برة مصر, هل ده ممكن, و إيه هي التفاصيل لعمل الموضوع ده.
يعني هل ممكن أخلي حد يشتريه ليا من برة" أمريكا مثلا", و يتشحن قانوني لمصر, وإيه الرسوم اللي بتدفع و الجهات اللي بتتبلغ بالموضوع ده علشان نمشي قانوني, و نبعد عن الأسعار العجيبة اللي عندنا.

[Ahmed914]

أفضل مكان تعرف منه الإجراءات بالتفصيل هو إدارة البحث الجنائى بمديرية الأمن التابع لها , وسعره النهائى بيكون سعر الشراء المدرج فى الفاتورة الملحقة بالطرد من الخارج بالإضافة إلى نسبة حوالى 30% جمارك من قيمة الشراء لو كانت جديدة , وحوالى 15% لو كانت مستعملة , وألف مبروك على الترخيص , أدعيلى ألحقك !!!!!!

[mosho]

انت تروح تسئل احسن ....بس احب اقول لك
المفروض ان على قسيمه السلاح انت بتكتب ان طريقه الحصول على السلاح .. استيراد
و بتطلب انك تستورد سلاح
و بتقدم الطلب للقسم و منه لوزاره الدفاع و المعمل الجنائى و لحتت تانيه كتير
و بعد كدة و بيطلع ليك قسيمه استيراد
بتوريها للظباط و انت جاي من بره
و زى ما الاخ احمد قال بتدفع جمارك
بس بعد ما بتسلم السلاح للمعمل الجنائى للتاكد انه نفس العيار الى اتوافق عليه
و انه مش من الاسلحه الممنوعه و يرجعه ليك تانى
بس ايه تفاصيل الاجرائات بالظبت معرفش
و مبروك مقدما و ربنا يكفيك شر السلاح

[احمد العوضى]

راسل اى صديق لك مضمون فى الخارج يشترى لك سلاح يكون عباره عن مسدس دفاعى 9 م لايكون اوتو ماتك او سريع يعنى او يكون فيه ليذر او لا تكشفه الاجهذه الامنيه بمعنا يكون سلاح عادى وبعد يكتب الفاتوره باسمك ويشحنه هوه والفاتوره على القسم التابع له الترخيص بتاعك وبعد بيقوم القسم بالفحص والموافقه عليه وسيتك تدفع الجمارك والضريبه المفروضه عليه ويتم ترخيصه لك وده كلام متجرب قبل كده واكيد واشترينا بيرته لاكن لا اعلم قدر الجمارك والضرايب ولاكن فى كل الاحوال مش هيوصل الى نص تمنه فى مصر تقبل مرورى

[magellan2012]

شكرا علي الإفادة , و جاري السؤال عند الجهات المختصة و ربنا يسهل , و لو جبت معلومة أكيد هاعرفكوا