أرجو مساعدتى بعلومات أكثر

[alqasas80]

سألت وقولت أحتاج مساعدتكم
أنا عايز أجيب بندقية فى حدود 4000 جنية ومحتار
1-جامو
2-نوركيا
3- باس ( ياترى دى صناعتها إية)

ولا أزود 2000 جنية كمان وأجيب الديانا
ياريت حد يوجهنى للصح ويحددلى أكثر من موديل بالموصفات بتعتة علشان أعرف أختارأنا يهمنى الدقة فى النشان والقوة وجزاكم اللة خيراً

ورد عليا الأخ هشام مشكورا وقال bas mk7 بس ياريت حد يدينى معلومات أكثر عن كل نوع من حيث الموصفات والسعر

[tarekvb]

نوريكا جيت 2 بس يايريت بلاقيها

[smsmn8888]

بصراحة زود وهات ديانا 52 او 54 وانسي تشتري تاني خالصصصصصصصصصصصصص

[أميجو]

المشاركة الأصلية كتبت بواسطة smsmn8888

بصراحة زود وهات ديانا 52 او 54 وانسي تشتري تاني خالصصصصصصصصصصصصص

بصراحة انا مع الرأى ده
لكن لو ذوت ممكن توصل إلى عشرة آلاف جنيه بالنسبة لديانا 54 ( دودى ) والتى تمتاز عن أختها 52 بعدم وجود رد فعل نهائى تقريباً عن الضرب .
تحياتى

[alqasas80]

بس هل الديانا 54 نمرة 3 فعلا ولو كدة ياريت تقولى على موديا ديانا نمرة 2

[kareem_serry]

المميزات والامكانيات للديانا 54 : -
القوة:900 قدم فى الثانية نمرة 2 وتعتبر من اقوى فئة بنادق ضغط الهواء
الوزن:4.7 كيلو
الطول:105 سم
الدبشك:خشب اروو
سرعة الطلقة فى الثانية :320 م /ث
الميزة الاساسية:ان البندقية ملهاش اى رد فعل أو الادق انه يكاد يكون منعدم تماما .
والان مميزات عامة للديانا بطرازاتها المختلفة :-
1- القوة فى الاداء حيث تقترب قوتها من قوة البنادق النارية .
2 - رخص سعر الرش مقارنة بأسعار الذخيرة النارية .
3 - لا تحتاج للترخيص .
4 - الدبشك فهو من اجود انواع الاخشاب .

أما عن العيوب العامة : -
1 - الوزن .
2 - صعوبة فكها لغير المتمرن من أجل الصيانة .
3 - تعقيد مجموعة الزناد وجود مسمار الالنكيه يربط زراع الشد فى السليندر وهو مشكلة فى
حال الرغبة فكة لاخراج هذا الجزء .
4 - إرتفاع الثمن مقارنة بباقى الانواع من البنادق .

ملحوظة : -
يفضل تركيب تليسكوب من نوع جامو ويتم تركيبه على إستوبر وحفظها فى جراب محترم يليق بتلك التحفة الغالية فهى بندقية العمر الطويل .
والديانا الماني ومن وجهة نظري السلاح الالماني لا يعلي عليه
والاختيار لحضرتك عشان اختيار السلاح دا مسالة راحه نفسيه
وإليك الموقع الرسمى : -

http://www.diana-airguns.de/index.ph...024&height=768