رحله غريبه مع صديق جديد

[hoka]

السلام عليكم
انهارده خرجت الصبح لانى كنت متفق مع صاحبى فى الشارع وعاوز يمام المهم استندل معايا فقلت اخد لفه فى الشارع اللى ورانا واجى وخلاص هب وقعت يمامه لقيت واحد ماشى معايا وبيتفرج طلع ساكن فى الشارع وصاحى بدرى (بالرغم انه فى ثانويه عامه ) قلتله تيجى تلف معايا قالى بييييييييس
لفينا وظبطنا والرحله كانت جميله وحصلت حاجه غريبه الا وهى...
ضرب غراب على سطح بيت بس انا كنت مستخبى وسط الشجر فواقف بصدره ومعرضها رحت مديهاله فى رقبته (المفروض يعنى حسب نشانى انا) هب لقيت خيال الغراب بيطير قلت يللا كده كده مكنتش هاوقعه والله يدوبك كان فيه شجره جنب البيت الناحيه التانيه ملحقش وهب لقيت زى ما يكون حد حدف طوبه ع الشجره رحت ابص لقيته واقع (مقفووووووووووووول) ملحقش حتى يغمض عينه
فضلت احدف طوب علشان اوقعه لانى مستغربها اوى وقد كان ووقع بس معرفش الرشه ديه اتضربت فين علشان تعمل فى غراب كده؟؟؟ انا عمرى ما شوفت غراب (بيتسرق) لان ديه كده الرشايه سرقته وعقبال ما اخد باله انه اتضرب طار حبتين ووقع طب ازاى؟؟؟ وبرش ماتش حتى مش اختراق يعنى وكمان بندقيه رمسيس؟؟؟
الحركه ديه حصلت من 3 ايام مع واحد صاحبى كان معايا ضرب غراب وعمل نفس الحركه بس انا ما صدقتش لانه ما وقعش قدامى انما ده وقع عمودى ع الشجره (سبحان الله)
ما علينا سيبكم مع الصور اللى احمد صورهالى
سلام عليكم