موضوع مهم

[Ebrahim Al Ansari]

إن شاء الله حزنك ده يدل على حبك لجميع إخواتك اللى بيتبهدلو دول وربنا يجازيك خير على الحب ده ويجمعنا جميعا فى الجنه, بس لازم الواحد يترجم الحزن لإيجابيه وبدل ما يستسلم للحزن ده يحاول ينهي حالة الحزن, وإنهاء حاله الحزن يستلزم إنهاء أسبابها, وإنهاء أسبابها هيكون بالطريقه اللى قلناها,

طيب هنا المشكله بقى وانا هعمل كده ازاى؟؟ ما انا مش هقدر اتحكم فى البشر دول كلهم, يبقى أبدأ بنفسي ثم بمن أعول وأنوي إنى أبطل أحب الدنيا أجري وراها زياده عن اللزوم, وأنوي إنى أعمل كل اللى ربنا عايزه منى على قد ما اقدر عشان احب لقائه, والنيه الأخيره والمهمه جداً بقى هي إنى أنوي إن اللى بعمله ده يكون سبب فى رفع الذل والهوان عن إخواتى,

وكون متأكد إن كل واحد هيعمل كده ربنا هيجعله سبب فى رفع الذل والهوان عن حد من خواته المظلومين ولو حتى فى الطرف التانى من الكره الأرضيه أو هيكون له الأجر على ذلك إن شاء الله, الموضوع سهل ومنغير ما الواحد يتحرك من مكانه, أهم حاجه صدق النيه والإخلاص فى العمل لوجه الله تعالى