نكتفي بهذا القدر من مسدسات البلي.

[Biso007]

الموضوع له شقين و الاتنين فيهم الحق:
- اصحاب و اعضاء المنتدى شايفين ان المنتدى دخل فيه مواضيع و اعضاء كثير جدا ملهومش دعوة بالصيد (انا منهم ) و المنتدى خرج عن اطاره و اصبح مكان لتجارة اسلحة غير اسلحة الصيد و بقى فيه كلام كتير فارغ و مالوش لزمة عن مشاكل التجار و منافستهم لبعض و كمان ممكن يكون فيه ناس بتتابع المواضيع دى لاغراض سيئة .. و طبعا من حقهم يدافعو عن شكل المنتدى الاصلى و سمعته.
- من ناحية تانية انا شايف ان اللى حصل نتيجة طبيعية لاحداث الثورة و احتياج الناس لوسيلة دفاع عن النفس فى ظل انتشار البلطجة و تعنت الحكومة فى تصاريح السلاح .. و طبيعى ان الشرفاء منهم وجدوا فى هذا المنتدى و اعضاءه المحترمين مكان موثوق فيه للخبرة و النصيحة الامينة و بصراحة انا اتعرفت هنا على مجموعة من الافاضل و كلهم روح طيبة و امانة فى التعامل.

طب نعمل ايه ؟ ... هل يمكن تخصيص قسم خاص لهذه النوعية من "المواضيع" يكون عنوانه ان المنتدى غير مسئول عن اى اضرار ناتجة عن هذا القسم ؟

طبعا انا عضو جديد بالسولوفانة و ماليش حق التدخل و اترك الامر للادارة و الاعضاء القدامى ... تقبلوا تحياتى.