أول طلعه ليه اليوم (تجربتي ) ( 6 أكتوبر )

[GEN- I A Z]

السلام عليكم

اليوم كان أول طلعه ليه

التجهيزات البندقية البيونير و علبة رش مدبب و أزازة مية

المهم انا ساكن فى أكتوبر و حوالين بيتي جنينه و بيبقى فيه حوالينا حمام و يمام و هكذا

نزلت و الاول مرنت نفسي بكام رشه على حتة خشبة و صابتها من على بعد 20 متر قلت تمام

بدأت أنشن على عصافير الاول و بعدين حمام بس كان بيجلي او يتسرق و بصراحه مكنتش مضايق عادى أول مرة ليه

المهم فجأة بدأت المضايقات من الناس و شوية لاقيت جماعه قربوا عليه بتاع 7 شباب المهم قالولى ورينا البندقية و ريتهالهم

واحد راح شدهاو لسه هيوجههالى و يضرب بس الحمد لله كنت انا ساحب مانع الارتداد و شديتها منه بسرعه و عمل نفسه بيهزر و انا مشيت لانى مش هتخانق بيها

و أفتكرت كلام أخونا dr sniper لما قالها ان الى يفرط فى سلاحه يفرط فى مراته و فضلت رابط السلاح بالحزام على كتفى و انا ماشى

الواحد اتعلم شوية حاجات اهمها ان الصيد في المناطق السكنيه مقرف و ان الواحد ميخليش حد يلمس سلاحه ابدا

و انا محتاج من اخوتنا الى اصطادوا فى أكتوبر يقولولنا هما أصطادوا منين من أكتوبر و ألف شكر