مساعه فى مقارنه بين مسدسات الصوت

[khaled_sabry]

خلاص بقى انا اتفقت على ريتراى بارون و حستلمه بإذن الله يوم الجمعه
طبعا هو الكيمار احلى واحد فيهم و افضل تقفيل (كما يبدو من الصور) ... بس غالى اوى و كمان كونه بيجي مقفول من المصدر و بيتفتح هنا بيخلى الواحد يقلق شويه
ده طبعا غير تكلفة الفتح و الطبه و المشوار المحترم لغايه الاخ مازنجر
و علشان كده طلعته من المقارنه
البلو سى شكله كده ابن حلال بس مش عارف من الصور برضه بحس انه مكعبر شويه بالذات المقبض بتاعه و حاسس كده لو طلعت بيه فى خناقه اللى قدامى مش حيفهم ان ده مسدس اصلا و حيفتكرها عضمه !!
اللى شجعنى على الريتراى بارون هو ان كتير من الاعضاء بيشكرو فيه و بيقولو مافهوش مشكلة الحشر التقليديه حتى مع الطلق التركى و انه افضل المسدسات التركيه
و ده رغم ان فيه عيب شكله منتشر فى الريتراى بارون و هو زر ارجاع الشاكوش اللى ممكن يرجع الشاكوش على مره واحده (بدلا من مرتين) و يضرب الطلقه
بس يعنى العيب ده مش مؤثر اوى من وجهة نظرى
و رغم برضه ان شكله مش عاجبنى اوى .. بس على قد فلوسى بقى