اصلات للبيع

[Godzalla]

ربنا يخليك و يكرمك يا رب

الاسود مش سهله ولازم تجبها شبل صغير و تربيه عنده و تدربه طاعه عمياء و اوعى تقصله اظافره او انيابه لان اى كان حى بيقطعله مصادر دفاعه عن نفسه او افتراسه بيتعب نفسيا و ممكن يموت

بعنى مثلا ناس كتير اوى من بتوع العروض بالكوبرا كانوا بيطلبوا كوبرا و يقلولى شيل انيابها بقلوهم كدا مش هتعيش شهر و هتموت لانها اولا مش هتاكل هتصوم عن الاكل و هتموت من الجوع و من التعب النفسى يقلولى مش مهم كدا كدا احنا بنعمل بيهم عروض و مش مهم لما كل شهر اشترى 10 تعابين كبرا و وقتها التعبان الكوبرا الواحد طول متر بدون انياب كان بحوالى من 300 الى 450 جنيه بس طبعا انا شخصيا كنت برفض البيعه دى تماما .. حتى لو مكسبى فيها مليون جنيه

و كمان الاسود لازملها مكان واسع جدا جنينه و حد عينه عليهم على طول و معاه سلاح دا اساسى دا غير كمية اللحمه الهتشتريهلهم

بس اهم حاجه باختصار فى تربية الاسود :

1. يكون شبل

2. متقصلوش ظوافره ولا انيابه

3. مكان نظيف جدا و واسع و لاكن محوط بسور قوى ( و خلى بالك عشان زائيره عالى جدا و ممكن لو حد سمعه و عمل محضر كدا هتبقى دخلت مع البيئه )

4. توفير كميات مهوله من اللحمه و متخليهوش يجوع

5. حارس موجود باستمرار و يكون معاه سلاح حى

و الشبل بيعمل من اول 40 الف فى الحدود دى .. بس انا سمعت ان جنينه الحيوانات بتبيع اشبال ب 10 الف جنيه الشبل بس مش مصدق .. !

و اى استفسار عن اى كان انا فى الخدمه و خصوصا التعابين و الاسماك