طلعة النهاردة الفجر و حصيلة لا بأس بها

[Bebeto]

فضلت قاعد بذاكر من 1 بلييل لحد 5 .... المهم زهقت قلت اعمل ايه اعمل ايه ؟؟؟ قولت انزل اجرب الكرال بعد تغيير السوستة و الجلبة و الحمد لله الحصيلة كانت 4 عصافير و يمامة و يمامة صغنونة و فرد حمام

طبعا كلو هايهاجم دلوقتي اني اصطدت الحمامة دي و مش عارف ايه مع اني من اول المعارضين لكدة ..... الحكاية ان في 3 حمامات بقالهم اكتر من شهر و نص في المدينة عندنا و للعلم المدينة كلها ظباط فمفيش حد بيربي حمام ..... المهم سألت كذا واحد علي ال 3 حمامات دول قالولي ان كان في كذا غية حمام في الاكاديمية البحرية اللي في المدينة عندنا
فـ الحمام كان مبهدلهم الدنيا فتم هدم الغيات دي و الحمام طااااار .... قلت لازم اتأكد ليا صحاب اخويا طلاب في الاكاديمية سألتهم قالولي انه بالفعل تم هدمهم و قالولي ان الحمام ده طار و منه اللي راح لناس بتربي حمام مع حمام تاني و منهم الي خلع و بعد التأكد من كدة لقيت حمامة علي السطح و العمارة 6 ادوار سميت بالله و هوووب .... الحمامة نزلت مقفولة قلت الحمد لله و بارك الله فيما رزق و الحمامتين دول رزقهم قريب ان شاء الله

و و انا ماشي سألت واحد علي البوابة قلتلو اومال فين الحمام قاللي الغيات اتهدت
__________________________________________________ ____________