سؤال يخصوص الكرال

[hemi afifi]

اولا تعريف الايزو : دي منظمه حاطه شروط لو المنتج طابقها يبقي المنتج ده علي مستوي معين من الجوده و يقدر يتباع في اي بلد حتي البلاد اللي عندها قيود جامده علي المنتجات اللي بتستوردها , بس مش اي حاجه اسمها اخده ايزو معناها انها انتاجها حلو في ايزو بيتاخد عشان المنتج ده مراعي لقوانين البيئه فقط و ليس له اي علاقه بالجوده
ثانيا الكرال كله اخد ايزو انا معايا دبشك رمايه سوداء و الايزو علي العلبه
ثالثا موضوع كسر المسامير للدبشك ده ناس كتير بتتكلم عليه و سبحان الله في نفس الوقت نادرا ما بشوف حد حصلت فعلا معاه , هو ممكن يتكسر لو وقعت وقعه غبيه و كمان كعب الدبشك معمول كاوتش طري و بيمتص الصدمات , و موضوع انك تربط المسامير لدرجة الكسر ده صعب اوي المسامير بتتربط بالعافيه اصلا و مش حتعرف تتغاشم عليها و تجيب اخرها
رابعا الفرق بين الدبشك الفيبر اسود او بني هو ولا حاجه فعلا و الخشب مش بشع زي ما الناس بتتكلم عليه بالنسبالك لو اول مره تمسك بندقيه هو حلو بس لو مسكت حاجات محترمه قبل كده ممكن تحس انه اقل جوده , الدبشك الفيبر العادي اسود او بني اخف وزنا من الخشب بس الدبشك الرمايه الفيبر اتقل من الخشب
اخيرا الندقيه دي هاي بور و مش سهله ليها رد فعل حيقرفك لو انت لسه جديد و الدبشك الرمايه تقيل و حتاخد وقت عشان تتطبع عليها لو ناوي تجيبها متتخيلش انك حتخرب الدنيا صيد من اولها غير البنادق التانيه الاقل قوه و سرعه و وزن
ارجو اني اكون افدتك