|
| الإعلانات |
|
|||||||
| التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
| بنادق ضغط الهواء ومتعلقاتها معلومات عن بنادق ضغط الهواء والرش ومستلزماتها. |
|
|
أدوات الموضوع | إبحث في الموضوع | انواع عرض الموضوع |
12-10-06, 11:49 AM
|
#1 |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141   |
تجربة السوسته الماجنوم المرعبه
بسم الله الرحمن الرحيم
ازيكو يااحلى قناصين فى الوطن العربى كله انا من يومين كده عملت تجربه مرعبه مفزعه مخيفه بس مش مرعبه ليا ولا ليكو لكن مرعبه لسكان العماره عندنا وللطيور اللى حوالينا ههههههههههههههههههههههه الموضوع بالتفصيل هو انى حسيت ان السوسته بتاعة الكرال ضعفت شويه وكتر خيرها بقالها حوالى 5 شهور مش بتشوف النوم وكل يوم والتانى ضرب ضرب وصيد ومفيش شتيمه ههههههههههههههههههههه مع انها مكانتش اصليه يعنى ولا حاجه وعشان اتأكد انها فعلا ضعفت ضربت بيها طلقتين على قطعة خشب قويه سمكها 2 سنتى ونص على مسافة 10 متر  ملحوظه يوجد تلات طلقات على الخشبه بالسوسته الجديده وطلقتين بالسوسته القديمه  والصوره واضحه اهى انها ضعفت اوى والطلقتين عايمين على وش الخشبه قلت مفيش فايده بقى لازم اغيرها توكلت على الله وجبت سوسته ديانا 350 ماجنوم بـــ 140 جنيه لأن السوسته الجامو مش متوفره فى اسكندريه  وبرغم تحذيرات كل الصيادين من انها هاتبقى قويه جدا على الكرال وممكن تبوظ الزناد لكن اعزرونى بقى انا من النوع اللى دماغه ناشفه ومش بيسمع الكلام غير لما يتقرص قرصه جامده هى طبعا عدد حلقاتها 40 حلقه قطعت منها 8 حلقات واصبحت 32 حلقه وطولها 27 سنتى وركبتها للكرال بمساعدة صديقى واكسر وجرب يامعلم الحمد لله كسرت ولقطت التعمير خرجت على سلم العماره قدام الشقه وحطيت رشايه واضرب ياباشا فى الهوا طااااااااااااااااااااااااخ صووووووووووووت مرعب  صديقى قال بصوت عالى يانهار اسود ايه الصوت والفرقعه دى كلها انا نفسى انا وصحابى اتخضينا وخوفنا من صوتها ومفيش دقيقتين ولقيت الجيران اللى فى الشقه اللى قدامنا خرجو وبيقولو فيه ايه؟ قلت وانا باضحك مفيش حاجه ياجماعه ده انا باجرب البندقيه رد ت جارتنا وقالت بندقيه ايه بس حرام عليك ده انا فكرت العماره هاتقع هههههههههههههههههههههههه وشويه ولقيت الجيران اللى تحتنا كمان طالعين يستفسرو عن الصوت انا لقيت الموضوع شكله بايخ قمت واخد البندقيه ودخلت وحسيت ان السوسته قويه عليها جدااااااااااااااااااااا قمت كاسر البندقيه وسايها معمره وحطيتها فى الدولاب وهى مكسوره وسبتها حوالى 8 ساعات عشان عزم السوسته يقل شويه وبعد 8 ساعات اخدت البندقيه والعده وطلعت فوق السطوح وكملت فوق وفعلا الحمد لله صوتها هدى شويه وجبت قطعة الخشب اللى ضربت عليها طلقتين قبل تغيير السوسته وعلى مسافة عشره متر وضربت جنب الطلقتين القدامى 3 طلقات بالسوسته الجديده عشان اقارن القوه بينهم بس الله ماشاء الله ايه القوه دى التلات طلقات اخترقو لوح الخشب وطلعو من الناحيه التانيه  قلت كده القوه حلوه اوى نجرب بقى الدقه ضربت طلقه فى مكان فاضى فى قطعة الخشب وضربت كمان طلقه على الطلقه القديمه والحمد لله جنب بعض تأكيدا للدقه  وبرده اخترقو الخشب وخبطو فى الحيطه الناحيه التانيه  دورت على الرش المضروب على الارض خلف قطعة الخشب لقيته عباره عن حتت صفيح رقيقه جدا  وبكده البندقيه (كايداهم ) بقت سلاح نووى ههههههههههههههههههههههه وقعدنا نضرب بيها انا واصحابى ونتحدى بعض فى الرمايه ضربنا بيها حوالى 70 رشايه والحمد لله اطمنت عليها  بس على فكره انا عملت التجربه دى على مسؤليتى الخاصه يعنى اللى عاوز يجرب السوسته الماجنوم يجربها لكن على مسؤليته هو عشان لو بوظتلو حاجه فى البندقيه ميارجعش يدعى عليا انا جربتها والحمد لله شغاله معايا حلو اهى اللهم قد بلغت تحياتى للجميع
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الطلعه المرعبه ( تحطيم الارقام القياسيه تتوالى ) | القبطان المصرى 77 | صور وفيديو الصيد ورحلاته | 19 | 12-09-16 08:26 PM |
| تجربه الماجنوم 350 | AMR EBID | صور وفيديو الصيد ورحلاته | 15 | 11-12-31 12:52 PM |
| أنا ..و الماجنوم 350 و موقف مضحك جدا | SHARKY | البنادق الهوائيه | 25 | 11-12-30 09:48 PM |
| عرض الكرال الماجنوم نمره 2 من محل خضر | trainman | محلات الاسلحه وادوات الصيد | 14 | 11-11-22 02:28 AM |
| إلى الخبراء عندى مشكلة فى الماجنوم | cono | الورشة | 6 | 11-09-02 11:22 PM |
العرض الشجري