يعني ايه تعويم الجنيه

[avokato]

الحكومة تقوم بتعويم الجنيه فى خلال أيام.
=========================
يعني ايه تعويم الجنيه ؟
يعني الدولة متتدخلش لتحديد سعر الجنية قدام الدولار وباقي العملات

طب دا هيسبب أيه ؟
دا هيسبب ان الجنية هينخفض جدا وربما يصل سعر الدولار لـ10 جنيهات

طب ايه السبب في دا ؟
السبب ان مصر دولة اقتصادها مش قوي وبتعمل عجز فى الميزان التجاري يعني بتستورد اكتر ما بتصدر وبالتالي الطلب على الدولار هيبقى عالي قوي فى مقابل انخفاض الطلب على الجنيه

طب ايه المشكلة لما يعملوا كدا ؟
المشكلة سيادتك ان مصر دولة بتستورد كل حاجة تقريبا حتى الاكل ( الارز والقمح واللحوم ) ، ولما الجنية يتعوم والدولار سعروا يرتفع كل السلع اللى بتستخدمها سعرها هيرتفع بما فيها سعر المنتجات اللى بتنتج محليا وفى المقابل دخلك زي ما هوا يعني بيتك هيتخرب

دا غير ان ارجال الاعمال اللى ليهم صله بيهم عندهم علم بدا يعني هيشتروا تقريبا كل العملات الاجنبية عشان يبيعوها بعد التعويم ، وكل السلع اللى بيستوردوها هيشحنوها فى المخازن عشان تتباع لما سعرها يرتفع


يلا بقى نلبس عشان خارجين وكل واحد معاه جنيه يبروزه ويترحم عليه