موقعة العصفور ( الشجره المبروكه )

[القبطان المصرى 77]

السلام عليكم ورحمة الله وبركاته
فاكرين فؤااااااااااااااد؟؟
ههههههههههههههه
كنا متفقين انا وهو نخرج للصيد تانى امبارح الصبح قبل الشغل
وبالفعل خرجنا الساعه 5 صباحا بالعربيه
ووصلنا منطقه فى الكيلو 58 الصحراوى خلف قرية الاسد بقليل للداخل
وكان معانا
البندقيه /الكرال المرعبه

الرش جامو ماتش


وكانت الساعه قربت على 6 وشويه كده وبدات صيد وقعدت حوالى ساعه مجبتش غير يمامتين
قلت لصديقى يلا بينا ندخل جوه الاراضى الزراعيه دى شويه
وبالفعل دخلنا حوالى 5 كيلو ولمحت قطعة ارض زراعيه لسه محروته ومزروعه جديد بس مش عارف هى مزروعه ايه
لكن لقيت قطعة الارض دى مليانه حمام على اخرها ( حمام ابراج على اهالى )
اترددت شويه وفى الاخر قررت انى ماضربش حمام
وبصيت الناحيه التانيه من قطعة الارض لقيت شجرة توت كبيره اوى والاوراق فيها قليله جدا
قلت لفؤاد خليك انت هنا
ومشيت انا لغاية الشجره دى واذا بيا اتفجأ انها عليها حوالى 14 جوز يمام ( اكتر من 25 ) بينزل ياكل مع الحمام من الارض دى ويطلع تانى عالشجره
سميت الله وقمت نازل القناه ( اللى الفلاح بيروى منها الارض ) وكانت غويطه شويه و ناشفه مفيش ميه
ومشيت فيها وانا منحنى الظهر لغاااااااااااااااية قبل الشجره بحوالى 20 متر وقمت لابد خلف شوية حشائش على القناه
وبسم الله ماشاء الله
بدأت ضرب طاخ طاخ طاخ حوالى 10 ضربات ورا بعض فى تلات دقايق تقريبا كنت موقع 7 يمامه من العشر ضربات
واثناء الضرب فيه يمام طار وفيه لسه واقف على الشجره مستنينى اضرب
ودلوقت قدامى حل من اتنين
يا اما اسيب اللى نزل على الارض من غير تزكيه يتعذب واكمل ضرب
وطبعا ده حرام
يا اما اطلع من مخبئى اروح اجيب اللى وقع عشان ادبح اللى لسه صاحى
وفى الحاله دى كل اللى واقف على الشجره كل سنه وانت طيب هايطير
وبعد مالشيطان قعد يلعب فى دماغى شويه قررت انى ماغضبش ربنا
وبالفعل اول ماقمت كلللللللل اللى كان عالشجره بالسلامه
واخدت اللى وقعتهم وجريت على صديقى حوالى 200 متر ودبحناهم وقمت راجع تانى للشجره
وفضلت مستنى حوالى عشر دقايق واليمام بدا يرجع تانى وانا اضرب بالخمسه وارجع لفؤاد كل كام دقيقه
هو يقوولى ايه ده يابنى انت بتجيب اليمام ده منين
هو فيه حد بيبيع يمام هناك ولا ايه
اقوله اسكت وخليك فى حالك دى الشجره المبروكه
هههههههههههههههههههههه
ومن ضمن الضربات ضربت على يمامه واتفجأت انها طارت لكن لقيت حاجه تانيه وقعت من وراها
رحت اشوفها لقيته عصفور الرشه تقريبا عدت من اليمامه وجت فيه
وكانت طلعه زى العسل فى حوالى 2 ساعتين
وروحنا على كده وانا مبسووووووووط اوى من الشجره دى اللى جبت منها حوالى 15 يمامه
واتفقنا نروح نفس المكان تانى انا وصديقى النهارده عشان الشجره المبروكه دى
وبالفعل روحنا النهارده كمان ولقينا الارض مرويه ومليانه ميه
وفضلت قاعد جنب الشجره يجى ساعه ونص عشان اشوف يمامه او حمامه
انسى يامعلم
ههههههههههههههههههههههههه
وكااااااااااااااانت صدمه بالنسبه لى
صديقى قالى تعالى نروح مكان تانى ماتزعلش نفسك شكلها مبقتش مبروكه
قلتلو لا انا زهقت يلا نروح عشان ماتأخرش عالشغل
ورجعنا من غير ولااااااااااااااااااا حتى عصفوره
ههههههههههههههههه
ودى الحصيله بتاعة امبارح
34 رشه تم ضربهم
11 خطئ فى الاصابه وترييش وسرقه
22 يمامه الحصيله النهائيه
1 عصفوره
فيديو للحصيله
http://www.youtube.com/watch?v=CgbRJ...ature=youtu.be
الصور






ومفيش مواقف وحشه المره دى الحمد لله
هههههههههههههههههه
والسلام عليكم ورحمة الله