واخيرا طلعت رحلة بعد انقطاع دام شهرين ونصف

[فوزى السيد]

http://www.youtube.com/watch?v=K0EwUdBLAOYالسلام عليكم
ارجو ان تكونو فى اتم صحة واسعد حال
امبارح طلعت رحلة بعد فترة طويلة ما طلعتش فيها رحلات بسبب ظروف الشغل وايضا برودة الجو وكثرة الشتاء
واخيرا قررت اطلع وانا وحظى مع ان كان الجو برد جدا ودة سببلى انى ما اخرجش للرحلة دى الا لما الشمس طلعت عقبال ما وصلت لمكان الصيد بقينا الساعة 9 وتوالت الضربات وبدون ما اشعر لقيت العصر باذن كنت فاكرة الظهر بصيت فى الساعة لاقيتة العصر
فعلا المثل اللى بيقولوة على شهر كياك دة صحيح ( كياك صباحك مساك تقوم من النوم تجيب عشاك) ودة اللى حصل فعلا اليوم عدا فى غمضة عين
من طرائف الرحلة قطة سرقت يمامة كانت حية لسة اليمامة فردت جناحها على راس القطة ما بقتش شايفة تمشى راحت عند حيطة وعايزة تعدى منها تدخل فى الحيطة وترجع تمشى شوية وتدخل تانى فى الحيطة وطبعا انا انتهزت الفرصة ورحت شادد اليمامة منها بس من غيظها بقت عايزة تضربنى
الحصيلة 9 فرد يمام و3 حمام و4فرد يمام فى البرسيم والغلة ما عرفتش اجيبهم بس حاولت وما فيش نصيب قد يكونو نصيب لكلب او قطة او تعلب الله اعلم اما اللى نصيبى انا اخذتة من القطة اسف للاطالة واليكم الصور ومقطع فيديو لقنص غراب