اول مرة بالليل

[دكتور عابدينوف]

من يومين لقيت صاحبى كلمنى بيقولى انه رايح العزبة عندهم لو عايز اروح معاه قلتله اوك طبعا
رحت واخدت الكرال معايا ..وبعد ما وضبنا حاجتنا وولعنا خشبنا قلتله هات الكشاف لما اروح اجرب كدا
اول شجرة كانت فوق راسى واول يمامة ظهرة مع اول ضربة كشاف لكن ضربت وطارت ماعرفش اتصابت ولا لا
شوية قلتله انا داخل الحظيرة (فيها شجر ) نورت لقيت اتنين جمب بعض وضربت الحمد لله نزلت واحدة بس برا وطلعت اجيبها
طلعت فالارض ورا سور الحظيرة ( نفس الشجر بس من برا ) نورت لقيت اتنين تاانيين ضربت برضو نزلت واحدة (جوا ) كملت مالقتش حاجة ودخلت عشان اجيب التانية
واحنا جوا صاحبى ققالى هات اما اجرب كدا بيضرب لقى واحد فمكان غريب ماشاء الله عليه ماعرفش جابها ازاى المهم ضربها ووقعت جوا
رجعنا وهو نظف التلاتة وكنا تلاتة وشويناهم وكل واحد اكل يمامة
رحت اتجول بعد كدا لقيت اليمام عمال يحوك حوالين الجزورين والى كان كثيف جدا غير ان الكشاف كان تعبان
تانى يوم الظهر لقيت واحدة على كوم قش طخيتها اتنطرت لورا كان منظر جامد جبتها ..طبعا ضربت كتير فالفاضى بسبب انى ماينفعش افك التعمير
وهكذا كانت طلعة عزبة بسيونى القصيرة